ಉಡುಪಿ : ವೀಕೆಂಡ್ ಮಸ್ತಿಯಲ್ಲಿದ್ದವರಿಗೆ ಉಡುಪಿ ಪೊಲೀಸರು ಬಿಸಿ ಮುಟ್ಟಿಸಿದ್ದಾರೆ. ಉಡುಪಿಯ ಮಣಿಪಾಲದಲ್ಲಿ ನೂರಕ್ಕು ಹೆಚ್ಚು ಪೊಲೀಸರು ಬೀದಿಗಿಳಿದು ತಪಾಸಣೆ ನಡೆಸಿ ನಶೆಯ ಮಸ್ತಿಯಲ್ಲಿದ್ದವರ ನಶೆ ಇಳಿಸಿದ್ದಾರೆ.
ಕಳೆದ ಕೆಲವು ದಿನಗಳಿಂದ ಮಣಿಪಾಲದಲ್ಲಿ ಯುವಕ-ಯುವತಿಯರಿಗೆ ನಶೆಯೇರಿಸುವ ವಸ್ತುಗಳನ್ನು ನೀಡಿ ಸಂಸ್ಕೃತಿ ಹಾಳು ಮಾಡುತ್ತಿರುವ ಪಬ್ಗಳ ವಿರುದ್ದ ಸಾಮಾಜಿಕ ಜಾಲತಾಣಗಳಲ್ಲಿ ಅಭಿಯಾನ ಅರಂಭವಾಗಿತ್ತು. ಇದಕ್ಕೆ ಪೂರಕವೆಂಬಂತೆ ಉಡುಪಿ ಕಾಂಗ್ರೆಸ್ ಪಕ್ಷದ ನಿಯೋಗವೊಂದು ಪಬ್ಗಳ ವಿರುದ್ದ ಸಮರ ಸಾರಿತ್ತು.
ಇದರ ಪರಿಣಾಮ ಉಡುಪಿ ಎಸ್ಪಿ ಅಕ್ಷಯ್ ಮಚ್ಚಿಂದ್ರ, ಮುಂದೆ ಯಾವುದೇ ಅಹಿತಕರ ಘಟನೆಗಳು ನಡೆಯದಂತೆ ಮುಂಜಾಗ್ರತೆ ಕ್ರಮವಾಗಿ ಮಣಿಪಾಲದಲ್ಲಿ ಒಂದು ಸಶಸ್ತ್ರ ಪಡೆಯನ್ನು ಇಳಿಸುವುದರ ಜೊತೆಗೆ, ನೂರಕ್ಕೂ ಹೆಚ್ಚು ಪೊಲೀಸ್ ಪಡೆಯನ್ನ ಮಣಿಪಾಲದಲ್ಲಿ ನಿಯೋಜಿಸಿದ್ದಾರೆ. ಸ್ಥಳದಲ್ಲಿ ಪೂರ್ತಿ ಬಂದೂಬಸ್ತ್ ಮಾಡಿದರು.
