ಬಾಗಲಕೋಟೆ : ಮಾಜಿ ಮುಖ್ಯಮಂತ್ರಿ ಹೆಚ್.ಡಿ. ಕುಮಾರಸ್ವಾಮಿ ಪೆನ್ ಡ್ರೈವ್ ಹೇಳಿಕೆ ವಿಚಾರಕ್ಕೆ ಅಬಕಾರಿ ಸಚಿವ ಆರ್.ಬಿ. ತಿಮ್ಮಾಪೂರ ಪ್ರತಿಕ್ರಿಯಿಸಿದ್ದಾರೆ.
ಬಾಗಲಕೋಟೆಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಹೆಚ್.ಡಿ ಕುಮಾರಸ್ವಾಮಿ ಅಧಿಕಾರ ಕಳೆದುಕೊಂಡಾಗ, ಕಡಿಮೆ ಸೀಟು ಬಂದಾಗ ಹೀಗೆ ಹೇಳ್ತಾರೆ. ಅವರು ಇನ್ನು ಸುಧಾರಿಸಿಕೊಂಡಿಲ್ಲ ಸುಧಾರಿಸಿಕೊಳ್ಳಬೇಕು ಎಂದು ಚಾಟಿ ಬೀಸಿದ್ದಾರೆ.
ವೈಎಸ್ಟಿ (YST) ರೂಪದಲ್ಲಿ ವಸೂಲಿ ದಂಧೆ ಎಂಬ ಕುಮಾರಸ್ವಾಮಿ ಆರೋಪ ವಿಚಾರಕ್ಕೆ ಪ್ರತಿಕ್ರಿಯಿಸಿದ ಅವರು, ಕುಮಾರಸ್ವಾಮಿಗೆ ಯಾವ ಮೂಲದಿಂದ ಮಾಹಿತಿ ಸಿಕ್ಕಿದಿಯೋ ಗೊತ್ತಿಲ್ಲ. ನಮ್ಮಲ್ಲಿ ಆ ರೀತಿ ಏನು ಇಲ್ಲ, ಅವರಿಗೆ ಯಾರ ಹೇಳಿದ್ದಾರೆ ಹೇಳಲಿ ನೋಡೋಣ ಎಂದು ಹೇಳಿದ್ದಾರೆ.
ಹಿಟ್ ಆ್ಯಂಡ್ ರನ್ ಮಾಡ್ತಾರೆ
ಅಧಿಕಾರ ಕಳೆದುಕೊಂಡಾಗ ಇಂತಹ ಊಹಾಪೋಹಗಳನ್ನು, ಕಡಿಮೆ ಶಾಸಕರು ಗೆದ್ದಾಗ ಈ ರೀತಿ ಆರೋಪಿಸ್ತಾರೆ. ಹೆಚ್. ಡಿ. ಕುಮಾರಸ್ವಾಮಿ ಹಿಟ್ ಆ್ಯಂಡ್ ರನ್ ಮಾಡ್ತಾರೆ ಅಂತ ಎಲ್ಲರೂ ಹೇಳ್ತಾರೆ. ಪೆನ್ಡ್ರೈವ್ ತೋರಿಸಿದ್ರು. ಅದು ಯಾವಾಗ ಹೊರಗೆ ಬರುತ್ತೆ ಎಂದು ನಾವು ಕಾಯ್ತಿದ್ದೇವೆ ಎಂದು ತಿಳಿಸಿದ್ದಾರೆ.
