ಬೆಂಗಳೂರು: ನೆನ್ನೆ ಸಂಜೆ ಕೆರೆಯಲ್ಲಿ ನೀರು ತರಲು ಹೋಗಿ ಕಾಣೆಯಾಗಿದ್ದ ಮಕ್ಕಳಿಬ್ಬರ ಶವ ಪತ್ತೆಯಾಗಿದೆ ಎಂದು ಮಾಹಿತಿ ದೊರೆತಿದ್ದು. ಕೆಂಗೇರಿ ಬಳಿಯಲ್ಲಿರುವ ಗೊರುರು ಕೆರೆಯಿಂದ ಮಕ್ಕಳ ಮೃತದೇಹವನ್ನು ಹೊರತೆಗೆಯಲಾಗಿದೆ.
ಇಂದು ಬೆಳಿಗ್ಗೆ 8 ಗಂಟೆಯಿಂದ ಶೋಧಕಾರ್ಯ ಆರಂಭಿಸಿದ್ದ ರಕ್ಷಣಾ ಸಿಬ್ದಂದಿ ಬೆಳಿಗ್ಗೆ 11 ಗಂಟೆ ಸಮಯಕ್ಕೆ13 ವರ್ಷದ ಜಾನ್ ಸೀನನ ದೇಹವನ್ನು ಹೊರತೆಗೆದಿದ್ದರು. ತಂಗಿ ಮಹಲಕ್ಷ್ಮಿಯ ದೇಹಕ್ಕಾಗಿ ನಿರಂತರವಾಗಿ ಶೋಧಕಾರ್ಯ ನಡೆಸಿದ ಸಿಬ್ಬಂದಿಗೆ ಮಧ್ಯಾಹ್ನ 4 ಗಂಟೆಗೆ ಮಹಲಕ್ಷ್ಮಿಯ ದೇಹವು ಪತ್ತೆಯಾಗಿದೆ.
ಮಕ್ಕಳ ಮೃತ ದೇಹವನ್ನು ನೋಡಿದ ತಾಯಿಯ ಆಕ್ರಂದನ ಮುಗಿಲು ಮುಟ್ಟಿದ್ದು. ತಾನು ಹೆತ್ತು ಹೊತ್ತು ಸಾಕಿದ ಮಕ್ಕಳ ಮೃತದೇಹವನ್ನು ನೋಡಲಾಗದೆ ಗೋಳಾಡುತ್ತಿರುವ ತಾಯಿಯನ್ನು ನೋಡಿದವರ ಕರುಳು ಚುರ್ ಎನ್ನುವಂತಿದೆ.
