ಆ.23 ಸಂಜೆ 6.04 : ಚಂದ್ರಯಾನ-3 ಲ್ಯಾಂಡಿಂಗ್ ಟೈಮ್ ಫಿಕ್ಸ್

ಬೆಂಗಳೂರು : ಆಗಸ್ಟ್ 23 ಸಂಜೆ 6.04. ಈ ದಿನಾಂಕ ಹಾಗೂ ಸಮಯವನ್ನು ಎಲ್ಲರೂ ಸೇವ್ ಮಾಡಿ ಇಟ್ಟುಕೊಳ್ಳಬೇಕು. ದೇಶವಲ್ಲದೇ ಇಡೀ ವಿಶ್ವದ ಚಿತ್ತ ಭಾರತದತ್ತ ನೆಟ್ಟಿದೆ.

ವಿಕ್ರಮ್ ಲ್ಯಾಂಡರ್​ ಸಾಫ್ಟ್ ಲ್ಯಾಂಡಿಂಗ್ ಪ್ರಕ್ರಿಯೆಯು ಚಂದ್ರನ ಮೇಲೆ ಆಗಸ್ಟ್ 23ರಂದು ಸಂಜೆ 5.45ಕ್ಕೆ ಕಡಿಮೆ ದೂರದಿಂದ ಅಂದರೆ 25 ಕಿಮೀ ಎತ್ತರದಿಂದ ಪ್ರಾರಂಭವಾಗುವ ನಿರೀಕ್ಷೆಯಿದ್ದು, 6.04ರಂದು ಲ್ಯಾಂಡ್ ಆಗಲಿದೆ ಎಂದು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಇಸ್ರೋ ತಿಳಿಸಿದೆ.

ಚಂದ್ರಯಾನ-3ರ ವಿಕ್ರಮ್ ಲ್ಯಾಂಡರ್ ಮಾಡ್ಯೂಲ್ ಜುಲೈ 14 ರಂದು ಭೂಮಿಯಿಂದ ಹೊರಟ ಭಾರತದ ನಿರ್ಣಾಯಕ ಚಂದ್ರನ ಕಾರ್ಯಾಚರಣೆಯಲ್ಲಿ ಎರಡನೇ ಮತ್ತು ಅಂತಿಮ ಡೀಬೂಸ್ಟಿಂಗ್ ಪ್ರಕ್ರಿಯೆಯನ್ನು ಯಶಸ್ವಿಯಾಗಿ ಕಾರ್ಯಗತಗೊಳಿಸಿದೆ ಎಂದು ಹೇಳಿದೆ.

Chandrayaan-3 Mission:

🇮🇳Chandrayaan-3 is set to land on the moon 🌖on August 23, 2023, around 18:04 Hrs. IST.

Thanks for the wishes and positivity!

Let’s continue experiencing the journey together
as the action unfolds LIVE at:
ISRO Website https://t.co/osrHMk7MZL
YouTube… pic.twitter.com/zyu1sdVpoE

— ISRO (@isro) August 20, 2023

ಮುಂದಿನ ಹಂತದಲ್ಲಿ, ಲ್ಯಾಂಡರ್ ಮಾಡ್ಯೂಲ್ ಆಂತರಿಕ ತಪಾಸಣೆಗೆ ಒಳಗಾಗುತ್ತದೆ. ಚಂದ್ರಯಾನ-3 ಚಂದ್ರನ ದಕ್ಷಿಣ ಧ್ರುವದಲ್ಲಿ ಸುರಕ್ಷಿತವಾಗಿ ಇಳಿಯುವ ಗುರಿಯನ್ನು ಹೊಂದಿದ್ದ ಚಂದ್ರಯಾನ-2ರ ಅನುಸರಣಾ ಕಾರ್ಯಾಚರಣೆಯಾಗಿದೆ ಎಂದು ತಿಳಿಸಿದೆ.

ಪ್ರಧಾನಿ ಮೋದಿ ಪ್ರಾರ್ಥನೆ

ಚಂದ್ರನತ್ತ ಇಳಿಯಲು ಭಾರತದ ನೌಕೆ ಯಶಸ್ವಿಯತ್ತ ಸಾಗಿದೆ. ಈ ಕುರಿತು ಪ್ರತಿಕ್ರಿಯಿಸಿರುವ ಪ್ರಧಾನಿ ನರೇಂದ್ರ ಮೋದಿ ಅವರು, ‘ಚಂದ್ರಯಾನ-3 ನೌಕೆಯು ಚಂದ್ರನ ಮೇಲೆ ಸುರಕ್ಷಿತ ಇಳಿಯುವಿಕೆಗಾಗಿ ಪ್ರಾರ್ಥಿಸುತ್ತಿದ್ದೇನೆ’ ಎಂದಿದ್ದಾರೆ. ಬಾಹ್ಯಾಕಾಶ ನೌಕೆಗೆ ಶ್ರಮಿಸುತ್ತಿರುವ ಎಲ್ಲರಿಗೂ ಅಭಿನಂದನೆಗಳು. ಚಂದ್ರನತ್ತ ಕಾಲಿಡುತ್ತಿರುವ ನಮ್ಮ ನೌಕೆಯ ಬಗ್ಗೆ ನಾನು ಉತ್ಸುಕನಾಗಿದ್ದೇನೆ ಎಂದು ಇಸ್ರೋ ಸಾಧನೆ ಬಗ್ಗೆ ಶುಭ ಕೋರಿದ್ದಾರೆ.