ಬೆಂಗಳೂರು : ಅಂಡರ್-19 ವಿಶ್ವಕಪ್ ಟೂರ್ನಿಯ ಎರಡನೇ ಪಂದ್ಯದಲ್ಲೇ ಭಾರತದ ಯುವ ಹುಲಿಗಳು ಐರಿಷ್ ಪಡೆಯನ್ನು ಬಗ್ಗು ಬಡಿದಿದ್ದಾರೆ.
ದಕ್ಷಿಣ ಆಫ್ರಿಕಾದ ಬ್ಲೂಂಫಾಂಟೈನ್ನಲ್ಲಿ ಐರ್ಲೆಂಡ್ ವಿರುದ್ಧ ನಡೆದ ಪಂದ್ಯದಲ್ಲಿ ಭಾರತ ತಂಡ 201ರನ್ಗಳ ಬೃಹತ್ ಗೆಲುವು ದಾಖಲಿಸಿದೆ. ಈ ಮೂಲಕ ಟೂರ್ನಿಯಲ್ಲಿ ಗೆಲುವಿನ ನಾಗಾಲೋಟ ಮುಂದುವರಿಸಿತು.
ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ಕಿರಿಯರ ತಂಡ ನಿಗದಿತ 50 ಓವರ್ಗಳಲ್ಲಿ 301 ರನ್ ಗಳಿಸಿತು. ಭಾರತದ ಪರ ಮುಶೀರ್ ಖಾನ್ ಭರ್ಜರಿ ಶತಕ (106) ಸಿಡಿಸಿ ಮಿಂಚಿದರು. 302 ರನ್ಗಳ ಟಾರ್ಗೆಟ್ ಬೆನ್ನತ್ತಿದ ಐರ್ಲೆಂಡ್ ಭಾರತದ ಬೌಲಿಂಗ್ ದಾಳಿಗೆ ಅಕ್ಷರಶಃ ನಲುಗಿತು.
29.4 ಓವರ್ಗಳಲ್ಲಿ 100 ರನ್ಗಳಿಗೆ ಆಲೌಟ್ ಆಯಿತು. ಐರ್ಲೆಂಡ್ ಪರ ಡೇನಿಯಲ್ ಫಾರ್ಕಿನ್ ಅಜೇಯ 27 ರನ್ ಗಳಿಸಿದರು. ಆಲಿವರ್ ರೈಲೆ 15, ರಿಯಾನ್ ಹಂಟರ್ 13, ಜೋರ್ಡನ್ ನೀಲ್ 11 ರನ್ ಗಳಿಸಿದರು. ಉಳಿದ ಯಾವ ಬ್ಯಾಟರ್ ಸಹ ಎರಡಂಕಿ ದಾಟಲಿಲ್ಲ.
ಅಂಕಪಟ್ಟಿಯಲ್ಲಿ ಭಾರತಕ್ಕೆ ಅಗ್ರಸ್ಥಾನ
ಭಾರತದ ಪರ ನಮನ್ ತಿವಾರಿ 4, ಸೌಮ್ಯ ಪಾಂಡೆ 3, ಧನುಷ್ ಗೌಡ, ಮುರುಗನ್ ಅಭಿಷೇಕ್, ನಾಯಕ ಉದಯ್ ಸಹರನ್ ತಲಾ ಒಂದು ವಿಕೆಟ್ ಪಡೆದರು. ಮುಶೀರ್ ಖಾನ್ ಪಂದ್ರಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು. ಈ ಟೂರ್ನಿಯಲ್ಲಿ ಭಾರತ ಕಿರಿಯರ ತಂಡಕ್ಕೆ ಇದು ಸತತ ಎರಡನೇ ಗೆಲುವಾಗಿದ್ದು, ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ.
For his incredible century in the first-innings, Musheer Khan is adjudged the Player of the Match 👏👏#TeamIndia win by 201 runs 👌👌
Scorecard ▶️https://t.co/x26Ah72jqU#INDvIRE | #U19WorldCup pic.twitter.com/q398A5fBwd
— BCCI (@BCCI) January 25, 2024
