ಬೆಂಗಳೂರು : ಇಂದು ರಾಜಧಾನಿಯಲ್ಲಿ ವರಮಹಾಲಕ್ಷ್ಮಿ ಹಬ್ಬದ ವಾತಾವರಣ ಮನೆ ಮಾಡಿತ್ತು. ಆದರೆ, ಜೆಡಿಎಸ್ ಎಂಎಲ್ಸಿ ಡಾ.ಟಿ.ಎ. ಶರವಣ ಅವರ ಮನೆಯಲ್ಲಿ ಡಬಲ್ ಸಂಭ್ರಮ ಮನೆಮಾಡಿತ್ತು.
ಒಂದು ವರಮಹಾಲಕ್ಷ್ಮೀ ಹಬ್ಬ ಆಚರಣೆ. ಮತ್ತೊಂದು ಶರವಣ ಅವರ ಹುಟ್ಟು ಹಬ್ಬ. ಬಿಬಿಎಂಪಿ ಮಹಿಳಾ ಪೌರಕಾರ್ಮಿಕರಿಗೆ ಬಾಗಿನ ನೀಡಿವ ಮೂಲಕ ಶರವಣ ಅವರು ಅರ್ಥಪೂರ್ಣವಾಗಿ ಹುಟ್ಟುಹಬ್ಬ ಆಚರಣೆ ಮಾಡಿಕೊಂಡಿದ್ದಾರೆ.
ಈ ವೇಳೆ ಪವರ್ ಟಿವಿಯೊಂದಿಗೆ ಮಾತನಾಡಿದ ಡಾ.ಟಿ.ಎ. ಶರವಣ ಅವರು, ಸಮಾಜದಲ್ಲಿ ಎಲ್ಲವನ್ನು ಸ್ವಚ್ಚವಾಗಿ ಇಟ್ಟುಕೊಳ್ಳುವವರು ಪೌರಕಾರ್ಮಿಕರು ನಿಜವಾದ ಮಹಾಲಕ್ಷ್ಮೀ. ಪೌರಕಾರ್ಮಿಕರು, ಮಹಾಲಕ್ಷ್ಮೀಯರನ್ನ ಇಂದು ಮನೆಗೆ ಬರಮಾಡಿಕೊಂಡಿದ್ದೀನಿ. ಇವತ್ತು ಬೆಳಗ್ಗೆ 4 ಗಂಟೆಗೆ ದೇವಿಯ ಪೂಜೆ ನೆರವೇರಿಸಿದ್ದೇವೆ. ಪೌರಕಾರ್ಮಿಕರ ಜೊತೆಯಲ್ಲಿ ವರಮಹಾಲಕ್ಷ್ಮೀ ಹಬ್ಬ ಹಾಗೂ ನನ್ನ ಹುಟ್ಟು ಹಬ್ಬವನ್ನ ಸರಳತೆಯಿಂದ ಆಚರಿಸಿಕೊಂಡಿದ್ದೀನಿ ಎಂದು ಹೇಳಿದರು.
HDD-HDK ಆರೋಗ್ಯಕ್ಕೆ ಪ್ರಾರ್ಥನೆ
ನಮ್ಮ‌ಪಕ್ಷದ ವರಿಷ್ಠರಾದ ಹೆಚ್.ಡಿ. ದೇವೇಗೌಡರರಿಗೆ ದೇವರು ಆರೋಗ್ಯ ಕೊಟ್ಟು, ಇನ್ನು ಹೆಚ್ಚಿನ ರೀತಿಯಲ್ಲಿ ದೇಶ ಹಾಗೂ ರಾಜ್ಯ ಸೇವೆ ಮಾಡಲಿ. ರಾಜ್ಯದ ಜನರ ಸೇವೆ ಮಾಡಲು ಹೆಚ್.ಡಿ ಕುಮಾರಸ್ವಾಮಿ ಅವರಿಗೆ ಆರೋಗ್ಯ ನೀಡಲಿ ಎಂದು ಪ್ರಾರ್ಥನೆ ಮಾಡಿದ್ದೇನೆ ಎಂದು ತಿಳಿಸಿದರು.
ಚಂದ್ರಯಾನ-3 ಯಶಸ್ಸಿಗೆ ಶ್ರಮಿಸಿದ ವಿಜ್ಞಾನಿಗಳಿಗೆ ಅಭಿನಂದನೆಗಳು. ಇವತ್ತು ನಮ್ಮ ಕನ್ನಡ ನಾಡಿನಲ್ಲಿ ಚಂದ್ರಯಾನ-3 ನಡೆದಿರೋದು ವಿಶೇಷ ಎಂದು ಶರವಣ ಹೇಳಿದರು.
ಹುಟ್ಟುಹಬ್ಬ ಮತ್ತು ವರಮಹಾಲಕ್ಷ್ಮಿ ಹಬ್ಬವನ್ನು ಇಂದು ನನ್ನ ಸ್ವಗೃಹದಲ್ಲಿ ಪೌರಕಾರ್ಮಿಕ ಮಹಿಳೆಯರೊಂದಿಗೆ ಬಾಗಿನ ನೀಡಿ ಸರಳವಾಗಿ ಆಚರಿಸಿಕೊಂಡೆ.
ಈ ವೇಳೆ ಲಕ್ಷ್ಮಿ ದೇವಿಗೆ ವಿಶೇಷ ಅಲಂಕಾರವನ್ನು ಮಾಡಿ, ಸಮಸ್ತ ಜನತೆಯ ಸನ್ಮಂಗಳಕ್ಕಾಗಿ ವಿಶೇಷ ಪ್ರಾರ್ಥನೆ ಸಲ್ಲಿಸಿದೆ.#TASharavana #Varamahalakshmipooja #blessed pic.twitter.com/mk9HKswIUN
— Sharavana TA (@SharavanaTa) August 25, 2023
