ಹಾಸನ: 2023-24ನೇ ಸಾಲಿನಲ್ಲಿ ನಡೆದ ಎಸ್ಎಸ್ಎಲ್ಸಿ ಪರೀಕ್ಷಾ ಫಲಿತಾಂಶ ಇಂದು ಪ್ರಕಟಣೆಗೊಂಡಿದ್ದು ಮಗನ ಜೊತೆ ತಾಯಿಯೂ ಪರೀಕ್ಷೆಯಲ್ಲಿ ಪಾಸಾಗಿರುವ ಅಪರೂಪದ ಘಟನೆ ಹಾಸನ ಜಿಲ್ಲೆಯಲ್ಲಿ ನಡೆದಿದೆ.
ಜ್ಯೋತಿ ಪಿ.ಆರ್ ತಮ್ಮ 38ನೇ ವಯಸ್ಸಿನಲ್ಲಿ ಪುತ್ರನೊಂದಿಗೆ ಪರೀಕ್ಷೆ ಕಟ್ಟಿ ಬರೆದಿದ್ದರು. ಇಂದು SSLC ಫಲಿತಾಂಶ ಪ್ರಕಟಗೊಂಡಿದ್ದು ತೇರ್ಗಡೆಯಾಗಿದ್ದಾರೆ.
ಇದನ್ನೂ ಓದಿ: SSLC ಫಲಿತಾಂಶ ಪ್ರಕಟ: ಬಾಗಲಕೋಟೆಯ ಅಂಕಿತಾ ರಾಜ್ಯಕ್ಕೆ ಪ್ರಥಮ
ಚಿನ್ನಳ್ಳಿ ಗ್ರಾಮದ ಭುವನೇಶ್ ಪತ್ನಿ ಜ್ಯೋತಿ ಸಕಲೇಶಪುರ ತಾಲ್ಲೂಕಿನ, ಬಾಳ್ಳುಪೇಟೆಯ ಸಿದ್ದಣ್ಯಯ್ಯ ಹೈಸ್ಕೂಲ್‌ನಲ್ಲಿ ಮಗ ನಿತಿನ್.ಸಿ.ಬಿ ಜೊತೆ ಎರಡನೇ ಬಾರಿಗೆ ಎಸ್ಎಸ್ಎಲ್ಸಿ ಪರೀಕ್ಷೆ ಬರೆದಿದ್ದರು. ಇಂದು ಪ್ರಕಟಗೊಂಡಿರುವ SSLC ಫಲಿತಾಂಶದಲ್ಲಿ 625ಕ್ಕೆ 250 ಅಂಗಳನ್ನು ಪಡೆಯುವ ಮೂಲಕ ಜ್ಯೋತಿ ತೇರ್ಗಡೆಯಾಗಿದ್ದಾರೆ. ಇನ್ನು ಇವರ ಪುತ್ರ ನಿತಿನ್ 625ಕ್ಕೆ 582 ಅಂಕಗಳನ್ನು ಪಡೆದು ಉತ್ತಮ ದರ್ಜೆಯಲ್ಲಿ ತೇರ್ಗಡೆಯಾಗಿದ್ದಾನೆ.
ಸದ್ಯ ಮಗನೊಂದಿಗೆ ತಾಯಿಯೂ ಪಾಸಾಗಿರುವುದು ಜ್ಯೋತಿ ಕುಟುಂಬದಲ್ಲಿ ಸಂತಸ ಮನೆಮಾಡಿದೆ.
