ಬೆಂಗಳೂರು : ಕೊಲೆ ಪ್ರಕರಣದಲ್ಲಿ ಜೈಲು ಸೇರಿದ್ದ ನಟ ದರ್ಶನ್ಗೆ ಇಂದು ಜಾಮೀನು ದೊರಕಿ ಹೊರಗೆ ಬಂದಿದ್ದಾರೆ. ಅದರ ಜೊತೆಗೆ ನಾಳೆ ದರ್ಶನ್ ಮಗ ವಿನೀಶ್ ದರ್ಶನ್ ಹುಟ್ಟುಹಬ್ಬವಿದ್ದು. ನಾಲ್ಕು ತಿಂಗಳಿಂದ ಮಗನಿಂದ ದೂರವಿದ್ದ ದರ್ಶನ್ ತನ್ನ ಮಗನ ಹುಟ್ಟುಹಬ್ಬಕ್ಕೆ ಜೈಲಿನಿಂದ ರಿಲೀಸ್ ಆಗಿದ್ದು ಮಗನ ಜೊತೆ ಹುಟ್ಟುಹಬ್ಬ ಆಚರಿಸಲು ಉತ್ಸುಕರಾಗಿದ್ದಾರೆ.
ಕಳೆದ ನಾಲ್ಕು ತಿಂಗಳಿಂದ ಜೈಲು ಸೇರಿದ್ದ ದರ್ಶನ್ನನ್ನು ಮಗ ವಿನೀಶ್ ಕೇವಲ ಒಂದು ಬಾರಿ ಮಾತ್ರ ಬಂದು ನೋಡಿ ಹೋಗಿದ್ದರು. ತಂದೆಯ ವಾತ್ಸಲ್ಯದಿಂದ ದೂರವಾಗಿದ್ದ ಮಗನಿಗೆ ತನ್ನ ತಂದೆ ಜೈಲಿನಿಂದ ರಿಲೀಸ್ ಆಗಿರುವುದು ಒಂದು ಖುಷಿಯಾಗಿದ್ದರೆ , ನಾಳೆ (ಅ.31) ತನ್ನ ಹುಟ್ಟುಹಬ್ಬವನ್ನು ತಂದೆಯ ಜೊತೆಗೆ ಆಚರಿಸಿಕೊಳ್ಳುತ್ತಿದ್ದೇನೆ ಎಂಬುದು ಮತ್ತೊಂದು ಸಂತೋಷವಾಗಿದೆ.
