ನವದೆಹಲಿ : ಅನುಮತಿ ಇಲ್ಲದೇ ರಾಯಲ್ ಚಾಲೆಂಜರ್ಸ್ ಜೆರ್ಸಿಯನ್ನು ಜೈಲರ್ ಸಿನಿಮಾದ ದೃಶ್ಯವೊಂದರಲ್ಲಿ ಸುಪಾರಿ ಕಿಲ್ಲರ್ ಪಾತ್ರಧಾರಿ ಬಳಕೆ ಮಾಡಿಕೊಂಡು ಅವಹೇಳನ ಮಾಡಲಾಗಿದೆ ಎನ್ನುವ ಕಾರಣಕ್ಕೆ ದೆಹಲಿ ಕೋರ್ಟ್ ಮೆಟ್ಟಿಲೇರಿದ್ದ ಆರ್ಸಿಬಿ ಜರ್ಸಿಯ ದೃಶ್ಯವನ್ನು ತೆಗೆಯುವಂತೆ ಆರ್ಸಿಬಿ ಮುಖ್ಯಸ್ಥರು ದೆಹಲಿ ಕೋರ್ಟ್ ಮೆಟ್ಟಿಲೇರಿದ್ದರು.
ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸೆಪ್ಟೆಂಬರ್ 1 ರಿಂದ ಎಲ್ಲ ಚಿತ್ರಮಂದಿರಗಳಲ್ಲಿ ಆ ದೃಶ್ಯವನ್ನು ತೆಗೆದು ಪ್ರದರ್ಶನ ಮಾಡದಂತೆ ಜೈಲರ್ ಸಿನಿಮಾ ತಂಡಕ್ಕೆ ದೆಹಲಿ ಹೈಕೋರ್ಟ್ ಇದೀಗ ನಿರ್ದೇಶನ ನೀಡಿದೆ.
ಆರ್ಸಿಬಿ ತಂಡದ ಜೆರ್ಸಿಯನ್ನು ಅವಹೇಳನಕಾರಿಯಾಗಿ ಬಳಸಿದ್ದಕ್ಕಾಗಿ ಚಲನಚಿತ್ರ ನಿರ್ಮಾಪಕರ ವಿರುದ್ಧ ಐಪಿಎಲ್ ತಂಡ, ರಾಯಲ್ ಚಾಲೆಂಜರ್ಸ್ ಸ್ಪೋರ್ಟ್ಸ್ ಪ್ರೈವೇಟ್ ಲಿಮಿಟೆಡ್ ಸಲ್ಲಿಸಿದ ಮೊಕದ್ದಮೆಯ ವಿಚಾರಣೆ ನಡೆಸಿದ ನ್ಯಾಯಮೂರ್ತಿ ಪ್ರತಿಭಾ ಎಂ ಸಿಂಗ್ ಈ ಆದೇಶವನ್ನು ನೀಡಿದ್ದಾರೆ. ಜೈಲರ್ ಸಿನಿಮಾವನ್ನು ಟಿವಿ, ಸ್ಯಾಟಲೈಟ್ ಅಥವಾ ಯಾವುದೇ ಒಟಿಟಿ ವೇದಿಕೆಯಲ್ಲಿ ಬಿಡುಗಡೆ ಮಾಡುವುದಕ್ಕೂ ಮೊದಲು ಚಿತ್ರದ ಬದಲಾದ ಆವೃತ್ತಿಯನ್ನು ಹೊಂದಿರಬೇಕು ಎಂದು ಕೋರ್ಟ್ ಹೇಳಿದೆ.
ಕೋರ್ಟ್ ಸೂಚನೆ ಬಳಿಕ ಜೈಲರ್ ಚಿತ್ರದ ನಿರ್ಮಾಪಕರು ಮತ್ತು IPL ತಂಡವು ವಿವಾದವನ್ನು ಬಗೆಹರಿಸಿಕೊಳ್ಳಲು ಮುಂದಾಗಿದೆ. ಜರ್ಸಿಯನ್ನು ಹೊಂದಿರುವ ದೃಶ್ಯಗಳನ್ನು ತೆಗೆದು ಹಾಕಲು ಜೈಲರ್ ಚಿತ್ರತಂಡ ಒಪ್ಪಿದೆ. ಸೆಪ್ಟೆಂಬರ್ 1ರ ಒಳಗೆ ಚಿತ್ರಮಂದಿರ ಆವೃತ್ತಿಯಲ್ಲಿ ಬದಲಾವಣೆಯನ್ನು ಕೈಗೊಳ್ಳಲಾಗುವುದು ಎಂದು ಸಿನಿಮಾ ತಂಡ ಭರವಸೆ ನೀಡಿದೆ.
