ಬೆಂಗಳೂರು : ವೆಸ್ಟ್ ಇಂಡೀಸ್ ಹಾಗೂ ಆಸ್ಟ್ರೇಲಿಯಾ ನಡುವೆ ನಡೆದ ಮೂರನೇ ಏಕದಿನ ಪಂದ್ಯದ ಫಲಿತಾಂಶ ಇತಿಹಾಸದ ಪುಟ ಸೇರಿದೆ.
ಆಸ್ಟ್ರೇಲಿಯಾ ವಿರುದ್ಧದ ಈ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ತಂಡ ಹೀನಾಯವಾಗಿ ಸೋತಿದೆ. ಆಸ್ಟ್ರೇಲಿಯಾ ತಂಡ ಕೇವಲ 6.5 ಓವರ್ಗಳಲ್ಲಿ ಕೆರಿಬಿಯನ್ನರ ಸಂಹಾರ ಮಾಡಿ ಗೆಲುವಿನ ನಗೆ ಬೀರಿದೆ.
ಆಸ್ಟ್ರೇಲಿಯಾ ನಾಯಕ ಸ್ಮಿತ್ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಮೊದಲು ಬ್ಯಾಟ್ ಮಾಡಿದ ವೆಸ್ಟ್ ಇಂಡೀಸ್ 24.1 ಓವರ್ಗಳಲ್ಲಿ ಕೇವಲ 86 ರನ್ಗಳಿಗೆ ಆಲೌಟ್ ಆಯಿತು. ಅಲಿಕ್ ಅತಾನಾಜೆ 32 ರನ್ ಗಳಿಸಿದ್ದು ಬಿಟ್ಟರೆ ಯಾವೊಬ್ಬ ಬ್ಯಾಟರ್ ಸಹ ಉತ್ತಮ ಪ್ರದರ್ಶನ ನೀಡಲಿಲ್ಲ. ಆಸ್ಟ್ರೇಲಿಯಾ ಪರ ಝೇವಿಯರ್ ಬಾರ್ಟ್ಲೆಟ್ 4, ಮೋರಿಸ್ ಹಾಗೂ ಝಂಪಾ ತಲಾ 2 ವಿಕೆಟ್ ಪಡೆದರು.
87 ರನ್ಗಳ ಸುಲಭ ಗುರಿ ಬೆನ್ನಟ್ಟಿದ ಆಸ್ಟ್ರೇಲಿಯಾ ಕೇವಲ 6.5 ಓವರ್ಗಳಲ್ಲಿ 2 ವಿಕೆಟ್ ಕಳೆದುಕೊಂಡು ಪಂದ್ಯ ಗೆದ್ದು ಬೀಗಿತು. ಆಸಿಸ್ ಪರ ಜೋಶ್ ಇಂಗ್ಲಿಸ್ 35, ಜೇಕ್ ಫ್ರೇಸರ್ ಮೆಕ್ಗುರ್ಕ್ 41 ರನ್ ಸಿಡಿಸಿದರು. ಈ ಗೆಲುವಿನೊಂದಿಗೆ ಮೂರು ಪಂದ್ಯಗಳ ಏಕದಿನ ಸರಣಿಯನ್ನು (3-0) ಕ್ಲೀನ್ ಸ್ವೀಪ್ ಮಾಡಿದೆ.
ವಿಂಡೀಸ್ ವಿಕೆಟ್ ಪತನ ವಾಗಿದ್ದು ಹೀಗೆ
13 ರನ್ ಗಳಿಸಿದ್ದಾಗ 1 ವಿಕೆಟ್, 38 ರನ್ಗೆ ಎರಡನೇ ವಿಕೆಟ್, 43 ರನ್ ಇದ್ದಾಗ 3ನೇ ವಿಕೆಟ್, 43 ರನ್ಗೆ 4ನೇ ವಿಕೆಟ್, 71 ರನ್ ಇದ್ದಾಗ 5ನೇ ವಿಕೆಟ್, 73 ರನ್ ಇದ್ದಾಗ 6ನೇ ವಿಕೆಟ್, 73 ರನ್ಗೆ 7ನೇ ವಿಕೆಟ್, 80 ರನ್ ಇದ್ದಾಗ 8ನೇ ವಿಕೆಟ್, 86 ರನ್ ಇದ್ದಾಗ 9ನೇ ವಿಕೆಟ್ ಹಾಗೂ 86 ರನ್ ಇದ್ದಾಗ 10ನೇ ವಿಕೆಟ್ ಪತನವಾಯಿತು.
