ಬೆಂಗಳೂರು : ಆಸ್ಟ್ರೇಲಿಯಾ ಮಹಿಳಾ ತಂಡದ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಭಾರತ ವನಿತೆಯರ ತಂಡ ವಿರೋಚಿತ ಸೋಲು ಕಂಡಿತು.
ಮುಂಬೈನ ವಾಂಖಡೆ ಕ್ರೀಡಾಂಗಣದಲ್ಲಿ ಈ ಪಂದ್ಯ ನಡೆಯಿತು. ಆಸ್ಟ್ರೇಲಿಯಾ ತಂಡ ನೀಡಿದ್ದ 259 ರನ್ಗಳ ಟಾರ್ಗೆಟ್ ಬೆನ್ನತ್ತಿದ ಹರ್ಮನ್ಪ್ರೀತ್ ಕೌರ್ ಬಳಗ 50 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 255 ರನ್ಗಳಿಸಿತು. ಈ ಮೂಲಕ 3 ರನ್ಗಳ ಸೋಲು ಅನುಭವಿಸಿತು.
ಈ ಗೆಲುವಿನೊಂದಿಗೆ 3 ಪಂದ್ಯಗಳ ಏಕದಿನ ಸರಣಿಯಲ್ಲಿ ಆಸ್ಟ್ರೇಲಿಯಾ 2 ಪಂದ್ಯ ಗೆದ್ದು, ಇನ್ನು ಒಂದು ಪಂದ್ಯ ಬಾಕಿಯಿರುವಾಗಲೇ ಸರಣಿ ಗೆದ್ದು ಬೀಗಿತು. ಭಾರತದ ಪರ ರಿಚಾ ಘೋಷ್ 96, ಜೆಮಿರಾ ರಾಡ್ರಿಗಸ್44, ಸ್ಮೃತಿ ಮಂದಾನ 34, ದೀಪ್ತಿ ಶರ್ಮಾ ಅಜೇಯ 24 ರನ್ ಗಳಿಸಿದರು. ಆಸಿಸ್ ಪರ ಸದರ್ಲ್ಯಾಂಡ್ 3, ವೇರ್ಹ್ಯಾಮ್ 2, ಗಾರ್ಡ್ನರ್, ಅಲಾನಾ ಕಿಂಗ್ ಹಾಗೂ ಕಿಮ್ ಗಾರ್ತ್ ತಲಾ ಒಂದು ವಿಕೆಟ್ ಪಡೆದರು.
5 ವಿಕೆಟ್ ಕಬಳಿಸಿದ ದೀಪ್ತಿ ಶರ್ಮಾ
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಆಸ್ಟ್ರೇಲಿಯಾ ನಿಗದಿತ 50 ಓವರ್ಗಳಲ್ಲಿ ಲಿಚ್ಫೀಲ್ಡ್ 63, ಪೆರ್ರಿ 50, ಕಿಂಗ್ 28, ಮೆಕ್ಗ್ರಾತ್ 24, ಸದರ್ಲ್ಯಾಂಡ್ 23, ಜಾರ್ಜಿಯಾ 22 ರನ್ ಗಳಿಸಿದರು. ಭಾರತದ ಪರ ದೀಪ್ತಿ ಶರ್ಮಾ 5 ವಿಕೆಟ್ ಪಡೆದು ಮಿಂಚಿದರು. ಪೂಜಾ, ಶ್ರೇಯಾಂಕ ಹಾಗೂ ಸ್ನೇಹ ರಾಣ ತಲಾ ಒಂದು ವಿಕೆಟ್ ಪಡೆದರು.
The match went down to the very last over but it’s Australia who win by 3 runs at the end. #TeamIndia will aim to bounce back in the 3rd & Final ODI.
Scorecard ▶️ https://t.co/yDjyu27FoW#INDvAUS | @IDFCFIRSTBank pic.twitter.com/6j0EHRUlsw
— BCCI Women (@BCCIWomen) December 30, 2023
