ನವದೆಹಲಿ : ಪ್ರಧಾನಿ ನರೇಂದ್ರ ಮೋದಿ ಅವರ ವಾಟ್ಸ್ಆಪ್ ಚಾನಲ್ ಜನಪ್ರಿಯತೆ ಹೆಚ್ಚುತ್ತಿದೆ. ದಿನೇ ದಿನೆ ಲಕ್ಷಾಂತರ ಮಂದಿ ಹೊಸ ಫಾಲೋಯರ್ಗಳು ಮೋದಿ ಚಾನೆಲ್ಗೆ ಸೇರಿಕೊಳ್ಳುತ್ತಿದ್ದಾರೆ.
ಕೇವಲ 10 ದಿನದಲ್ಲಿ ಅವರ ವಾಟ್ಸ್ಆಪ್ ಕಮ್ಯೂನಿಟಿಗೆ 50 ಲಕ್ಷಕ್ಕೂ ಹೆಚ್ಚು ಮಂದಿ ಸೇರಿದ್ದಾರೆ. ಸೆಪ್ಟೆಂಬರ್ 14ರಂದು ಪ್ರಧಾನಿಗಳು ಮೊದಲ ಬಾರಿಗೆ ವಾಟ್ಸಾಪ್ಗೆ ಅಡಿ ಇಟ್ಟಿದ್ದರು. ಇವತ್ತು 11 ದಿನಗಳ ಬಳಿಕ ಅವರ ಫಾಲೋಯರ್ಸ್ ಸಂಖ್ಯೆ 53 ಲಕ್ಷ ಮುಟ್ಟಿದೆ.
ಸೋಷಿಯಲ್ ಮೀಡಿಯಾದಲ್ಲಿ ಅತಿ ಹೆಚ್ಚು ಅನುಯಾಯಿಗಳ (ಫಾಲೋವರ್ಸ್) ಬಳಗ ಹೊಂದಿರುವ ವಿಶ್ವನಾಯಕರಲ್ಲಿ ಪ್ರಧಾನಿ ಮೋದಿ ಒಬ್ಬರು. ಇವರ ಟ್ವಿಟ್ಟರ್ ಮತ್ತು ಫೇಸ್ಬುಕ್ ಖಾತೆಗಳಿಗೆ ಬಹಳ ದೊಡ್ಡ ಸಂಖ್ಯೆಯಲ್ಲಿ ಫಾಲೋಯರ್ಸ್ ಇದ್ದಾರೆ. ಈಗ ವಾಟ್ಸ್ಆಪ್ ಚಾನಲ್ನಲ್ಲೂ ಅವರ ಜನಪ್ರಿಯತೆ ವೇಗವಾಗಿ ಹೆಚ್ಚುತ್ತಿದೆ.
ಮೋದಿಗೇ ಹೆಚ್ಚು ಫಾಲೋಯರ್ಸ್
ಸೆಪ್ಟೆಂಬರ್ 25ರಂದು ಕಂಡಿರುವ ಮಾಹಿತಿ ಪ್ರಕಾರ, ವಾಟ್ಸ್ಆಪ್ ಚಾನಲ್ಗಳ ಪೈಕಿ ಅತಿ ಹೆಚ್ಚು ಫಾಲೋಯರ್ಸ್ ಹೊಂದಿರುವ ವ್ಯಕ್ತಿಗಳ ಸಾಲಿನಲ್ಲಿ ನರೇಂದ್ರ ಮೋದಿ ಬರುತ್ತಾರೆ. ವಾಟ್ಸ್ಆಪ್, ನೆಟ್ಫ್ಲಿಕ್ಸ್, ವಿವಿಧ ಕ್ರೀಡಾ ತಂಡಗಳು, ಸುದ್ದಿ ಸಂಸ್ಥೆಗಳು ಚಾನೆಲ್ಗಳಿಗೆ ಹೆಚ್ಚು ಫಾಲೋಯರ್ಸ್ ಇದ್ದಾರೆ.
