ಬೆಂಗಳೂರು : ರೇಣುಕಾಸ್ವಾಮಿ ಕೊಲೆ ಪ್ರಕರಣದಲ್ಲಿ ಜೈಲು ಸೇರಿದ್ದ ನಟ ದರ್ಶನ್ ಆರೋಗ್ಯ ಸಮಸ್ಯೆಯಿಂದ ಜಾಮೀನು ಪಡೆದು ಹೊರಗೆ ಬಂದಿದ್ದು. ಇದೀಗ ಕೆಂಗೇರಿ ಬಳಿಯ ಬಿಜಿಎಸ್ ಆಸ್ಪತ್ರೆಯಲ್ಲಿ ದರ್ಶನ್ ಚಿಕಿತ್ಸೆ ಪಡೆಯುತ್ತಿದ್ದಾನೆ. ದರ್ಶನ್ರನ್ನು ಪರೀಕ್ಷಿಸಿದ ವೈದ್ಯರು ದರ್ಶನ್ ಎಡಗಾಲಿನ ಸ್ಪರ್ಶ ಶಕ್ತಿ ಕಡಿಮೆಯಾಗಿದೆ ಎಂದು ಹೇಳಿದ್ದಾರೆ. ಇದರ ಕುರಿತು ಬೆಂಗಳೂರಿನಲ್ಲಿ ವಾಸ್ತು ತಜ್ಞ ನಾರಯಣ ಶರ್ಮ ಪ್ರತಿಕ್ರಿಯೆ ನೀಡಿದ್ದಾರೆ.
ದರ್ಶನ್ ಕುರಿತು ಹೇಳಿರುವ ನಾರಯಣ ಶರ್ಮ ಗುರೂಜಿ ಕರ್ಮ ಅನ್ನೋದು ಯಾರನ್ನು ಬಿಡೋದಿಲ್ಲ,
ನಾವು ಮಾಡಿದ ಪಾಪವನ್ನು ನಾವೆ ಅನುಭವಿಸಬೇಕು ಎನ್ನುವುದಕ್ಕೆ ದರ್ಶನ್ ಪ್ರಕರಣ ಉದಾಹರಣೆಯಾಗಿದೆ.
ದರ್ಶನ್ಗೆ ಕೇವಲ ರೇಣುಕಾ ಸ್ವಾಮಿ ಕೊಲೆಯಿಂದ ಮಾತ್ರ ಸಂಕಷ್ಟ ಬಂದಿಲ್ಲ, ಅವರು ಚಿಕ್ಕ ವಯಸ್ಸಿನಲ್ಲಿ ಅಂಗ ವಿಕಲನಿಗೆ ತೊಂದರೆ ನೀಡಿದ್ದಾರೆ. ಕೇವಲ ರೇಣುಕಸ್ವಾಮಿ ಕೊಲೆ ಮಾತ್ರವಲ್ಲದೆ ದರ್ಶನ್ ಸುಮಾರು ಜನರಿಗೆ ತೊಂದರೆ ಕೊಟ್ಟಿದ್ದಾನೆ. ಅದರಲ್ಲೂ ಜಂಗಮ ಸಮುದಾಯಕ್ಕೆ ಸೇರಿದ ರೇಣುಕಾಸ್ವಾಮಿಗೆ ಕಾಲಲ್ಲಿ ಒದ್ದಿದ್ದಾನೆ ಅದಕ್ಕೆ ಕರ್ಮ ಸುತ್ತಿಕೊಂಡಿದೆ ಎಂದು ವಾಸ್ತು ತಜ್ಞ ನಾರಾಯಣ ಗುರೂಜಿ ಹೇಳಿಕೆ ನೀಡಿದ್ದಾರೆ.
