ಫಿಲ್ಮಿ ಡೆಸ್ಕ್: ಬ್ಲ್ಯಾಕ್ ಕೋಬ್ರಾ ದುನಿಯಾ ವಿಜಯ್ ಸದ್ಯ ಭೀಮನ ಅವತಾರ ತಾಳಿದ್ದು, ಕೌನ್ರೆ ಉನೇ ಅಂತಿದ್ದಾರೆ. ಮ್ಯೂಸಿಕ್ ಲವರ್ಸ್ನ ಸೈಕ್ ಮಾಡಿರೋ ಭೀಮ ಆಲ್ಬಂ, ಎಲ್ಲೆಲ್ಲೂ ಗುನುಗುವಂತಿದೆ. ಸದ್ಯ ಭೀಮನ ಪ್ರಮೋಷನ್ಸ್ ಜೊತೆ ಸ್ಪೆಷಲ್ ಅಭಿಮಾನಿಯನ್ನ ಮೀಟ್ ಮಾಡಿದ್ದಾರೆ ವಿಜಯ್ ಕುಮಾರ್. ಅದ್ಯಾರು ಅನ್ನೋದ್ರ ಜೊತೆ ಒಂದಷ್ಟು ಲೇಟೆಸ್ಟ್ ಸ್ಯಾಂಡಲ್ವುಡ್ ಅಪ್ಡೇಟ್ಸ್ ನಿಮಗಾಗಿ ಕಾಯ್ತಿದೆ.
ಸಲಗ ನಂತ್ರ ದುನಿಯಾ ವಿಜಯ್ ನಟಿಸಿ, ನಿರ್ದೇಶಿಸಿರೋ ಮತ್ತೊಂದು ಌಕ್ಷನ್ ಪ್ಯಾಕ್ಡ್ ಕಮರ್ಷಿಯಲ್ ಎಂಟರ್ಟೈನರ್ ಭೀಮ. ಕೃಷ್ಣ ಸಾರ್ಥಕ್ ಹಾಗೂ ಜಗದೀಶ್ ಗೌಡ ನಿರ್ಮಾಣದ ಭೀಮ ಸಿನಿಮಾ ಹತ್ತು ಹಲವು ವಿಶೇಷತೆಗಳಿಂದ ಮೇಕಿಂಗ್ ಹಂತದಲ್ಲೇ ಸಖತ್ ಸೌಂಡ್ ಮಾಡಿತ್ತು. ಇದೀಗ ಪೋಸ್ಟ್ ಪ್ರೊಡಕ್ಷನ್ ಮುಗಿಸಿ, ರಿಲೀಸ್ ಅಂಚಿಗೆ ಬಂದು ನಿಂತಿದೆ. ಟೀಸರ್ ಹಾಗೂ ಸಾಂಗ್ಸ್ನಿಂದ ಪ್ರಮೋಷನ್ಸ್ ಕಿಕ್ಸ್ಟಾರ್ಟ್ ಮಾಡಿದೆ ಟೀಂ. ಕೌನ್ರೆ ಉನೇ ಅನ್ನೋ ಬ್ಯಾಡ್ ಬಾಯ್ಸ್ ಸಾಂಗ್ ನೋಡುಗರನ್ನ ಅಕ್ಷರಶಃ ಸೈಕ್ ಮಾಡಿತ್ತು. ಅದೇ ಕಾರಣದಿಂದ ಐ ಲವ್ ಯೂ ಕಣೇ ಅನ್ನೋ ಸೈಕ್ ಸಾಂಗ್ನ ರಿಲೀಸ್ ಮಾಡಿತು ಚಿತ್ರತಂಡ. ಅದೂ ಕೂಡ ಎಲ್ಲೆಡೆ ಸೂಪರ್ ಅನಿಸಿಕೊಂಡಿದೆ.
ಇದನ್ನೂ ಓದಿ: 73ನೇ ಜನ್ಮದಿನದ ಸಂಭ್ರಮದಲ್ಲಿ ಸೂಪರ್ಸ್ಟಾರ್ ರಜನಿಕಾಂತ್!
ಇನ್ನೇನು ರಿಲೀಸ್ ಡೇಟ್ ಅನೌನ್ಸ್ ಮಾಡೋಕೆ ಕಾತರರಾಗಿರೋ ದುನಿಯಾ ವಿಜಯ್ರನ್ನ ಪ್ರತೀ ದಿನ ಅವ್ರ ಕತ್ರಿಗುಪ್ಪೆ ನಿವಾಸದ ಬಳಿ ನೂರಾರು ಫ್ಯಾನ್ಸ್ ಮೀಟ್ ಮಾಡ್ತಾರೆ. ಅದ್ರೆ ಈ ಬಾರಿ ವಿಶೇಷ ಚೇತನ ಅಭಿಮಾನಿಯನ್ನ ನೆಚ್ಚಿನ ನಟ ದುನಿಯಾ ವಿಜಯ್ ಮಗುವಿನಂತೆ ಎತ್ತಿಕೊಂಡು ಕುಶಲೋಪರಿ ಹಂಚಿಕೊಂಡ ಪರಿ ನಿಜಕ್ಕೂ ವ್ಹಾವ್ ಅನಿಸುತ್ತೆ.
ಯೆಸ್.. ಎರಡೂ ಕಾಲು ಇಲ್ಲದ ಅಭಿಮಾನಿಯೊಬ್ಬ ವಿಜಯ್ರನ್ನ ಭೇಟಿಯಾಗಲು ಬಂದಾಗ, ಆತನ ನಿರೀಕ್ಷೆಗೂ ಮೀರಿ ಪ್ರೀತಿ ತೋರಿಸಿದ್ದಾರೆ ನಟ ವಿಜಿ. ಇದು ನಿಜಕ್ಕೂ ಒಬ್ಬ ನಟ ಹಾಗೂ ಅಭಿಮಾನಿಗಳ ನಡುವಿನ ಬಾಂಧವ್ಯದ ಪ್ರತೀಕವಾಗಿದೆ. ಸದ್ಯ ಈ ವಿಡಿಯೋ ಎಲ್ಲೆಡೆ ವೈರಲ್ ಆಗ್ತಿದ್ದು, ವಿಜಿ ಅವ್ರ ಹೃದಯ ವೈಶಾಲ್ಯತೆಗೆ ಪ್ರಶಂಸೆಗಳ ಸುರಿಮಳೆ ಆಗ್ತಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
