ಬೆಂಗಳೂರು : ಒಂಟಿ ಮಹಿಳೆಯರಿಗೆ ಕಿರುಕುಳ ನೀಡುತ್ತಿದ್ದ ಸೈಕೋ ಕಾಮುಕನನ್ನು ಪೊಲೀಸರು ಬಂಧಿಸಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.
ಗ್ಯಾರೇಜ್ನಲ್ಲಿ ಕೆಲಸ ಮಾಡುತ್ತಿದ್ದ ಆರೋಪಿ ಅಯ್ಯಪ್ಪ ರಿಪೇರಿ ಬಿಡುತ್ತಿದ್ದ ಬೈಕ್ ತೆಗೆದುಕೊಂಡು ಸುತ್ತಾಡುತ್ತಿದ್ದ. ಹೈಪೈ ಏರಿಯಾ ರೌಂಡ್ಸ್ ಹೊಡೆದು ಒಂಟಿ ಮಹಿಳೆಯರಿಗೆ ಕಿರುಕುಳ ನೀಡುತ್ತಿದ್ದ.
ಬೆಳಗಿನ ಜಾವ ಹಾಗೂ ಸಂಜೆ 8 ರಿಂದ 9 ಸಮಯದಲ್ಲಿ ವಸಂತನಗರ, ಸದಾಶಿವನಗರದಲ್ಲಿ ರೌಂಡ್ಸ್ ಹಾಕುತ್ತಿದ್ದ. ಈ ವೇಳೆ ಒಂಟಿಯಾಗಿ ನಡೆದುಕೊಂಡು ಹೋಗುವ ಮಹಿಳೆಯರಿಗೆ ಲೈಂಗಿಕ ಕಿರುಕುಳ ಕೊಡುತ್ತಿದ್ದ. ಈ ವೇಳೆ ಮಹಿಳೆ ಕಿರುಚಾಡುತ್ತಿದ್ದಂತೆ ಎಸ್ಕೇಪ್ ಆಗುತ್ತಿದ್ದ.
ಈ ಸುದ್ದಿ ಓದಿದ್ದೀರಾ? : ರಸ್ತೆ ದಾಟುತ್ತಿದ್ದ ಯುವಕನ ಉಸಿರು ಕಸಿದ ಕಿಲ್ಲರ್ KSRTC
ಪ್ರತಿ ದಿನ ಬೇರ ಬೇರೆ ಬೈಕ್ನಲ್ಲಿ ಹೋಗಿ ಕೃತ್ಯವೆಸಗುತ್ತಿದ್ದ. ಆರೋಪಿ ಅಯ್ಯಪ್ಪ ವಸಂತನಗರದಲ್ಲಿ ಮಹಿಳೆಯ ಮೇಲೆ ದೌರ್ಜನ್ಯವೆಸಗಿ ಎಸ್ಕೇಪ್ ಅಗಿದ್ದ. ಮಹಿಳೆ ಈ ಕುರಿತು ಹೈಗ್ರೌಂಡ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದರು. ಸದ್ಯ ಆರೋಪಿ ಆಯ್ಯಪ್ಪನನ್ನು ಹೈಗ್ರೌಂಡ್ ಪೊಲೀಸರು ಬಂಧಿಸಿದ್ದು, ತನಿಖೆ ಕೈಗೊಂಡಿದ್ದಾರೆ.
