ಬೆಂಗಳೂರು : ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ನೇತೃತ್ವದ ಸಚಿವ ಸಂಪುಟದ ಎಲ್ಲಾ 33 ಸಚಿವರಿಗೂ ಶೀಘ್ರದಲ್ಲೇ ಹೊಸ ಕಾರುಗಳು ದೊರೆಯಲಿದ್ದು 9.90 ಕೋಟಿ ರು ಅನುದಾನ ನೀಡಲಾಗಿದೆ.
ಸಂಪುಟದ ಎಲ್ಲಾ ಸಚಿವರಿಗೂ ತಲಾ 30 ಲಕ್ಷ ರು. ಬೆಲೆಯ 33 ಹೊಸ ಇನ್ನೋವಾ ಹೈಕ್ರಾಸ್ – ಹೈಬ್ರಿಡ್ ಕಾರುಗಳನ್ನು ಖರೀದಿಸಲು ಸರ್ಕಾರ ಅನುಮತಿ ನೀಡಿದ್ದು, ಇದಕ್ಕೆ 4ಜಿ ವಿನಾಯಿತಿ ನೀಡಿ 9.90 ಕೋಟಿ ರು.ಗಳ ಅನುದಾನ ನೀಡಲಾಗಿದೆ. ಈ ಸಂಬಂಧ ಸಿಬ್ಬಂದಿ ಮತ್ತು ಆಡಳಿತ ಸುಧಾರಣಾ ಇಲಾಖೆಯಿಂದ ವಾರದ ಹಿಂದೆಯೇ ನಿರ್ಧಾರವಾಗಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.
ಇದನ್ನೂ ಓದಿ: ಸೌಜನ್ಯ ಪ್ರಕರಣ: ವೀರೇಂದ್ರ ಹೆಗ್ಗಡೆ ವಿರುದ್ಧ ಹೇಳಿಕೆಗೆ ತಡೆ ಆದೇಶ ಪಾಲಿಸಿ: ಹೈಕೋರ್ಟ್
ನೂತನ 33 ಸಚಿವರುಗಳಿಗೆ ಹೊಸ ಇನ್ನೋವಾ ಹೈಕ್ರಾಸ್ – ಹೈಬ್ರಿಡ್ ವಾಹಗಳನ್ನು ಪ್ರತಿ ವಾಹನಕ್ಕೆ ಜಿಎಸ್ಟಿ ಸೇರಿದಂತೆ ಎಕ್ಸ್‌ ಶೋರೂಂ ಬೆಲೆ 30 ಲಕ್ಷ ರು.ನಂತೆ ಒಟ್ಟು 9.90 ಕೋಟಿ ರು. ವೆಚ್ಚದಲ್ಲಿ ಟೊಯೋಟೋ ಕಿರ್ಲೋಸ್ಕರ್ ಮೋಟಾರ್ ಪ್ರೈ.ಲಿ. ಇವರಿಂದ ನೇರವಾಗಿ ಖರೀದಿಸಲು ಆದೇಶಿಸಿದೆ.
