ಬೆಂಗಳೂರು : ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಹಾಗೂ ರಾಯಲ್ ಚಾಲೆಂಚರ್ಸ್ ಬೆಂಗಳೂರು ನಡುವಿನ ಪಂದ್ಯದಲ್ಲಿ ಸಿಕ್ಸರ್ಗಳ ಸುರಿಮಳೆ ಹರಿದಿದ್ದು, ಚೆನ್ನೈ ತಂಡ ಬೃಹತ್ ಮೊತ್ತ ದಾಖಲಿಸಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಚೆನ್ನೈ ತಂಡ 6 ವಿಕೆಟ್ ಗಳ ನಷ್ಟಕ್ಕೆ 226 ರನ್ ಗಳಿಸಿತು. ಚೆನ್ನೈ ಪರ ಕಾನ್ವೆ 83(45), ರಹಾನೆ 37(20) ಹಾಗೂ ಶಿವಂ ದುಬೆ 52(27) ಅಬ್ಬರದ ಬ್ಯಾಟಿಂಗ್ ಪ್ರದರ್ಶಿಸಿದರು. ಬಳಿಕ ರಾಯುಡು 14(6), ಅಲಿ 18(8), ಜಡೇಜಾ 10(8) ರನ್ ಗಳಿಸಿದರು.
Paw-sed to set the ball rolling!#RCBvCSK #WhistlePodu #Yellove 🦁💛 pic.twitter.com/apSHurUmku
— Chennai Super Kings (@ChennaiIPL) April 17, 2023
ಇದನ್ನೂ ಓದಿ : RCB ಅಭಿಮಾನಿಗಳೇ ಎಚ್ಚರ : ನಿಮ್ಮ ಬಳಿ ಇರುವ ಟಿಕೆಟ್ ಅಸಲಿಯೋ? ನಕಲಿಯೋ? ಪರಿಶೀಲಿಸಿ
ಆರ್ಸಿಬಿ ತಂಡದ ಪರ ಹರ್ಷಲ್ ಪಟೇಲ್, ಹಸರಂಗ, ಸಿರಾಜ್, ವಿಜಯಕುಮಾರ್ ವೈಶಾಕ್ ಹಾಗೂ ಪಾರ್ನೆಲ್ ತಲಾ ಒಂದೊಂದು ವಿಕೆಟ್ ಪಡೆದರು.
ಶಿವಂ ದುಬೆ ದರ್ಬಾರ್
ಚೆನ್ನೈ ಸ್ಫೋಟಕ ಬ್ಯಾಟರ್ ಶಿವಂ ದುಬೆ ಚಿನ್ನಸ್ವಾಮಿಯಲ್ಲಿ ಭರ್ಜರಿ ಸಿಕ್ಸರ್ ಬಾರಿಸಿದ್ದಾರೆ. 5 ಸಿಕ್ಸರ್ ಹಾಗೂ 2 ಬೌಂಡರಿ ಸಿಡಿಸಿ ಆರ್ಸಿಬಿ ಬೌಲರ್ಗಳನ್ನು ಚೆಂಡಾಡಿದರು. ಇದಲ್ಲದೆ, ಹರ್ಷಲ್ ಪಟೇಲ್ ಎಸೆತವನ್ನು ಬೃಹತ್ ಸಿಕ್ಸರ್ಗೆ ಅಟ್ಟಿದ್ದಾರೆ. ಇದು 111 ಮೀಟರ್ ಎಂಬುದು ವಿಶೇಷ. ಇದಕ್ಕೂ ಮುನ್ನ ದುಬೆ ಮ್ಯಾಕ್ಸ್ ವೆಲ್ ಎಸೆತವನ್ನು ಸಿಕ್ಸರ್ ಬಾರಿಸಿ 101 ಮೀಟರ್ ದೂರ ಅಟ್ಟಿದ್ದರು.
