ಹಾಡುಹಗಲೇ ಯುವಕನ ಮೇಲೆ ಪುಡಿರೌಡಿಗಳಿಂದ ಅಟ್ಯಾಕ್!​

ಮಂಡ್ಯ : ತಮ್ಮ ಹವಾ ಸೃಷ್ಟಿಸಿಕೊಳ್ಳಲು ಹಾಡು ಹಗಲಲ್ಲೇ ರಸ್ತೆಯಲ್ಲಿ ನಿಂತಿದ್ದ ಯುವಕನ ಮೇಲೆ ಲಾಂಗ್​ನಿಂದ ಹಲ್ಲೆ ಮಾಡಿದ ಘಟನೆ, ಮಂಡ್ಯದ ಹೊಳಲು ಗ್ರಾಮದಲ್ಲಿ ನಡೆದಿದೆ.

ಶಾರಂತ್ (27) ಪುಡಿ ರೌಡಿಗಳಿಂದ ಏಟು ತಿಂದ ಯುವಕ. ಗ್ರಾಮದ ಮಾದ ಅಲಿಯಾಸ್ ಮಾದಪ್ಪ ಆ್ಯಂಡ್​ ಗ್ಯಾಂಗ್​ನಿಂದ ಕೃತ್ಯ ಎಸಗಲಾಗಿದೆ ಎಂದು ಆರೋಪ ಕೇಳಿ ಬಂದಿದೆ. ಈ ಹಿನ್ನೆಲೆ ಮಾದಪ್ಪ, ಚಿಂಟು, ತರುಣ್, ಸುಶಾಂತ್, ಚಂದನ್ ಆರೋಪಿಗಳ ಮೇಲೆ ಬಲೆ ಬೀಸಿರುವ ಪೋಲಿಸರು.

ಇದನ್ನುಓದಿ : ಹಿಂದೂ ಯುವತಿಯರ ಕುರಿತು ಪೋಸ್ಟ್ ಮಾಡಿದ ವಿದ್ಯಾರ್ಥಿ

ಬೈಕ್​ನಲ್ಲಿ ಬಂದ ಐವರಿಂದ ಹಲ್ಲೆ ನಡೆದಿದ್ದು, ಬರ್ತಡೇ ಹಿನ್ನೆಲೆ ಸ್ನೇಹಿತರೊಂದಿಗೆ ಕೇಕ್ ಕಟ್ ಮಾಡಿ ಹುಟ್ಟೂರಿಗೆ ಬರುತ್ತಿದ್ದ ಶಾರಂತ್. ಗ್ರಾಮದ ಸರ್ಕಲ್ ಒಂದರಲ್ಲಿ ಸ್ನೇಹಿತರ ಜೊತೆ ಮಾತನಾಡುತ್ತ ನಿಂತಿದ್ದ, ಈ ವೇಳೆ ಎರಡು ಬೈಕ್​ನಲ್ಲಿ ಬಂದ ಐವರು ಶಾರಂತ್ ಜೊತೆ ಕ್ಯಾತೆ ತೆಗೆದಿದ್ದಾರೆ. ಏಕಾಏಕಿ ಶಾರಂತ್ ಮೇಲೆ ಮಾದ ಆ್ಯಂಡ್ ಗ್ಯಾಂಗ್ ಡ್ರ್ಯಾಗನ್ ಮತ್ತು ಲಾಂಗ್​ನಿಂದ ಹಲ್ಲೆ ಮಾಡಿದ್ದಾರೆ. ಲಾಂಗ್ ಬೀಸಿದ್ದರಿಂದ ಯುವಕನ ಕಣ್ಣೀನ ಉಬ್ಬು, ಬಾಯಿಗೆ ಗಂಭೀರ ಗಾಯವಾಗಿದ್ದು, ಅದೃಷ್ಟವಶಾತ್ ಪ್ರಾಣಪಾಯದಿಂದ ಪಾರಾದ ಶಾರಂತ್.

ಗಾಯಾಳು ಶಾರಂತ್​ಗೆ 16 ಸ್ಟಿಚ್ ಹಾಕಿರುವ ಮಂಡ್ಯದ ಮಿಮ್ಸ್ ವೈದ್ಯರು. ಅಷ್ಟೇ ಅಲ್ಲ ಈ ಹಿಂದೆ ಮಾದಪ್ಪನಿಗೆ ಬಾಸ್ ಎನ್ನುವಂತೆ ಮಾದನ ಸ್ನೇಹಿತರು ಅವಾಜ್ ಹಾಕಿದ್ದು, ಈ ವೇಳೆ ಅವನ್ ಯಾವನ್ನೋ ಬಾಸ್ ಎಂದು ಟಾಂಗ್ ಕೊಟ್ಟಿದ್ದ ಶಾರಂತ್. ಅಂದು ಗಲಾಟೆ ನಡೆದು ತಣ್ಣಗಾಗಿತ್ತು. ಅದೇ ದ್ವೇಷ ಇಟ್ಟುಕೊಂಡು ಶಾರಂತ್ ಬರ್ತ್​ಡೇ ದಿನವೇ ಅಟ್ಯಾಕ್ ಮಾಡಿದ ಮಾದಪ್ಪ ಆ್ಯಂಡ್ ಟೀಂ‌. ಹಲ್ಲೇ ನೆಡೆಸಿ ಎಸ್ಕೇಪ್ ಆಗಿರುವ ಕಿರಾತಕರ ಬಂಧನಕ್ಕೆ ಬಲೆಬೀಸಿದ ಮಂಡ್ಯ ಗ್ರಾಮಾಂತರ ಪೋಲಿಸರು.