ಬೆಂಗಳೂರು: ಇಂದಿರಾ ಕ್ಯಾಂಟೀನ್ ಸಂಬಂಧ ನಾಲ್ಕು ಝೋನ್ಗಳಲ್ಲಿ ಟೆಂಡರ್ ಕರೆಯಲಾಗಿದೆ. ಹೊಸ ಟೆಂಡರ್ ನಲ್ಲಿ ಕೆಲವು ಬದಲಾವಣೆ ಮಾಡಲಾಗಿದೆ ಎಂದು ಬಿಬಿಎಂಪಿ ಆಯುಕ್ತ ತುಷಾರ್ ಗಿರಿನಾಥ್ ತಿಳಿಸಿದ್ದಾರೆ.
ಬೆಂಗಳೂರಲ್ಲಿ ಮಾತನಾಡಿದ ಅವರು, ಇಂದಿರಾ ಕ್ಯಾಂಟೀನ್ಗೆ ಬರುವ ಮಂದಿಗೆ ಒಂದೊಂದು
ಮಾರ್ಷಲ್ಗಳನ್ನ ಇಟ್ಟು ನೋಡಲು ಸಾಧ್ಯವಿಲ್ಲ. ಕಳೆದ ಬಾರಿ ಕ್ಯಾಂಟೀನ್ ಬಳಿ ಒಬ್ಬ ಮಾರ್ಷಲ್ ಅನ್ನು ನೇಮಕ ಮಾಡಿದ್ದೆವು. ಎಷ್ಟು ಜನ ಊಟ ಮಾಡಿದ್ದರು ಅನ್ನೋದಕ್ಕೆ ಮಾರ್ಷಲ್ ಲೆಕ್ಕ ನೀಡುತ್ತಿದ್ದರು. ಆದರೇ ಆ ಲೆಕ್ಕ ಸರಿ ಇಲ್ಲ ಅಂತ ಗುತ್ತಿಗೆದಾರರು ಆರೋಪ ಮಾಡಿದ್ದರು.
ಇದನ್ನೂ ಓದಿ: ಅವರ ಬಗ್ಗೆ ಮಾತನಾಡುವಾಗ ಹುಷಾರ್: ಯತ್ನಾಳ್ಗೆ ರೇಣುಕಾಚಾರ್ಯ ಎಚ್ಚರಿಕೆ!
ಕಳೆದ ಬಾರಿ ಗುತ್ತಿಗೆದಾರರು ನಮ್ಮ ಮೇಲೆ ಆರೋಪ ಮಾಡಿ ಕೋರ್ಟ್ಗೆ ಹೋಗಿದ್ದರು. ಆದ್ದರಿಂದ ಈ ಬಾರಿ ಇಂದಿರಾ ಕ್ಯಾಂಟೀನ್ನಲ್ಲಿ ಡಿಜಿಟಲ್ ಮಾದರಿಯಲ್ಲಿ ಎಲ್ಲವೂ ನಡೆಯಲಿದೆ. ಓಟಿಪಿ ಆಧಾರದ ಮೇಲೆ ಊಟ ನೀಡಲು ತೀರ್ಮಾನಿಸಲಾಗಿದೆ ಎಂದು ಸ್ಪಷ್ಟಪಡಿಸಿದರು.
