ಬೆಳಗಾವಿ : ವಿಧಾನಸಭೆಯಲ್ಲಿ ಸ್ವೀಕರ್ ಪೀಠ ಬಿಟ್ಟುಕೊಡಲು ಕುಣಿಗಲ್ ಶಾಸಕ ಡಾ.ಹೆಚ್.ಡಿ. ರಂಗನಾಥ್ ಸತಾಯಿಸಿದ್ದಾರೆ.
ಸಭಾಧ್ಯಕ್ಷ ಯು.ಟಿ. ಖಾದರ್ ಸ್ಪೀಕರ್ ಪೀಠದಿಂದ ನಿರ್ಗಮಿಸಿದ ಬಳಿಕ ಪೀಠದಲ್ಲಿ ಕುಣಿಗಲ್ ಶಾಸಕ ಡಾ.ಹೆಚ್.ಡಿ. ರಂಗನಾಥ್ ಆಸೀನರಾಗಿದ್ದರು. ಸ್ಪೀಕರ್ ಯು.ಟಿ. ಖಾದರ್ ಪೀಠದಿಂದ ನಿರ್ಗಮಿಸುವ ವೇಳೆ ಡೆಪ್ಯುಟಿ ಸ್ಪೀಕರ್ ರುದ್ರಪ್ಪ ಲಮಾಣಿ ಸದನದಲ್ಲಿ ಉಪಸ್ಥಿತರಿರಲಿಲ್ಲ. ಈ ಹಿನ್ನೆಲೆ ನಿಯಮ 9ರ ಅಡಿಯಲ್ಲಿ ನಾಮನಿರ್ದೇಶನಗೊಂಡಿರುವ ಶಾಸಕ ರಂಗನಾಥ್ ಸ್ಪೀಕರ್ ಪೀಠದಲ್ಲಿ ಆಸೀನರಾಗಿದ್ದರು.
ನಂತರ ಡೆಪ್ಯುಟಿ ಸ್ಪೀಕರ್ ರುದ್ರಪ್ಪ ಲಮಾಣಿ ಸದನಕ್ಕೆ ಬಂದಿದ್ದಾರೆ. ಈ ವೇಳೆ ರಂಗನಾಥ್ ಡೆಪ್ಯುಟಿ ಸ್ಪೀಕರ್ಗೆ ಸ್ಪೀಕರ್ ಪೀಠ ಬಿಟ್ಟುಕೊಡಲು ವಿಳಂಬ ಮಾಡಿದ್ದಾರೆ. ಹೀಗಾಗಿ, ರುದ್ರಪ್ಪ ಲಮಾಣಿ ಡೆಪ್ಯುಟಿ ಸ್ಪೀಕರ್ ಆಸನದಲ್ಲೇ ಕುಳಿತರು. ಇದನ್ನು ವಿಪಕ್ಷ ನಾಯಕ ಆರ್. ಅಶೋಕ್ ಸಿಎಂ ಸಿದ್ದರಾಮಯ್ಯ ಗಮನಕ್ಕೆ ತಂದಿದ್ದಾರೆ.
ಆಗ ಸಿಎಂ ಸಿದ್ದರಾಮಯ್ಯ ಅವರು ಸ್ಪೀಕರ್ ಪೀಠದಲ್ಲಿ ಆಸೀನರಾಗುವಂತೆ ಡೆಪ್ಯುಟಿ ಸ್ಪೀಕರ್ ರುದ್ರಪ್ಪ ಲಮಾಣಿಗೆ ಸನ್ನೆ ಮಾಡಿದ್ದಾರೆ. ನಂತರ ರುದ್ರಪ್ಪ ಲಮಾಣಿ ಸ್ಪೀಕರ್ ಪೀಠದತ್ತ ತೆರಳಿದ್ದಾರೆ. ಆ ಬಳಿಕ ಶಾಸಕ ರಂಗನಾಥ್ ಸ್ಪೀಕರ್ ಪೀಠ ಬಿಟ್ಟುಕೊಟ್ಟಿದ್ದಾರೆ.
