ಬೆಂಗಳೂರು: ನಟ ವಿಜಯ್ ರಾಘವೇಂದ್ರರನ್ನು ಸುಧೀರ್ಘವಾಗಿ ಅಪ್ಪಿಕೊಂಡ ನಟ ಯಶ್ ಸಾಂತ್ವನ ಹೇಳಿ ಧೈರ್ಯ ಹೇಳಿದರು.
ಇದನ್ನೂ ಓದಿ: ನಾಳೆ ಜೈಲರ್ ಸಿನಿಮಾ ಬಿಡುಗಡೆ: ಉದ್ಯೋಗಿಗಳಿಗೆ ರಜೆ ಜೊತೆಗೆ ಫ್ರೀ ಟಿಕೆಟ್ ನೀಡಿದ ಕಂಪೆನಿ!
ವಿಜಯ್ ರಾಘವೇಂದ್ರ ಪತ್ನಿ ಸ್ಪಂದನಾ ಪಾರ್ಥೀವ ಶರೀರದ ಅಂತಿಮ ದರ್ಶನವನ್ನು ಬಿ.ಕೆ ಶಿವರಾಮ್ ನಿವಾಸದ ಬಳಿ ವ್ಯವಸ್ಥೆ ಕಲ್ಪಿಸಿದ್ದು ಚಿತ್ರಂಗದ ಹಲವು ಗಣ್ಯರು ಸೇರಿದಂತೆ ಸಂಬಂಧಿಕರು ಆಗಮಿಸಿ ಅಂತಿಮ ನಮನ ಸಲ್ಲಿಸುತ್ತಿದ್ದಾರೆ.
ಈ ವೇಳೆ ಸ್ಪಂದನಾ ಅಂತಿಮ ದರ್ಶನಕ್ಕೆ ಬಂದ ನಟ ಯಶ್, ಬಾವುಕರಾಗಿದ್ದ ವಿಜಯ್ ರಾಘವೇಂದ್ರರನ್ನು ಸುಧೀರ್ಘವಾಗಿ ಅಪ್ಪಿಕೊಂಡ ಸಾಂತ್ವನ ಹೇಳಿ ಧೈರ್ಯ ತುಂಬಿದರು. ಇದೇ ವೇಳೆ ನಟಿ ರಕ್ಷಿತಾ, ಅನುಪ್ರಭಾಕರ್ ಕೂಡ ಸಾಂತ್ವನ ಹೇಳಿದರು.
ಸ್ಯಾಂಡಲ್ವುಡ್ನ ಅನಿರುದ್ದ್, ನಟಿ ರಕ್ಷಿತ, ಪ್ರಿಯಾಂಕ ಉಪೆಂದ್ರ, ನಿರ್ದೇಶಕ, ಪ್ರೇಮ್, ಕಿರುತೆರೆ ನಟ ನಟಿಯರು ಸೇರಿದಂತೆ ಹಲವರು ಬಿ.ಕೆ ಹರಿಪ್ರಸಾದ್ ನಿವಾಸಕ್ಕೆ ಭೇಟಿ ನೀಡಿ ಸ್ಪಂದನಾ ಪಾರ್ಥೀವ ಶರೀರ ದರ್ಶನ ಮಾಡಿ ಅಂತಿಮ ನಮನ ಸಲ್ಲಿಸಿದರು.
ಕಳೆದ ಎರಡು ದಿನಗಳ ಹಿಂದೆ ಬ್ಯಾಂಕಾಕ್ನಲ್ಲಿ ಹೃದಯಾಘಾತದಿಂದ ಮಲಗಿದ್ದಲ್ಲೆ ಕೊನೆಯುಸಿರೆಳಿದ್ದರು, ಸ್ಪಂದನಾರ ಮೃತ ದೇಹ ಮರಣೋತ್ತರ ಪರೀಕ್ಷೆ ಮತ್ತು ಕಸ್ಟಮ್ಸ್ ಪ್ರಕ್ರಿಯೆ ಮುಗಿಸಿ ಮಂಗಳವಾರ ರಾತ್ರಿ ಪಾರ್ಥೀವ ಶರೀರವನ್ನು ಬೆಂಗಳೂರಿಗೆ ಕರೆತರಲಾಯಿತು.
ಇಂದು ಅಂತಿಮ ದರ್ಶನಕ್ಕೆ ಇಡಲಾಗಿದ್ದು ಸಂಜೆ ವೇಳೆಗೆ ಈಡಿಗ ಸಂಪ್ರದಾಯದಂತೆ ಅಂತಿಮ ವಿಧಿ ವಿಧಾನಗಳನ್ನು ಪೂರೈಸಲು ಕುಟುಂಬ ಸದಸ್ಯರು ಸಿದ್ದತೆ ಮಾಡಿಕೊಂಡಿದ್ದಾರೆ.
