ಬೆಂಗಳೂರು : ಆಸ್ಟ್ರೇಲಿಯಾ ವಿರುದ್ಧದ ಎರಡನೇ ಟಿ-20 ಪಂದ್ಯದಲ್ಲಿ ಯಶಸ್ವಿ ಜೈಸ್ವಾಲ್ ಆಸಿಸ್ ಬೌಲರ್ಗಳನ್ನು ಚಂಡಾಡಿದರು.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಭಾರತಕ್ಕೆ ಆರಂಭಿಕರಾದ ಯಶಸ್ವಿ ಜೈಸ್ವಾಲ್ ಹಾಗೂ ಋತುರಾಜ್ ಗಾಯಕ್ವಾಡ್ ಬೊಂಬಾಟ್ ಆರಂಭ ನೀಡಿದರು. ಜೈಸ್ವಾಲ್ ವಿಧ್ವಂಸಕ ಬ್ಯಾಟಿಂಗ್ಗೆ ಆಸಿಸ್ ವೇಗಿಗಳು ಬೆಕ್ಕಸ ಬೆರಗಾದರು.
ಆಸಿಸ್ ಬೌಲರ್ ಸೀನ್ ಅಬಾಟ್ ಎಸೆದ ನಾಲ್ಕನೇ ಓವರ್ನಲ್ಲಿ ಯಶಸ್ವಿ ಜೈಸ್ವಾಲ್ ಸ್ಪೋಟಕ ಬ್ಯಾಟ್ ಬೀಸಿದರು. ಆ ಓವರ್ನಲ್ಲಿ ಕ್ರಮವಾಗಿ 4,4,4,6,6,0 ರನ್ ಸಿಡಿಸಿದರು. ಕೇವಲ 5 ಓವರ್ಗಳಿಗೆ ಈ ಜೋಡಿ 62 ರನ್ ಚಚ್ಚಿದರು.
ಅರ್ಧಶತಕ ಗಳಿಸಿ ಔಟ್
ಕೇವಲ 25 ಎಸೆತಗಳನ್ನು ಎದುರಿಸಿದ ಜೈಸ್ವಾಲ್ 9 ಬೌಂಡರಿ ಹಾಗೂ 2 ಸಿಕ್ಸರ್ಗಳ ನೆರವಿನೊಂದಿಗೆ ಆಕರ್ಷಕ ಅರ್ಧಶತಕ (53) ಸಿಡಿಸಿ ಮುಂಚಿದರು. ಎಲ್ಲಿಸ್ ಬೌಲಿಂಗ್ನಲ್ಲಿ ದೊಡ್ಡ ಹೊಡೆತಕ್ಕೆ ಮುಂದಾದ ಜೈಸ್ವಾಲ್ ಆಡಂ ಝಂಪಾ ಕೈಗೆ ಕ್ಯಾಚ್ ಕೊಟ್ಟು ಔಟಾದರು. ಪ್ರಸ್ತುತ ಭಾರತ 12 ಓವರ್ಗಳಲ್ಲಿ ಒಂದು ವಿಕೆಟ್ ನಷ್ಟಕ್ಕೆ 116 ರನ್ ಕಲೆಹಾಕಿದೆ. ಸದ್ಯ ಋತುರಾಜ್ ಗಾಯಕ್ವಾಡ್ ಅಜೇಯ 29 ಹಾಗೂ ಇಶಾನ್ ಕಿಶನ್ ಅಜೇಯ 21 ರನ್ಗಳಿಸಿ ಕ್ರೀಸ್ನಲ್ಲಿದ್ದಾರೆ.
