ಬೆಂಗಳೂರು : ಮ್ಯಾಟ್ರಿಮೋನಿ ವೆಬ್ ಸೈಟ್ನಲ್ಲಿ ವರನ ಹುಡುಕಾಟದಲ್ಲಿ ತೊಡಗಿದ ಮಹಿಳೆಯರನ್ನು ಟಾರ್ಗೆಟ್ ಮಾಡಿ ವಂಚಿಸುತ್ತಿದ್ದ ಆರೋಪಿಯನ್ನು ಬೆಂಗಳೂರಿನ ಜೆಪಿ ನಗರ ಪೊಲೀಸರು ಬಂಧಸಿದ್ದಾರೆ.
ದೀಪಕ್ ಬಂಧಿತ ಆರೋಪಿ, ಮ್ಯಾಟ್ರಿಮೋನಿ ಸೈಟ್ನಲ್ಲಿ ಪ್ರೊಫೈಲ್ ಕ್ರಿಯೇಟ್ ಮಾಡಿರುವ ಆರೋಪಿ ದೀಪಕ್, ತಾನೊಬ್ಬ ಬ್ಯಾಂಕ್ ಉದ್ಯೋಗಿ ಎಂದು ಹೇಳಿಕೊಂಡು ಹಲವು ಮಹಿಳೆಯರನ್ನು ವಂಚಿಸುತ್ತಿದ್ದ. ಇದೀಗ ಪೊಲೀಸರ ಅತಿಥಿಯಾಗಿದ್ದಾಗಿದ್ದಾನೆ.
ಇದನ್ನೂ ಓದಿ : ಇದ್ದಕ್ಕಿದ್ದಂತೆ ಬೆಂಕಿ ಹೊತ್ತಿ ಉರಿದ ಮನೆ
ಘಟನೆ ಹಿನ್ನೆಲೆ:
ಬೆಂಗಳೂರಿನ ಜೆಪಿ ನಗರದ 41 ವರ್ಷ ವಯಸ್ಸಿನ ಮಹಿಳೆಯೊಬ್ಬರು ವರನನ್ನು ಹುಡುಕುತ್ತಿರುವಾಗ ಮ್ಯಾಟ್ರಿಮೋನಿ ಸೈಟ್ನಲ್ಲಿ ದೀಪಕ್ ಎಂಬ ವ್ಯಕ್ತಿ ಪರಿಚಯವಾಗಿದೆ, ಈ ವೇಳೆ ತಾನೋಬ್ಬ ಬ್ಯಾಂಕ್ ಉದ್ಯೋಗಿಯಾಗಿದ್ದು ಮದುರೈನಲ್ಲಿ ಕೆಲಸಮಾಡುತ್ತಿದ್ದೇನೆ ಎಂದು ಹೇಳಿ ನಂಬಿಸಿದ್ದಾನೆ. ಇಬ್ಬರು ವಾಟ್ಸಾಪ್ ಮೂಲಕ ತಮ್ಮ ತಮ್ಮ ಫೋಟೋಗಳನ್ನು ಕಳಿಸಿಕೊಂಡು ಒಬ್ಬರನ್ನೊಬ್ಬರು ಇಷ್ಟ ಪಟ್ಟು ಮದುವೆಯಾವುದ ಬಗ್ಗೆ ನಿರ್ಧರಿಸಿದ್ದಾರೆ. ಈ ನಡುವೆ ದೀಪಕ್ ಬ್ಯಾಂಕ್ ಸಿಮ್ ಕಾರ್ಡ್ ನಿಂದ ಮಾತನಾಡಲು ಆಗುವುದಿಲ್ಲ ಆದ್ದರಿಂದ ನಿನ್ನ ಹೆಸರಿನಲ್ಲಿ ಹೊಸ ಸಿಮ್ ಖರೀದಿಸಿ ತಾನು ಕಳಿಸಿವ ಆಫೀಸ್ ಬಾಯ್ ಗೆ ಕೊಟ್ಟು ಕಳಿಸು ಎಂದು ಹೇಳಿದ್ದಾನೆ. ಅದರಂತೆ ಆಕೆ ಸಿಮ್ ಕಾರ್ಡ್ ಖರೀದಿಸಿ ಕೊಟ್ಟು ಕಳಿಸಿದ್ದಾಳೆ.
ಮಾರ್ಚ್ 3. ರಂದು ಮಹಿಳೆಗೆ ಕರೆ ಮಾಡಿದ ದೀಪಕ್, ತನ್ನ ವ್ಯಾಲೆಟ್ ಕಳೆದು ಹೋಗಿದ್ದು ನನಗೆ ಹಣದ ಅವಶ್ಯಕತೆ ಇದೆ ಎಂದು ಹೇಳಿದ್ದಾನೆ. ಕೂಡಲೇ ಮಹಿಳೆ ಫೋನ್ ಪೇ ಮೂಲಕ 30 ಸಾವಿರು ರೂ. ಹಣವನ್ನು ದೀಪಕ್ ಗೆ ಕಳಿಸಿದ್ದಾಳೆ. ಬಳಿಕ ತಾನೂ ವಂಚನೆಗೆ ಒಳಗಾಗಿದ್ದೇನೆ ಎಂದು ತಿಳಿದು ಸಿಮ್ ಕಾರ್ಡ್ನ್ನು ಬ್ಲಾಕ್ ಮಾಡಿಸಿದ ಮಹಿಳೆ ದೀಪಕ್ ವಿರುದ್ದ ಜೆಪಿ ನಗರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ. ದೂರಿನ ಆಧಾರದ ಮೇಲೆ ಇದೀಗ ದೀಪಕ್ನನ್ನು ಪೊಲೀಸರು ಬಂಧಿಸಿದ್ದಾರೆ.
