ಬೆಂಗಳೂರು : ರಾಜಧಾನಿ ಬೆಂಗಳೂರಿನಲ್ಲಿ ವಾಹನ ಚಾಲನೆ ಮಾಡುವ ವಾಹನ ಸವಾರರ ಗೋಳು ಹೇಳತೀರದಾಗಿದೆ. ರಸ್ತೆ ತುಂಬೆಲ್ಲಾ ಗುಂಡಿಗಳೆ ತುಂಬಿದ್ದು ಜನರು ಪ್ರತಿ ನಿತ್ಯ ಹೋಡಾಡಲು ಪರದಾಡುವಂತಾಗಿದೆ . ಇದಕ್ಕೆ ಸಾಕ್ಷಿಯಾಗಿ ನಾಗವಾರದ ಬಳಿ ಒಂದೇ ಗುಂಡಿಗೆ 2 ಆಟೋಗಳು ಬಿದ್ದು ಬ್ರ್ಯಾಂಡ್ ಬೆಂಗಳೂರಿ ಪ್ರಸ್ತುತ ಪರಿಸ್ಥಿತಿಗೆ ಸಾಕ್ಷಿಯಾಗಿದೆ.
ಬೆಂಗಳೂರಿನ ಮಾನ್ಯತಾ ಟೆಕ್ ಪಾರ್ಕ್ ಬಳಿ ಇರೋ ನಾಗವಾರ ಜಂಕ್ಷನ್ ನಲ್ಲಿ ಅನಾಹುತ ಸಂಭವಿಸಿದ್ದು. ಮೆಟ್ರೋ ಕಾಮಗಾರಿ ಕಾರಣ ಮುಖ್ಯ ರಸ್ತೆ ಬಂದ್ ಆಗಿರುವುದರಿಂದ ಎಲ್ಲಾ ವಾಹನಗಳು ಸರ್ವೀಸ್ ರಸ್ತೆಯಲ್ಲಿ ಹೋಗಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದ್ದು ಇದರಿಂದಾಗಿ ರಸ್ತೆಯೆಲ್ಲಾ ಗುಂಡಿಮಯವಾಗಿದೆ. ಇದರ ಜೊತೆಗೆ ಒಳಚರಂಡಿ ನೀರು ಕೂಡ ರಸ್ತೆ ಮೇಲೆ ಹರಿಯುತ್ತಿದ್ದು ರಸ್ತೆ ಯಾವುದು, ಗುಂಡಿ ಯಾವುದು ಎಂದು ತಿಳಿಯದಂತಾಗಿದೆ.
