ಬೆಂಗಳೂರು : ಬದ್ಧ ವೈರಿ ಪಾಕಿಸ್ತಾನ ಹಾಗೂ ಭಾರತ ಪಂದ್ಯ ಅಂದ್ರೆ ಕ್ರಿಕೆಟ್ ಪ್ರೇಮಿಗಳ ಕ್ರೇಜ್ ಬೇರೆ ಲೆವೆಲ್ನಲ್ಲೇ ಇರುತ್ತೆ. ನಿನ್ನೆ ತಾನೆ ಶ್ರಾವಣ ಮುಗಿದದ್ದು, ಇಂದು ಭಾನುವಾರ. ಭರ್ಜರಿ ಬಾಡೂಟ ಮಿಸ್ ಮಾಡಿದ್ರೂ ಪರವಾಗಿಲ್ಲ, ಇಂಡೋ-ಪಾಕ್ ಪಂದ್ಯ ಮಿಸ್ ಮಾಡಬಾರದು ಅಂತ ಫ್ಯಾನ್ಸ್ ವೇಟ್ ಮಾಡ್ತಾ ಇದ್ರು.
ಪಂದ್ಯಕ್ಕೆ ಮಳೆರಾಯ ಅಡ್ಡಿಪಡಿಸುತ್ತಾನೆ ಅಂತ ಹವಾಮಾನ ಇಲಾಖೆ ಮುನ್ಸೂಚನೆಯನ್ನೂ ನೀಡಿತ್ತು. ಇದರ ಹೊರತಾಗಿಯೂ ಅಸಂಖ್ಯಾತ ಕ್ರಿಕೆಟ್ ಅಭಿಮಾನಿಗಳು ಮಳೆ ಬಾರದಿರಲಿ ಅಂತ ಮನದಲ್ಲೇ ಪ್ರಾರ್ಥಿಸಿದ್ದರು. ಆದರೆ, ಈ ಪ್ರಾರ್ಥನೆ ಫಲಿಸಲಿಲ್ಲ, ದಿಢೀರನೆ ಪ್ರೇಮದಾಸ ಕ್ರೀಡಾಂಗಣಕ್ಕೆ ಎಂಟ್ರಿ ಕೊಟ್ಟ ಮಳೆರಾಯ ಫ್ಯಾನ್ಸ್ ಆಸೆಗೆ ತಣ್ಣೀರು ಎರಚಿದ.
ಯೆಸ್, ಭಾರತ್-ಪಾಕ್ ನಡುವಣ ಏಷ್ಯಾಕಪ್ ಸೂಪರ್-4 ಪಂದ್ಯ ಮಳೆಯಿಂದ ಮುಂದೂಡಲಾಯಿತು. ಟಾಸ್ ಸೋತು ಮೊದಲು ಬ್ಯಾಟಿಂಗ್ ಆರಂಭಿಸಿದ ಭಾರತ 24.1 ಓವರ್ಗಳಲ್ಲಿ 2 ವಿಕೆಟ್ ಕಲೆದುಕೊಂಡು 147 ರನ್ ಗಳಿಸಿದೆ. ನಾಳೆ ಮೀಸಲು ದಿನವಾಗಿರುವುದರಿಂದ ಭಾರತ ತಂಡ ಇದೇ 24.1 ಓವರ್ಗಳಿಂದ ಆಟ ಮುಂದುವರಿಸಲಿದೆ. ಬಳಿಕ, ಪಾಕಿಸ್ತಾನ 50 ಓವರ್ಗಳನ್ನು ಆಡಳಿದೆ. ಒಂದು ವೇಳೆ ಮತ್ತೆ ಮಳೆ ಬಂದರೆ ಪಂದ್ಯ ರದ್ದಾಗಲಿದೆ.
ಗಿಲ್–ಶರ್ಮಾ ಅದ್ಭುತ ಆರಂಭ
ಭಾರತದ ಪರ ಇನ್ನಿಂಗ್ಸ್ ಆರಂಭಿಸಿದ ಯಂಗ್ ಗನ್ ಶುಭ್ಮನ್ ಗಿಲ್ ಹಾಗೂ ನಾಯಕ ರೋಹಿತ್ ಶರ್ಮಾ ಬೊಂಬಾಟ್ ಸ್ಟಾರ್ಟ್ ನೀಡಿದರು. ಹಿಟ್ಮ್ಯಾನ್ ಹಾಗೂ ಗಿಲ್ ಜೋಡಿ 100 ರನ್ ಜೊತೆಯಾಟ ತಂಡಕ್ಕೆ ಉತ್ತಮ ಆರಂಭ ತಂದುಕೊಟ್ಟಿತು. ಗಿಲ್ 52 ಎಸೆತಗಳಲ್ಲಿ 10 ಭರ್ಜರಿ ಬೌಂಡರಿಗಳ ನೆರವಿನಿಂದ ಅರ್ಧ ಶತಕ (58) ಪೂರೈಸಿದರು. ನಾಯಕ ರೋಹಿತ್ 49 ಎಸೆತಗಳಲ್ಲಿ 6 ಬೌಂಡರಿ ಹಾಗೂ 4 ಭರ್ಜರಿ ಸಿಕ್ಸರ್ನೊಂದಿಗೆ ಆಫ್ ಸೆಂಚುರಿ (56) ಸಿಡಿಸಿದರು.
