ಬೆಂಗಳೂರು : ಗನ್ ಪಾಯಿಂಟ್ ರಾಬರಿ ಕಥೆ ಕಟ್ಟಿ 1 ಕೆ.ಜಿ. 262 ಗ್ರಾಂ ಚಿನ್ನಾಭರಣ ಎಗರಿಸಿದ್ದ ಸೇಲ್ಸ್ ಮನ್ಸ್ ಇಬ್ಬರನ್ನು ಹಲಸೂರು ಗೇಟ್ ಪೊಲೀಸರು ಬಂಧಿಸಿದ್ದಾರೆ.
ಲಾಲ್ ಸಿಂಗ್, ರಾಜ್ ಪಾಲ್ ಬಂಧಿತ ಆರೋಪಿಗಳು. ಬಂಧಿತ ಆರೋಪಿಗಳಿಂದ ಬರೋಬ್ಬರಿ 75 ಲಕ್ಷ ಮೌಲ್ಯದ ಚಿನ್ನಾಭರಣ ಜಪ್ತಿ ಮಾಡಲಾಗಿದೆ. ಇನ್ನು ಆರೋಪಿಗಳಾದ ಅಭಿಷೇಕ್ ಮತ್ತು ಓಂ ಪ್ರಕಾಶ್ಗಾಗಿ ಶೋಧ ನಡೆಸುತ್ತಿದ್ದಾರೆ.
ಹಲಸೂರು ಗೇಟ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿನ ಜುವೆಲ್ಲರಿ ಶಾಪ್ ಮಾಲೀಕ ನಲ್ಲೂರಿನ ಜುವೆಲ್ಲರಿ ಮಾಲೀಕರಿಗೆ ಕೊಡಲು ಕೆಲಸಗಾರನ ಮೂಲಕ ಚಿನ್ನಾಭರಣ ಕೊಟ್ಟು ಕಳುಹಿಸಿದ್ರು. ಆದರೆ, ರಾಬರಿ ಗ್ಯಾಂಗ್ ಅಟ್ಯಾಕ್ ಮಾಡಿ ಚಿನ್ನಾಭರಣ ಎಗರಿಸಿದೆ ಎಂದು ಆರೋಪಿಗಳು ಕತೆ ಕಟ್ಟಿದ್ರು. ಈ ಸಂಬಂಧ ಹಲಸೂರು ಗೇಟ್ನಲ್ಲಿ ಪ್ರಕರಣ ದಾಖಲಾಗಿತ್ತು. ಇನ್ನು ಬಂಧಿತ ಆರೋಪಿಗಳ ವಿರುದ್ಧ ಕೊಲೆ ಯತ್ನ, ಕಳವು ಪ್ರಕರಣ ಕೂಡ ದಾಖಲಾಗಿದೆ.
