ಬೆಂಗಳೂರು : ಭಾರತ ಕ್ರಿಕೆಟ್ ತಂಡದ ನಾಯಕ, ಹಿಟ್ಮ್ಯಾನ್ ರೋಹಿತ್ ಶರ್ಮಾ ಇಂದು ಮತ್ತೊಂದು ಮೈಲುಗಲ್ಲು ಸಾಧಿಸಲಿದ್ದಾರೆ.
ಶ್ರೀಲಂಕಾ ವಿರುದ್ಧದ ಏಷ್ಯಾಕಪ್-2023 ಸರಣಿಯ ಫೈನಲ್ ಪಂದ್ಯದಲ್ಲಿ ಮುಂಬೈಕರ್ ರೋಹಿತ್ 250 ಏಕದಿನ ಪಂದ್ಯಗಳ ಮೈಲುಗಲ್ಲು ತಲುಪಲಿದ್ದಾರೆ. ಈ ಮೂಲಕ ದಿಗ್ಗಜರ ಸಾಲಿಗೆ ಶರ್ಮಾ ಹೆಸರು ಸೇರ್ಪಡೆಯಾಗಲಿದೆ.
ರೋಹಿತ್ ಶರ್ಮಾ ಇಲ್ಲಿಯವರೆಗೆ 249 ಏಕದಿನ ಪಂದ್ಯಗಳನ್ನು ಆಡಿರುವ ಹಿಟ್ಮ್ಯಾನ್ 48.69 ಸರಾಸರಿಯಲ್ಲಿ 10,031 ರನ್ ಗಳಿಸಿದ್ದಾರೆ. ರೋಹಿತ್ ಏಕದಿನದಲ್ಲಿ 3 ದ್ವಿಶತಕ ಸೇರಿದಂತೆ 30 ಶತಕ ಹಾಗೂ 51 ಅರ್ಧಶತಕಗಳನ್ನು ಸಿಡಿಸಿದ್ದಾರೆ.
ಗಿಲ್ಲಕ್ಕೋ ಶಿವ ಗಿಲ್ಲಕ್ಕೋ!
ಭಾರತದ ಯಂಗ್ ಗನ್ ಶುಭ್ಮನ್ ಗಿಲ್ ಈ ವರ್ಷ 6 ಶತಕಗಳನ್ನು ಸಿಡಿಸುವ ಮೂಲಕ ರನ್ ಮೆಷಿನ್ ವಿರಾಟ್ ಕೊಹ್ಲಿಯನ್ನು ಹಿಂದಿಕ್ಕಿದ್ದಾರೆ. ಬಾಂಗ್ಲಾದೇಶ ವಿರುದ್ಧದ ಏಕದಿನ ಪಂದ್ಯದಲ್ಲಿ ಶತಕ ಬಾರಿಸಿ ಈ ವರ್ಷದ ತಮ್ಮ 6ನೇ ಶತಕವನ್ನು ಪೂರೈಸಿದರು. ಗಿಲ್ ತಮ್ಮ ಬೊಂಬಾಟ್ ಆಟದ ಮೂಲಕ ಏಕದಿನ ರ್ಯಾಂಕಿಂಗ್ ಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿದ್ದಾರೆ.
