ಬೆಂಗಳೂರು : ಅಫ್ಘಾನಿಸ್ತಾನ ವಿರುದ್ಧದ ಮೊದಲ ಟಿ-20 ಪಂದ್ಯದಲ್ಲಿ ಭಾರತ 6 ವಿಕೆಟ್ಗಳ ಭರ್ಜರಿ ಗೆಲುವು ದಾಖಲಿಸಿದೆ.
ಆಲ್ರೌಂಡರ್ ಶಿವಂ ದುಬೆ ಬೌಲಿಂಗ್ ಹಾಗೂ ಬ್ಯಾಟಿಂಗ್ ಎರಡರಲ್ಲೂ ಮಿಂಚಿದರು. ದುಬೆ ದರ್ಬಾರ್ಗೆ ಕಂಗಾಲಾದ ಅಫ್ಘಾನ್ ತಂಡ ಮೊದಲ ಪಂದ್ಯವನ್ನು ಸುಲಭವಾಗಿ ಕೈಚೆಲ್ಲಿತು. 17.3 ಓವರ್ಗಳಲ್ಲಿ 4 ವಿಕೆಟ್ ಕಳೆದುಕೊಂಡು ಭಾರತ ಗೆಲುವಿನ ನಗೆ ಬೀರಿತು.
159 ರನ್ಗಳ ಸಾಧಾರಣ ಟಾರ್ಗೆಟ್ ಬೆನ್ನತ್ತಿದ ಭಾರತಕ್ಕೆ ಅಫ್ಘಾನ್ ಬೌಲರ್ಗಳು ಆರಂಭದಲ್ಲೇ ಬಿಗ್ ಶಾಕ್ ನೀಡಿದರು. ನಾಯಕ ರೋಹಿತ್ ಶರ್ಮಾ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದರು. ಬಳಿಕ ಶುಭ್ಮನ್ ಗಿಲ್ 23 ಹಾಗೂ ತಿಲಕ್ ವರ್ಮಾ 26 ರನ್ ಸಿಡಿಸಿ ತಂಡಕ್ಕೆ ಚೇತರಿಕೆ ನೀಡಿದರು.
ಗಿಲ್ ಹಾಗೂ ತಿಲಕ್ ನಿರ್ಗಮನದ ಬಳಿಕ ಕ್ರೀಸ್ಗೆ ಬಂದ ಶಿವಂ ದುಬೆ ಅಬ್ಬರಿ ಬೊಬ್ಬಿರಿದು. ದುಬೆ ತೂಫಾನ್ ಬ್ಯಾಟಿಂಗ್ಗೆ ಅಫ್ಘಾನ್ ಬೌಲರ್ಗಳು ಬೆಚ್ಚಿ ಬಿದ್ದರು. 40 ಎಸೆತ ಎದುರಿಸಿದ ದುಬೆ, 2 ಸಿಕ್ಸರ್ ಹಾಗೂ 5 ಬೌಂಡರಿಗಳ ನೆರವಿನೊಂದಿಗೆ ಅಜೇಯ 60* ರನ್ ಸಿಡಿಸಿ ಗೆಲುವು ತಂದುಕೊಟ್ಟರು. ಉಳಿದಂತೆ ಜಿತೇಶ್ ಶರ್ಮಾ 31 ಹಾಗೂ ರಿಂಕು ಸಿಂಗ್ ಅಜೇಯ 16 ರನ್ ಸಿಡಿಸಿದರು.
ಮುಖೇಶ್, ಅಕ್ಸರ್ 2, ದುಬೆ 1 ವಿಕೆಟ್
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಅಫ್ಘಾನಿಸ್ತಾನ ನಿಗದಿತ 20 ಓವರ್ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 158 ರನ್ ಗಳಿಸಿತು. ಅಫ್ಘಾನಿಸ್ತಾನ ತಂಡದ ಪರ ಮೊಹಮ್ಮದ್ ನಬಿ 42, ಅಜ್ಮತುಲ್ಲಾ ಒಮರ್ಜಾಯ್ 29, ಇಬ್ರಾಹಿಂ ಝದ್ರಾನ್ 25, ರೆಹಮಾನುಲ್ಲಾ ಗುರ್ಬಾಜ್ 23 ರನ್ ಸಿಡಿಸಿದರು. ಭಾರತದ ಪರ ಮುಖೇಶ್ ಕುಮಾರ್ 2, ಅಕ್ಸರ್ ಪಟೇಲ್ 2, ಶಿವಂ ದುಬೆ 1 ವಿಕೆಟ್ ಪಡೆದರು.
6⃣,4⃣ and Shivam Dube wraps the chase in style 🙌#TeamIndia win by 6 wickets and take a 1-0 lead in the T20I series 👏👏
Scorecard ▶️ https://t.co/BkCq71Zm6G#INDvAFG | @IDFCFIRSTBank | @IamShivamDube pic.twitter.com/4giZma4f1u
— BCCI (@BCCI) January 11, 2024
