ಹ್ಯಾಪಿ ಬರ್ತ್ ಡೇ ಸೂರ್ಯ : ಮಿಸ್ಟರ್ 360ಗೆ SKY ಅಂತ ಹೆಸರಿಟ್ಟಿದ್ದು ಇವರೇ ನೋಡಿ?

ಬೆಂಗಳೂರು : SKY.. 360 ಹೊಡೆತಗಳಿಗೆ ಈತ ಹಂಟರ್. SKY ಘರ್ಜಿಸಿದರೆ ಭಾರತಕ್ಕೆ ಗೆಲುವು ಫಿಕ್ಸ್​ ಅಂತಾನೇ ಅರ್ಥ. ಆ ಪರಿ ಇರುತ್ತೆ ಈ ಸೂರ್ಯ ಮೈದಾನದಲ್ಲಿ ಸ್ಫೋಟಿಸುತ್ತಾನೆ.

ಮಿಸ್ಟರ್ 360 ಎಬಿ ಡಿವಿಲಿಯರ್ಸ್​ ಬಳಿಕ 360 ಹೊಡೆತಗಳ ಆಟಗಾರ ಎಂಬ ಪ್ರಖ್ಯಾತಿ ಪಡೆದಿರುವ ಸೂರ್ಯಕುಮಾರ್ ಯಾದವ್​ ಇಂದು ಜನ್ಮದಿನದ ಸಂಭ್ರಮದಲ್ಲಿದ್ದಾರೆ.

ಸೂರ್ಯಕುಮಾರ್ ಯಾದವ್​ ಮೈದಾನದಲ್ಲಿ ಘರ್ಜಿಸುವ ಪರಿಗೆಮನಸೋಲದವರು ಯಾರೂ ಇಲ್ಲ. SKY ಆಟಕ್ಕೆ ರನ್ ಮೆಷಿನ್ ಕೊಹ್ಲಿ, ಹಿಟ್​ಮ್ಯಾನ್ ರೋಹಿತ್​ ಅಂಥ ಸ್ಟಾರ್ ಬ್ಯಾಟರ್​ಗಳೇ ಅಚ್ಚರಿ ವ್ಯಕ್ತಪಡಿಸಿದ್ದಾರೆ.

SKY ಅಂತ ಕರೆದಿದ್ದು ಯಾರು?

ಸೂರ್ಯಕುಮಾರ್ ಯಾದವ್​ರನ್ನು ಅಭಿಮಾನಿಗಳು SKY ಅಂತ ಕರೆಯುತ್ತಾರೆ. ಆದ್ರೆ, ಈ ಹೆಸರು ಮೊದಲು ಕರೆದಿದ್ದು ಯಾರು ಗೊತ್ತೇ? ಸಂದರ್ಶನವೊಂದರಲ್ಲಿ ಈ ಬಗ್ಗೆ ಮಾಹಿತಿ ನೀಡಿರುವ ಸೂರ್ಯ, ಗೌತಮ್ ಗಂಭೀರ್​ ಅವರು ನನ್ನನ್ನು 2014ರಲ್ಲಿ SKY ಅಂತ ಕರೆದರು. ಅಂದಿನಿಂದ ಎಲ್ಲರೂ ನನ್ನನ್ನು SKY ಅಂತ ಕರೆಯುತ್ತಿದ್ದಾರೆ ಎಂದು ಹೇಳಿದ್ದಾರೆ.

ವಯಸ್ಸಿನಲ್ಲಿ ಕೊಂಚ ತಡವಾಗಿ ಭಾರತ ತಂಡಕ್ಕೆ ಎಂಟ್ರಿ ಕೊಟ್ಟರೂ ಈ ಮಿಸ್ಟರ್ 360, ಕಡಿಮೆ ಸಮಯದಲ್ಲಿ ಟಿ-20ಯಲ್ಲಿ ನಂ.1 ಬ್ಯಾಟರ್ ಪಟ್ಟಕ್ಕೇರಿದರು. ಟಿ-20ಯಲ್ಲಿ ಸೂರ್ಯ ಹಲವು ದಾಖಲೆಗಳನ್ನು ತಮ್ಮ ಹೆಸರಿಗೆ ಬರೆದುಕೊಂಡಿದ್ದಾರೆ. ಟಿ-20 ಮಾದರಿಯಲ್ಲಿ ಮೊದಲ 50 (ಇನ್ನಿಂಗ್ಸ್​ಗಳಲ್ಲಿ​) ಪಂದ್ಯಗಳಲ್ಲಿ ಅತಿ ಹೆಚ್ಚು ರನ್​ ಗಳಿಸಿದ ಆಟಗಾರರ ಪಟ್ಟಿಯಲ್ಲಿ 2ನೇ ಸ್ಥಾನ ಪಡೆದಿದ್ದಾರೆ. 172 ಸ್ಟ್ರೈಟ್​ ರೇಟ್​ನಲ್ಲಿ SKY 1,841 ರನ್​ ಕಲೆಹಾಕಿದ್ದಾರೆ.