ಬೆಂಗಳೂರು : ಸೆರೆಬ್ರೆಲ್ ಪಾಲ್ಸಿ ಎಂಬ ಖಾಯಿಲೆಯಿಂದ ತೀವ್ರ ಬಳಲುತ್ತಿದ್ದ ತಮ್ಮ ಪುಟ್ಟ ಅಭಿಮಾನಿ ಪಾಲಿಗೆ ನಟ ಸಲ್ಮಾನ್ ಖಾನ್ ಬೆಳಕಾಗಿದ್ದಾರೆ.
ಅಮೀನಾ ಎಂಬ ಪುಟ್ಟ ಹುಡುಗಿ ಬಾಲಿವುಡ್ ನಟ ಸಲ್ಮಾನ್ ಖಾನ್ ಅವರ ಅಪ್ಪಟ ಅಭಿಮಾನಿ. ಈಕೆಯು, ಸೆರೆಬ್ರೆಲ್ ಪಾಲ್ಸಿ ಎಂಬ ಖಾಯಿಲೆಯಿಂದ ಬಳಲುತ್ತಿದ್ದಳು. ವೈದ್ಯರಿಂದ ಬಾಲಕಿಯನ್ನು ಗುಣಪಡಿಸಲು ಅಸಾಧ್ಯ ಎಂದು ಈ ಹಿಂದೆ ಹೇಳಲಾಗಿತ್ತು. ಆದ್ರೆ, ತನ್ನ ನೆಚ್ಚಿನ ನಟನನ್ನು ನೋಡಿದ ಬಳಿಕ ಅಮೀನಾ ಆರೋಗ್ಯದಲ್ಲಿ ಇದೀಗ ಚೇತರಿಕೆ ಕಂಡುಬಂದಿರುವುದು ವೈದ್ಯಲೋಕಕ್ಕೆ ಅಚ್ಚರಿ ಮೂಡಿಸಿದೆ.
ಅಮೀನಾ ಎಂಬ ಬಾಲಕಿ ನಟ ಸಲ್ಮಾನ್ ಖಾನ್ ಅವರ ದೊಡ್ಡ ಅಭಿಮಾನಿಯಾಗಿದ್ದು, ಸೆರೆಬ್ರೆಲ್ ಪಾಲ್ಸಿ ಎಂಬ ಖಾಯಿಲೆಗೆ ತುತ್ತಾಗಿದ್ದರು. ಕುಟುಂಬದವರು ಅಮೀನಾಳನ್ನು ಗುಣಪಡಿಸಲು ಹೆಚ್ಚಿನ ಚಿಕಿತ್ಸೆಗೆ ದೆಹಲಿ, ಮುಂಬೈನ ಹೆಸರಾಂತ ಆಸ್ಪತ್ರೆಗಳಿಗೆ ಭೇಟಿ ನೀಡಿದ್ದಾರೆ. ಆದ್ರೆ, ಎಲ್ಲಿಯೂ ಕೂಡ ಅಮೀನಾ ಖಾಯಿಲೆ ಗುಣವಾಗಿರಲಿಲ್ಲ.
ಸಲ್ಲು ಹುಟ್ಟುಹಬ್ಬ ಆಚರಣೆ
ಸಲ್ಮಾನ್ ಖಾನ್ ಅವರ ಸ್ಟೈಲ್, ಉಡುಗೆ-ತೊಡುಗೆಯನ್ನು ಅನುಸರಿಸುವ ಅಮೀನಾ, ಪ್ರತಿವರ್ಷ ತನ್ನ ನೆಚ್ಚಿನ ನಟನ ಜನ್ಮದಿನವನ್ನು ವಿಶೇಷವಾಗಿ ಆಚರಿಸುತ್ತಾರೆ. ಇನ್ಸ್ಟಾಗ್ರಾಮ್ನಲ್ಲಿ BEING HUMAN ಸಂಸ್ಥೆಯ ಮೂಲಕ ನಟ ಸಲ್ಮಾನ್ ಖಾನ್ ಅವರನ್ನು ಭೇಟಿ ಮಾಡಲು ಅವಕಾಶ ಕಲ್ಪಿಸಿಕೊಡಲಾಗಿತ್ತು. ಖುದ್ದಾಗಿ ಅಮೀನಾಳನ್ನು ತಮ್ಮ ನಿವಾಸದಲ್ಲಿ ಭೇಟಿ ಮಾಡಿದ ಸಲ್ಮಾನ್ ಖಾನ್, ಕೆಲ ಸಮಯ ಬಾಲಕಿಯೊಂದಿಗೆ ಮಾತನಾಡಿ, ಅವರ ಮುಂದಿನ ಖರ್ಚು-ವೆಚ್ಚವನ್ನು ಭರಿಸುವುದಾಗಿ ಧೈರ್ಯ ಹೇಳಿದ್ದಾರೆ.
