ಚಾಮರಾಜನಗರ: ಸಫಾರಿಗೆ ತೆರಳಿದ್ದ ಪ್ರವಾಸಿಗರ ಜೀಪನ್ನು ಕಾಡಾನೆಗಳು ಅಟ್ಟಾಡಿಸಿದ ಘಟನೆ ಚಾಮರಾಜನಗರದ ಬಂಡೀಪುರ ಅರಣ್ಯದಲ್ಲಿ ನಡೆದಿದೆ.
ಇಂದು ಬೆಳಗ್ಗೆ ಪ್ರವಾಸಿಗರು ಸಫಾರಿಗೆ ತೆರಳಿದ್ದ ವೇಳೆಯಲ್ಲಿ ಮರಿ ಜತೆಯಲ್ಲಿದ್ದ ಕಾಡಾನೆಯೊಂದು ರೊಚ್ಚಿಗೆದ್ದು, ಜೀಪ್ ಮೇಲೆ ಧಾಳಿಗೆ ಮುಂದಾಗಿದೆ. ಪರಿಸ್ಥಿತಿಯನ್ನು ಅರಿತ ಜೀಪ್ ಚಾಲಕ ಜೀಪನ್ನು ವೇಗವಾಗಿ ಚಾಲನೆ ಮಾಡಿ ಅಲ್ಲಿಂದ ಮುಂದೆ ಬಂದಿದ್ದಾರೆ. ಆದರೂ ಆನೆ ಹಾಗೂ ಆನೆ ಮರಿ ಒಂದಷ್ಟು ದೂರ ಜೀಪನ್ನು ಹಿಂಬಾಲಿಸಿಕೊಂಡು ಬಂದಿವೆ.
ಇದನ್ನೂ ಓದಿ: ತೇಜಸ್‌ ಯುದ್ಧ ವಿಮಾನದಲ್ಲಿ ಹಾರಾಡಿದ ಪ್ರಧಾನಿ ನರೇಂದ್ರ ಮೋದಿ
ದಿಢೀರ್ ಆನೆ ಧಾಳಿಯಿಂದ ಪ್ರವಾಸಿಗರು ಒಂದಷ್ಟು ಸಮಯ ಆತಂಕಕ್ಕೆ ಒಳಗಾಗಿದ್ದರು. ಸಫಾರಿ ಜೀಪ್ ನಲ್ಲಿದ್ದ ಪ್ರವಾಸಿಗರಿಂದ ತನ್ನ ಮರಿಗೆ ತೊಂದರೆಯಾಗುತ್ತದೆ ಎಂಬ ಕಾರಣದಿಂದ ಆನೆ ಆ ರೀತಿ ವರ್ತಿಸಿದೆ ಎಂದು ಅರಣ್ಯಾಧಿಕಾರಿಗಳು ಸ್ಪಷ್ಟನೆ ನೀಡಿದ್ದಾರೆ.
