ಬೆಂಗಳೂರು: ಇತ್ತೀಚೆಗೆ ಸಾಮಾಜಿಕ ಜಾಲತಾಣದಲ್ಲಿ ನಟ ಯಶ್ ಪ್ರೊಫೈಲ್ ಫೋಟೋ ಲೋಡಿಂಗ್ ಎಂದು ಪೋಸ್ಟ್ ಹಾಕುವ ಮೂಲಕ 19ನೇ ಸಿನಿಮಾದ ಸುಳಿವು ನೀಡಿ ಅಭಿಮಾನಿಗಳಿಗೆ ಕುತೂಹಲ ಹುಟ್ಟಿಸಿದ್ದರು.
ಅಂದಿನಿಂದ ಫ್ಯಾನ್ಸ್ ಹೊಸ ಸಿನಿಮಾದ ಬಗ್ಗೆ ಕಾದು ಕುಳಿತ್ತಿದ್ದಾರೆ. ಹಾಗಾಗಿ ಯಶ್19ನೇ ಸಿನಿಮಾದ ಬಗ್ಗೆ ಎಲ್ಲರಿಗೂ ನಿರೀಕ್ಷೆ ಹೆಚ್ಚಾಗಿದ್ದು ಇದೀಗ ರಾಕಿಭಾಯ್ ಹೊಚ್ಚ ಹೊಸ ಸಿನಿಮಾದ ಬಗ್ಗೆ ಮಾಹಿತಿ ಬಿಚ್ಚಿಟ್ಟಿದ್ದಾರೆ.
ಕೆಜಿಎಫ್ ಚಾಪ್ಟರ್ 1 ಮತ್ತು ಕೆಜಿಎಫ್ ಚಾಪ್ಟರ್ 2 ಶೀರ್ಷಿಕೆಯ ಮೂಲಕ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿರುವ ನಟ ಯಶ್ ಈಗ ಹೊಸ ಚಿತ್ರಕ್ಕೆ ‘ಟಾಕ್ಸಿಕ್’ ಹೆಸರು ಇಟ್ಟಿದ್ದಾರೆ. ರಾಕಿ ಭಾಯ್ ಹೊಸ ಸಿನಿಮಾ ಘೋಷಣೆಗೆ ಆಗುತ್ತಿದ್ದಂತೆ ಅಭಿಮಾನಿಗಳು ಫುಲ್ ಖುಷ್ ಆಗಿದ್ದಾರೆ.
ಹೊಂಬಾಳೆ ಯಶಸ್ಸಿನ ಬಳಿಕ ಹೊಚ್ಚ ಹೊಸ ಸಿನಿಮಾಗಾಗಿ ಕೆವಿಎನ್ ಅವರ ಜೊತೆಗೆ 19ನೇ ಸಿನಿಮಾದ ಜರ್ನಿ ಶುರು ಮಾಡಿದ್ದಾರೆ.
ಒಂದು ವರ್ಷ 8 ತಿಂಗಳ ಬಳಿಕ ಮತ್ತೆ ರಾಕಿಂಗ್ ಸ್ಟಾರ್ ಯಶ್ ನಟನೆಯ ಹೊಸ ಸಿನಿಮಾ ಹೆಸರು ಘೋಷಣೆ ಆಗಿದೆ. ಈ ಸಿನಿಮಾ ಕೆಜಿಎಫ್ ರೀತಿ ದಾಖಲೆ ಮೀರಿಸುತ್ತಾ? ಮತ್ತೆ ಯಶ್ಗೆ ಜಯ ತಂದುಕೊಡುತ್ತಾ? ಎಂಬ ನಿರೀಕ್ಷೆಯಂತೂ ಫ್ಯಾನ್ಸ್ಗೆ ಕಾಡುತ್ತಿದೆ. ಇವೆಲ್ಲದಕ್ಕೆ ಸಿನಿಮಾ ರಿಲಿಸ್ ಬಳಿಕವಷ್ಟೇ ಉತ್ತರ ಸಿಗಬೇಕಿದೆ.
‘ಟಾಕ್ಸಿಕ್’ ಚಿತ್ರಕ್ಕೆ ಗೀತು ಮೋಹನ್ದಾಸ್ ಅವರು ನಿರ್ದೇಶನ ಮಾಡುತ್ತಿದ್ದಾರೆ. ಈ ಚಿತ್ರದ ಟೈಟಲ್ ನೋಡಿ ಫ್ಯಾನ್ಸ್ ಸಖತ್ ಖುಷಿಪಟ್ಟಿದ್ದಾರೆ. ಹಿನ್ನೆಲೆ ಸಂಗೀತ ಕೂಡ ಗಮನ ಸೆಳೆದಿದೆ. ಈ ಚಿತ್ರದ ರಿಲೀಸ್ ದಿನಾಂಕವನ್ನೂ ರಿವೀಲ್ ಮಾಡಲಾಗಿದೆ. 10-4-2025ರಂದು ಸಿನಿಮಾ ಥಿಯೇಟರ್ನಲ್ಲಿ ರಿಲೀಸ್ ಆಗಲಿದೆ.
'What you seek is seeking you' – Rumi
A Fairy Tale for Grown-ups
#TOXIChttps://t.co/0G03Qjb3zc@KvnProductions #GeetuMohandas— Yash (@TheNameIsYash) December 8, 2023
