ಬೆಂಗಳೂರು : ಅಂಡರ್-19 ವಿಶ್ವಕಪ್ನ ಸೆಮಿಫೈನಲ್ ಪಂದ್ಯದಲ್ಲಿ ಹರಿಣಗಳನ್ನು ಬಗ್ಗುಬಡಿದ ಭಾರತದ ಯುವ ಹುಲಿಗಳು 9ನೇ ಬಾರಿಗೆ ವಿಶ್ವಕಪ್ ಫೈನಲ್ ಪ್ರವೇಶ ಮಾಡಿದ್ದಾರೆ.
ದಕ್ಷಿಣ ಆಫ್ರಿಕಾ ವಿರುದ್ಧ ನಡೆದ ಪಂದ್ಯದಲ್ಲಿ ಭಾರತ 2 ವಿಕೆಟ್ಗಳ ಜಯಭೇರಿ ಬಾರಿಸಿದೆ. ಈ ಮೂಲಕ ಮೊದಲ ತಂಡವಾಗಿ ಫೈನಲ್ಗೆ ಲಗ್ಗೆ ಇಟ್ಟಿದೆ.
245 ರನ್ಗಳ ಟಾರ್ಗೆಟ್ ಬೆನ್ನಟ್ಟಿದ ಭಾರತ 48.5 ಓವರ್ಗಳಲ್ಲಿ 8 ವಿಕೆಟ್ ಕಳೆದುಕೊಂಡು ಗೆಲುವಿನ ನಗೆ ಬೀರಿತು. ಆರಂಭಿಕ ಆಘಾತ ಎದುರಿಸಿದ್ದ ಭಾರತಕ್ಕೆ ಸಚಿನ್ ದಾಸ್ 96, ನಾಯಕ ಉದಯ್ ಸಹರಾನ್ 81 ರನ್ ಸಿಡಿಸಿ ಆಸರೆಯಾಗುವ ಮೂಲಕ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು.
ಉಳಿದಂತೆ ರಾಜ್ ಲಿಂಬಾನಿ ಅಜೇಯ 19, ಅರ್ಶಿನ್ ಕುಲಕರ್ನಿ 12, ಅರವೆಲ್ಲಿ ಅವನೀಶ್ 10 ರನ್ ಸಿಡಿಸಿದರು. ಆದರ್ಶ್ ಸಿಂಗ್, ಮುಶೀರ್ ಖಾನ್ ನಿರಾಸೆ ಮೂಡಿಸಿದರು. ದಕ್ಷಿಣ ಆಫ್ರಿಕಾ ಪರ ಟ್ರಿಸ್ಟಾನ್ ಹಾಗೂ ಕ್ವೆನಾ ಮಫಕಾ ತಲಾ 3 ವಿಕೆಟ್ ಪಡೆದರು. ನಾಯಕ ಉದಯ್ ಸಹರಾನ್ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.
ಹೀಗಿದೆ ಭಾರತದ ಅಜೇಯ ಓಟ
ಭಾರತವು U-19 WC 2024ರಲ್ಲಿ ಅಜೇಯ ಓಟ ಮುಂದುವರಿಸಿದೆ. ಅಲ್ಲದೆ, ವಿಶ್ವಕಪ್ ಫೈನಲ್ಗೆ ಅರ್ಹತೆ ಪಡೆದುಕೊಂಡಿದೆ.
- ಬಾಂಗ್ಲಾದೇಶ ವಿರುದ್ಧ 84 ರನ್ಗಳ ಜಯ
- ಐರ್ಲೆಂಡ್‌ ವಿರುದ್ಧ 201 ರನ್ಗಳ ಜಯ
- ಅಮೇರಿಕಾ ವಿರುದ್ಧ 201 ರನ್ಗಳ ಗೆಲುವು
- ನ್ಯೂಜಿಲೆಂಡ್ ವಿರುದ್ಧ 214 ರನ್‌ಗಳಿಂದ ಜಯ
- ನೇಪಾಳ ವಿರುದ್ಧ 132 ರನ್ಗಳ ಗೆಲುವು
- ದಕ್ಷಿಣ ಆಫ್ರಿಕಾ ವಿರುದ್ಧ 2 ವಿಕೆಟ್ಗಳ ಗೆಲುವು
The #BoysInBlue are into the FINAL of the #U19WorldCup! 🥳
A thrilling 2⃣-wicket win over South Africa U-19 👏👏
Scorecard ▶️ https://t.co/Ay8YmV8QDg#TeamIndia | #INDvSA pic.twitter.com/wMxe7gVAiL
— BCCI (@BCCI) February 6, 2024
