ಬೆಂಗಳೂರು : ವಿಶ್ವಕಪ್-2023ರ ಟೂರ್ನಿಯ 13ನೇ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ಅಫ್ಘಾನಿಸ್ತಾನ ಸವಾಲಿನ ಟಾರ್ಗೆಟ್ ನೀಡಿದೆ.
ನವದೆಹಲಿಯಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್ ಗೆದ್ದ ಇಂಗ್ಲೆಂಡ್ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಆದರೆ, ಮೊದಲು ಬ್ಯಾಟಿಂಗ್ ಮಾಡಿದ ಅಫ್ಘಾನ್ ಬ್ಯಾಟರ್ಗಳು ಆಂಗ್ಲರ ಲೆಕ್ಕಾಚಾರವನ್ನು ಉಲ್ಟಾ ಮಾಡಿದರು.
ಅಫ್ಘಾನಿಸ್ತಾನ 49.5 ಓವರ್ಗಳಲ್ಲಿ 284 ರನ್ಗಳಿಗೆ ಆಲ್ಔಟ್ ಆಯಿತು. ಇಂಗ್ಲೆಂಡ್ ಬೌಲರ್ಗಳನ್ನು ದಂಡಿಸಿದ ಗುರ್ಬಾಜ್ ಹಾಗೂ ಇಕ್ರಮ್ ಅರ್ಧಶತಕ ಸಿಡಿಸಿದರು. ಗುರ್ಬಾಜ್ 80, ಇಕ್ರಮ್ 58, ಇಬ್ರಾಹಿಂ 28, ಮುಜೀಬ್ 28, ರಹ್ಮಾನ್ 24 ಹಾಗೂ ರಶೀದ್ ಖಾನ್ 23 ರನ್ ಗಳಿಸಿದರು. ಇಂಗ್ಲೆಂಡ್ ಪರ ಆದಿಲ್ ರಶೀದ್ 3 ವಿಕೆಟ್ ಪಡೆದರೆ ವುಡ್ 2, ಲಿವಿಂಗ್ಸ್ಟೋನ್, ಟೋಪ್ಲಿ ಹಾಗೂ ರೂಟ್ ತಲಾ ಒಂದು ವಿಕೆಟ್ ಪಡೆದರು.
