ಡಿಸೆಂಬರ್​ ತಿಂಗಳಲ್ಲಿ ಬರುವ ಪ್ರಮುಖ ಆಚರಣೆಗಳು, ರಜಾದಿನಗಳು ಹೀಗಿವೆ ನೋಡಿ

ಬೆಂಗಳೂರು: ನವೆಂಬರ್‌ ಮುಗಿಯಿತು ವರ್ಷದ ಕೊನೆಯ ತಿಂಗಳು ಡಿಸೆಂಬರ್​ನಲ್ಲಿ ಯಾವೆಲ್ಲಾ ದಿನಗಳು ಬರುತ್ತವೆ ಎಂದು ಶಾಲೆ,ಕಾಲೇಜು, ಆಫೀಸಿಗೆ ಹೋಗುವವರು ವೀಕ್ಲಿ ಆಫ್‌ ಹೊರತುಪಡಿಸಿ ಬೇರೆ ದಿನ ಕೂಡಾ ರಜೆ ದೊರೆಯಲಿ ಎಂದು ಕಾಯುತ್ತಿರುತ್ತಾರೆ. ಇನ್ನು ಡಿಸೆಂಬರ್‌ನಲ್ಲಿ ಕೂಡಾ ಕೆಲವೊಂದು ಸರ್ಕಾರಿ ರಜೆ ಹಾಗೂ ಪ್ರಮುಖ ಆಚರಣೆಗಳು ಇವೆ. ಯಾವೆಲ್ಲಾ ಪ್ರಮುಖ ದಿನಗಳಿವೆ  ಇಲ್ಲಿಂದೆ ಕಂಪ್ಲೀಟ್​ ಡಿಟೇಲ್ಸ್ 

ವಿಶ್ವ ಏಡ್ಸ್‌ ದಿನ

ಪ್ರತಿ ವರ್ಷ ಡಿಸೆಂಬರ್‌ 1ರಂದು ವಿಶ್ವ ಏಡ್ಸ್‌ ದಿನವನ್ನು ಆಚರಿಸಲಾಗುತ್ತಿದೆ. ಹೆಚ್‌ಐವಿಗೆ ಒಳಗಾಗಿರುವರಿಗೆ ಧೈರ್ಯ ತುಂಬಲು,ಏಡ್ಸ್‌ ಬಾರದಂತೆ ಅರಿವು ಮೂಡಿಸುವುದು ಈ ಏಡ್ಸ್‌ ದಿನದ ಮಹತ್ವವಾಗಿದೆ.

ವಿಶ್ವ ಗುಲಾಮಗಿರಿ ನಿರ್ಮೂಲನಾ ದಿನವಿಶ್ವದ ಅನೇಕ ಕಡೆ ಗುಲಾಮಗಿರಿ ಎಗ್ಗಿಲ್ಲದೆ ಸಾಗುತ್ತಿದೆ. ಮಾನವ ಕಳ್ಳಸಾಗಣಿ, ಗುಲಾಮಗಿರಿ ನಿರ್ಮೂಲನೆ ವಿರುದ್ದ ಜಾಗೃತಿ ಮೂಡಿಸುವ ನಿಟ್ಟಿನಲ್ಲಿ ವಿಶ್ವ ಗುಲಾಮಗಿರಿ ನಿರ್ಮೂಲನಾ ದಿನವನ್ನು ಆಚರಿಸಲಾಗುತ್ತಿದೆ.

ವಿಶ್ವ ವಿಶೇಷಚೇತನರ ದಿನ 

ವಿಷೇಷಚೇತನರ ಹಕ್ಕುಗಳು ಸಬಲೀಕರಣದ ಉದ್ದೇಶದಿಂದ ಡಿಸೆಂಬರ್‌ 3 ರಂದು ವಿಶ್ವ ವಿಶೇಷ ಚೇತನರ ದಿನವನ್ನು ಆಚರಿಸಲಾಗುತ್ತದೆ.

ಭಾರತೀಯ ನೌಕಾಪಡೆಯ ದಿನ

ಪ್ರತಿ ವರ್ಷ ಡಿಸೆಂಬರ್ 4 ರಂದು ಭಾರತೀಯ ನೌಕಾಪಡೆಯ ದಿನವನ್ನು ಆಚರಿಸಲಾಗುತ್ತಿದೆ. ಭಾರತೀಯ ನೌಕಾಪಡೆಯ ಶೌರ್ಯ, ಸಮರ್ಪಣೆ ಮತ್ತು ತ್ಯಾಗವನ್ನು ಈ ದಿನ ಗೌರವಿಸಲಾಗುತ್ತದೆ. ಪ್ರತಿ ವರ್ಷವೂ ಒಂದೊಂದು ಥೀಮ್‌ನಡಿ ಈ ದಿನವನ್ನು ಆಚರಿಸಲಾಗುತ್ತದೆ.

ಅಂತಾರಾಷ್ಟ್ರೀಯ ಸ್ವಯಂಸೇವಕ ದಿನ 

ಆರ್ಥಿಕ ಮತ್ತು ಸಾಮಾಜಿಕ ಅಭಿವೃದ್ಧಿಗಾಗಿ ಅಂತರಾಷ್ಟ್ರೀಯ ಸ್ವಯಂಸೇವಕರ ದಿನದ ಮೂಲಕ ಸ್ವಯಂ ಸೇವಕರ ಅಮೂಲ್ಯ ಕೊಡುಗೆಗಳನ್ನು ಜಗತ್ತು ಗುರುತಿಸುತ್ತದೆ.