ಬೆಂಗಳೂರು : ವಿಶ್ವಕಪ್-2023 ಟೂರ್ನಿಯ 8ನೇ ಪಂದ್ಯದಲ್ಲಿ ಪಾಕ್ ವಿರುದ್ಧ ಸಿಂಹಳಿಯರು ಘರ್ಜಿಸಿದರು. ಪಾಕ್ ಬೌಲರ್ಗಳನ್ನು ಮನಬಂದಂತೆ ಚಚ್ಚಿದ ಲಂಕಾ ಪಡೆ ಬೃಹತ್ ಟಾರ್ಗೆಟ್ ಸೆಟ್ ಮಾಡಿದೆ.
ಹೈದರಾಬಾದ್ನ ರಾಜೀವ್ ಗಾಂಧಿ ಅಂತರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಪಾಕಿಸ್ತಾನ ಹಾಗೂ ಶ್ರೀಲಂಕಾ ನಡುವೆ ಪಂದ್ಯ ನಡೆಯುತ್ತಿದೆ. ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಶ್ರೀಲಂಕಾ ತಂಡ ಪಾಕಿಸ್ತಾನಕ್ಕೆ 345 ರನ್ಗಳ ಬೃಹತ್ ಗುರಿ ನೀಡಿದೆ.
ನಿಗದಿತ 50 ಓವರ್ಗಳಲ್ಲಿ 9 ವಿಕೆಟ್ ಕಳೆದುಕೊಂಡು 344 ರನ್ ಗಳಿಸಿದೆ. ಶ್ರೀಲಂಕಾ ಪರ ಇನ್ನರು ಶತಕ ಸಾಧನೆಗೈದರು. ಕುಶಾಲ್ ಮೆಂಡಿಸ್ 77 ಎಸೆತಗಳಲ್ಲಿ 14 ಬೌಂಡರಿ ಹಾಗೂ 6 ಬೊಂಬಾಟ್ ಸಿಕ್ಸರ್ ನೆರವಿನೊಂದಿಗೆ 122 ರನ್ ಚಚ್ಚಿದರು. ಸದೀರಾ ಸಮರವಿಕ್ರಮ 89 ಎಸೆತಗಳಲ್ಲಿ 11 ಬೌಂಡರಿ ಹಾಗೂ 2 ಸಿಕ್ಸರ್ನೊಂದಿಗೆ 108 ರನ್ ಸಿಡಿಸಿದರು.
ನಿರಾಸೆ ಮೂಡಿಸಿದ ಶನಕ
ಆರಂಭಿಕ ಆಟಗಾರ ನಿಸಾಂಕ 51, ಧನಂಜಯ 25 ರನ್ ಗಳಿಸಿದರು. ಉಳಿದಂತೆ ನಾಯಕ ದಸುನ್ ಶನಕ 12 ರನ್ಗೆ ಔಟಾಗುವ ಮೂಲಕ ನಿರಾಸೆ ಮೂಡಿಸಿದರು. ಇನ್ನೂ ಕೆಳ ಕ್ರಮಾಂಕದ ಆಟಗಾರರು ಪಾಕ್ ಬೌಲರ್ಗಳ ದಾಳಿಗೆ ಪೆವಿಲಿಯನ್ ಪೆರೇಡ್ ನಡೆಸಿದರು. ಆದರೂ ಲಂಕಾ 344 ರನ್ ಗುಡ್ಡೆ ಹಾಕಿತು. ಪಾಕಿಸ್ತಾನ ಬರ ಹಾಸನ್ ಅಲಿ 4, ರೌಫ್ 2, ಶಾಹಿನ್, ನವಾಜ್ ಹಾಗೂ ಶಾದಾಬ್ ಅವರು ತಲಾ ಒಂದು ವಿಕೆಟ್ ಪಡೆದರು.