ಬಳ್ಳಾರಿ : ರೇಣುಕಸ್ವಾಮಿ ಕೊಲೆ ಪ್ರಕರಣದಲ್ಲಿ ಜೈಲು ಸೇರಿ ನರಕಯಾತನೆ ಅನುಭವಿಸುತ್ತಿರುವ ನಟ ದರ್ಶನ್ ಪ್ರತಿದಿನ ಪ್ರತಿಕ್ಷಣ ಜಾಮೀನಿಗಾಗಿ ಹಂಬಲಿಸುತ್ತಿದ್ದು. ಇಂದಾದರು ಹೈಕೋರ್ಟ್ನಿಂದ ಜಾಮೀನು ಸಿಗುವ ನಿರೀಕ್ಷೆಯಲ್ಲಿದ್ದಾರೆ.
ಬೆನ್ನು ನೋವಿನಿಂದ ನರಳುತ್ತಿರುವ ದರ್ಶನ್ಗೆ ನಿದ್ದೆಯು ಬರುತ್ತಿಲ್ಲ, ಆಹಾರವು ಸರಿಯಾಗಿ ಸೇರುತ್ತಿಲ್ಲ, ಯಾವ ಕ್ಷಣದಲ್ಲಿ ಬಳ್ಳಾರಿ ಜೈಲಿಗೆ ಶಿಫ್ಟ್ ಆದರೊ ಅವಾಗಿನಿಂದ ರಾಜಾಥಿತ್ಯವು ಇಲ್ಲದಂತಾಗಿದೆ. ಹೆಚ್ಚಿನ ಸೌಲಭ್ಯ ಬೇಡುತ್ತಿರುವ ಡೇವಿಲ್ಗೆ ಜೈಲಾಧಿಕಾರಿಗಳು ಕ್ಯಾರೆ ಎನ್ನುತಿಲ್ಲ ಇವೆಲ್ಲದರಿಂದಾಗಿ ದಾಸ ದರ್ಶನ್ ಪ್ರತಿದಿನ ನರಕಯಾತನೆ ಅನುಭವಿಸುತ್ತಿದ್ದಾರೆ.
ಕಳೆದ ಬಾರಿ ಸಲ್ಲಿಸಿದ್ದ ಜಾಮೀನು ಅರ್ಜಿಯನ್ನು ಬೆಂಗಳೂರಿನ ಸಿಸಿಎಚ್ ಕೋರ್ಟ್ ನಲ್ಲಿ ತಿರಸ್ಕರಿಸಿತ್ತು. ಇದರಿಂದ ಬೇಸರಗೊಂಡಿದ್ದ ದಾಸ ದರ್ಶನ್ ಹೈಕೋರ್ಟ್ ಮೆಟ್ಟಿಲೇರಿದ್ದ. ಇಂದು ಹೈಕೋರ್ಟ್ನಲ್ಲಿ ದಾಸನ ಜಾಮೀನು ಅರ್ಜಿಯನ್ನು ವಿಚಾರಣೆ ಮಾಡಲಿದ್ದು. ಇಂದು ಬೇಲ್ ಸಿಗುವ ನಿರೀಕ್ಷೆಯಲ್ಲಿ ಡೆವೀಲ್ ಕಾಯುತ್ತಿದ್ದಾನೆ.
ಬೆನ್ನು ನೋವಿನಿಂದ ನರಳುತ್ತಿರುವ ದರ್ಶನ್ಗೆ ಕಳೆದ ವಾರವಷ್ಟೆ ಜೈಲಾಧಿಕಾರಿಗಳು ವಿಮ್ಸ್ ಆಸ್ಪತ್ರೆಯಲ್ಲಿ MRI ಸ್ಕ್ಯಾನಿಂಗ್ ಮಾಡಿಸಿದ್ದರು. ಸ್ಕ್ಯಾನಿಂಗ್ನಲ್ಲಿ ಬಂದಿರುವ ವರದಿ ದಾಸನಿಗೆ ಬೆನ್ನು ನೋವಿರುವುದನ್ನು ದೃಡಪಡಿಸಿದ್ದು. ವೈದ್ಯರು ಶಸ್ತ್ರ ಚಿಕಿತ್ಸೆ ಮಾಡಬೇಕು ಎಂದು ಸಲಹೆ ನೀಡಿದ್ದಾರೆ. ಇದೇ ಕಾರಣವನ್ನಿಟ್ಟುಕೊಂಡು ಜಾಮೀನಿಗೆ ಅರ್ಜಿಸಲ್ಲಿಸಿದ್ದು. ಜಾಮೀನು ಸಿಗುವ ನಿರೀಕ್ಷೆಯಲ್ಲಿ ದರ್ಶನ್ ಕಾಯುತ್ತಿದ್ದಾನೆ.
