ಬೆಂಗಳೂರು : ಸೊಸೆ ತಂದ ಜಗಳದಲ್ಲಿ ಭಾಗಿಯಾದ ಮಾವ ಚಾಕು ಚುಚ್ಚಿಸಿಕೊಂಡು ಆಸ್ಪತ್ರೆಗೆ ದಾಖಲಾದ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ. ಪಾರ್ಕಿಂಗ್ ವಿಚಾರಕ್ಕೆ ಜಗಳವಾಡುವಾಗ ಮಧ್ಯೆ ಬಂದ ಮಾವನಿಗೆ ಆರೋಪಿ ಚಾಕು ಚುಚ್ಚಿ ಪರಾರಿಯಾಗಿದ್ದಾನೆ.
ಮನೆ ಮುಂದೆ ಗಾಡಿ ನಿಲ್ಲಿಸಲು ಇಬ್ಬರ ಮಧ್ಯೆ ಜಗಳವಾಗದ್ದು. ಇದೆ ವೇಳೆ ಮನೆಯಲ್ಲಿದ್ದ ಮಾವ ದಳಪತಿ ತನ್ನ ಸೊಸೆಯ ರಕ್ಷಣೆಗೆ ಧಾವಿಸಿದ್ದಾನೆ. ಈ ವೇಳೆ ತನ್ನ ಸೊಸೆಯನ್ನು ವಹಿಸಿಕೊಂಡು ಆರೋಪಿಯ ಜೊತೆ ಮಾವ ಜಗಳ ಮಾಡುವ ವೇಳೆಯಲ್ಲಿ ಮನೆಯೊಳಗೆ ಹೋದ ಸೊಸೆ ಅಡುಗೆ ಮನೆಯಿಂದ ತನ್ನ ಮಾವನಿಗೆ ಚಾಕು ಎಸೆದಿದ್ದಾಳೆ.
ಮಹಿಳೆಯ ಮಾವ ಚಾಕು ತೆಗೆದುಕೊಳ್ಳುವಷ್ಟರಲ್ಲಿ , ಆರೋಪಿ ಚಾಕು ತೆಗೆದುಕೊಂಡು ಮಾವ ದಳಪತಿಯ ಬೆನ್ನಿಗೆ ಇರಿದಿದ್ದು, ಆರೋಪಿ ತಕ್ಷಣವೆ ಸ್ಥಳದಿಂದ ಪರಾರಿಯಾಗಿದ್ದಾನೆ. ಸದ್ಯ ತೀವ್ರ ಗಾಯಗೊಂಡು ಆಸ್ಪತ್ರೆ ಸೇರಿರೋ ಗಾಯಾಳು ದಳಪತಿಗೆ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಪ್ರಕರಣ ಸಂಬಂಧ ಅನ್ನಪೂರ್ಣೇಶ್ವರಿ ನಗರ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು. ಪೋಲಿಸರು ಆರೋಪಿ ಪತ್ತೆಗೆ ಬಲೆ ಬೀಸಿದ್ದಾರೆ ಎಂದು ಮಹಿತಿ ದೊರೆತಿದೆ.
