ಬೆಂಗಳೂರು: ಪರಪ್ಪನ ಅಗ್ರಹಾರದ ಬಳಿ ಎಟಿಎಂ ದರೋಡೆ ನಡೆಸಿದ್ದ ಖತರ್ನಾಕ್ ತಂಡವನ್ನು ಬಂಧಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ.
ಇದನ್ನೂ ಓದಿ: ರಾತ್ರೋ ರಾತ್ರಿ ಗೇಟ್ ಹಾರುತ್ತಿರುವ ಹಾಸ್ಟೆಲ್ ವಿದ್ಯಾರ್ಥಿನಿಯರು ! ಗೃಹಸಚಿವರ ಕ್ಷೇತ್ರದಲ್ಲಿ ಕರ್ಮಕಾಂಡ
ಮಹೇಶ್, ಅರುಳ್ ಕುಮಾರ್, ನದೀಂ, ಶ್ರೀರಾಮ್ ಬಂಧಿತ ಆರೋಪಿಗಳು, ಎಟಿಎಂಗೆ ಹಣ ತುಂಬಿದ ಸದಸ್ಯರಲ್ಲಿ ಒಬ್ಬರಾದ ಅರುಳ್ ಕುಮಾರ್ ಮತ್ತೋರ್ವ ಸಿಬ್ಬಂದಿಯಿಂದ ದರೋಡೆ ನಡೆದಿದೆ ಎನ್ನಲಾಗಿದೆ.
ಜುಲೈ 5 ರಂದು ಪರಪ್ಪನ ಅಗ್ರಹಾರದ ಬಳಿ ಇರುವ ಎಟಿಎಂ ಗೆ ಹಣ ತುಂಬಲು ಬಂದಿದ್ದ ತಂಡದಲ್ಲಿ ಅರುಳ್ ಕುಮಾರ್ ಕೂಡ ಇದ್ದ, ಯಂತ್ರಕ್ಕೆ ಹಣ ತುಂಬಿದ ಬಳಿಕ ಎಟಿಎಂ ಸೆಕ್ಯೂರಿಟಿ ಸೇಫ್ಟಿ ಡೋರ್ ಸರಿಯಾಗಿ ಮುಚ್ಚದೇ ಹಾಗೆ ಬಿಟ್ಟು ಕಳ್ಳರ ಗುಂಪಿಗೆ ಮಾಹಿತಿ ನೀಡಿದ್ದಾನೆ.
ಎಟಿಎಂ ಯಂತ್ರಕ್ಕೆ ಹಣ ತುಂಬಿದ ಕೆಲವೇ ನಿಮಿಷಗಳಲ್ಲಿ ಹೆಲ್ಮೆಟ್ ಧರಿಸಿ ಬಂದ ಕಳ್ಳರು ಸೇಫ್ಟಿ ಡೋರ್ ತೆಗೆದು ಕರೆನ್ಸಿ ಬಾಕ್ಸ್ ಸಮೇತ 24 ಲಕ್ಷ ದೋಚಿ ಪರಾರಿಯಾಗಿದ್ದರು. ಹಣ ದೋಚಿದ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿತ್ತು.
