ಬೆಂಗಳೂರು : ಭಾರತದ ಭಾಹ್ಯಾಕಾಶ ಸಂಸ್ಥೆ ಇಸ್ರೋದ ಮಹತ್ವಾಕಾಂಕ್ಷಿ ಯೋಜನೆ ಚಂದ್ರಯಾನ-3 ಕ್ಕೆ ಕ್ಷಣಗಣನೆ ಶುರುವಾಗಿದ್ದು ಇಂದು ಮಧ್ಯಾಹ್ನ 2.35 ಕ್ಕೆ ಶ್ರೀಹರಿಕೋಟಾದ ಸತೀಶ್ ಧವನ್ ಉಡ್ಡಯನ ಕೇಂದ್ರದಿಂದ ಉಡಾವಣೆಯಾಗಲಿದೆ.
ಇದನ್ನೂ ಓದಿ: ಹಾಲಿನ ದರ ಏರಿಕೆ: ಇಂದಿನ ಸಿಎಂ ಸಭೆಯಲ್ಲಿ ನಿರ್ಧಾರ!
ಇಂದು ಜು.14ರ ಮಧ್ಯಾಹ್ನ 2.30ರಿಂದ 3.30ರ ನಡುವೆ ಎಲ್‌ವಿಎಂ 3 ರಾಕೆಟ್ ಉಡಾವಣೆಯಾಗಲಿದೆ. ‘ಚಂದ್ರಯಾನ-3’ ರ ನೌಕೆಯ ಉಡಾವಣೆಯ ಮೂಲಕ ಇಸ್ರೋ ಹೊಸ ಮೈಲಿಗಲ್ಲು ಬರೆಯಲು ಸಜ್ಜಾಗಿದೆ, ಈ ಚಂದ್ರಯಾನ ನೌಕೆ ಆಗಸ್ಟ್‌ನಲ್ಲಿ ಚಂದ್ರನ ಮೇಲೆ ಇಳಿಯಲಿದೆ.
ಇದಕ್ಕೂ ಮುನ್ನ 2008ರಲ್ಲೇ ಚಂದ್ರನ ಮೇಲೆ ಇಸ್ರೋ ನೌಕೆ ಇಳಿಸಲಾಗಿತ್ತು, ಈ ಮೊದಲು ಅಮೆರಿಕ, ಚೀನಾ, ರಷ್ಯಾದಿಂದ ಈ ಮಹತ್ವದ ಸಾಧನೆಯಾಗಿತ್ತು ಇದೀಗ ಚಂದ್ರನ ಮೇಲೆ ಕಾಲಿಟ್ಟ 4ನೇ ದೇಶವೆಂಬ ಹೆಗ್ಗಳಿಕೆ ಭಾರತದ ಪಾಲಾಗಲಿದೆ.
ಚಂದ್ರಯಾನ-3ರ ವಿಶೇಷತೆಗಳೇನು ?
ಶ್ರೀಹರಿಕೋಟಾದಿಂದ ಚಂದ್ರನ ಕಕ್ಷೆಗೆ ಇರುವ ದೂರ ಒಟ್ಟು 3,84,400 ಕಿ.ಮೀ ಗಳಾಗಿದೆ, ಚಂದ್ರಯಾನ ಯಾತ್ರೆಯ ರಾಕೆಟ್ 42 ದಿನಗಳ ಕಾಲ ಕ್ರಮಿಕ್ರಮಿಸಲಿದೆ, ಆಗಸ್ಟ್‌ 23ರಂದು ಚಂದ್ರನ ಕಕ್ಷೆಗೆ ಮೇಲೆ ರೋವರ್ ಇಳಿಯಲಿದೆ, ಚಂದ್ರನ ಮೇಲೆಳಿಯುವ ಸ್ಪೇಸ್ ಕ್ರಾಫ್ಟ್ ಯಂತ್ರದ ಒಟ್ಟಾರೆ ಭಾರ 2,148 ಕೆಜಿ, ಲ್ಯಾಂಡರ್ ಮಾಡ್ಯೂಲ್ ವಿಕ್ರಮ್ ಯಂತ್ರದ ಒಟ್ಟು ಭಾರ-1,752 ಕೆಜಿ, ಚಂದ್ರನ ಮೇಲ್ಮೈ ಮೇಲೆ ಚಲಿಸುವ ರೋವರ್ ಯಂತ್ರದ ಭಾರ 26 ಕೆಜಿಗಳು ಎನ್ನಲಾಗಿದೆ.
