ಬೆಂಗಳೂರು : ಲಂಚ ಪಡೆಯೋಕೆ ಯಾವ ಜಾಗವಾದ್ರೆ ಏನು? ಎಂಜಲು ಕಾಸಿಗೆ ಕೈ ಚಾಚಲು 4 ಗೋಡೆಯ ಕೋಣೆಯೇ ಬೇಕೇ? ನೋ, ಪಬ್ಲಿಕ್ ನಲ್ಲಿ ಹಾಡಹಗಲೇ ಲಂಚ ಕಬಳಿಸಬಹುದು ಎಎನ್ನುವುದಕ್ಕೆ ಈ ಶಾಸಕರೇ ಪ್ರತ್ಯಕ್ಷ ಸಾಕ್ಷಿ.
ಹೌದು, ಮಂಡ್ಯ ಜಿಲ್ಲೆ ಮಳವಳ್ಳಿ ವಿಧಾನಸಭಾ ಕ್ಷೇತ್ರದ ಜೆಡಿಎಸ್ ಶಾಸಕ ಕೆ.ಅನ್ನದಾನಿ ಪವರ್ ಟಿವಿ ಮೆಗಾ ಬೇಟೆಯಲ್ಲಿ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದ 22ನೇ ಭ್ರಷ್ಟ ಶಾಸಕ.
ಅನ್ನದಾನಿ ಎಂದು ಹೆಸರಿಟ್ಟುಕೊಂಡಿರುವ ಈ ಆಸಾಮಿ ಪಬ್ಲಿಕ್ ನಲ್ಲೇ ಲಂಚಕ್ಕೆ ಮಂಚ ಏರಿದ್ದಾರೆ. ಪವರ್ ಮೆಗಾ ಬೇಟೆಯಲ್ಲಿ ನಮ್ಮ ತಂಡದ ಜೊತೆ ಭರ್ಜರಿ ಡೀಲ್ ಮಾತುಕತೆ ನಡೆಸಿದ್ದಾರೆ ಮಳವಳ್ಳಿ ಜೆಡಿಎಸ್ ಶಾಸಕ ಕೆ.ಅನ್ನದಾನಿ.
ಬೆಂಗಳೂರಿನಲ್ಲಿಯೇ ಡೀಲ್ ಮಾತುಕತೆ ನಡೆಸಲು ಮುಂದಾ ಮಳವಳ್ಳಿ ಶಾಸಕ, ಓಎಫ್ಸಿ ಕೇಬಲ್ ಅಳವಡಿಕೆ ಸಂಬಂಧ ಕಿಲೋಮೀಟರ್ಗೆ ತಲಾ 2 ಲಕ್ಷ ರೂಪಾಯಿ ಡಿಮ್ಯಾಂಡ್ ಮಾಡಿದ್ದರು. ಸಿಟಿ ಸಿವಿಲ್ ಕೋರ್ಟ್ ಮುಂಭಾಗದ ಸೆಂಟ್ರಲ್ ಕಾಲೇಜ್ ಮೆಟ್ರೋ ಸ್ಟೇಷನ್ ಬಳಿ ನಡೆದಾಡಿಕೊಂಡು ಡೀಲ್ ಕುದುರಿಸಿದ್ದಾರೆ.
ಪಬ್ಲಿಕ್ನಲ್ಲಿಯೇ ಡೀಲ್ ಮಾತುಕತೆ ಕುದುರಿದ ಚಾಣಾಕ್ಷ ಶಾಸಕ ಇವರೇ ನೋಡಿ. ತಲಾ 2 ಲಕ್ಷ ರೂಪಾಯಿ ಡಿಮ್ಯಾಂಡ್ ಮಾಡಿ, ಅಂತಿಮವಾಗಿ ತಲಾ 1 ಲಕ್ಷಕ್ಕೆ ಒಪ್ಪಿಕೊಂಡು ಅಡ್ವಾನ್ಸ್ ಪಡೆದಿದ್ದಾರೆ. ಅದು, ಸಾರ್ವಜನಿಕ ಸ್ಥಳದಲ್ಲಿಯೇ ಸಲೀಸಾಗಿ ಅನ್ನದಾನಿ 1 ಲಕ್ಷ ಜೇಬಿಗಿಳಿಸಿದ್ದಾರೆ.
ಹೆಸರು: ಕೆ.ಅನ್ನದಾನಿ
ಪಕ್ಷ: ಜೆಡಿಎಸ್
ಕ್ಷೇತ್ರ: ಮಳವಳ್ಳಿ
ಜಿಲ್ಲೆ: ಮಂಡ್ಯ
ಸ್ಥಳ: ಸಿಟಿ ಸಿವಿಲ್ ಕೋರ್ಟ್ ಮುಂಭಾಗ, ಬೆಂಗಳೂರು
ಲಂಚ: 1 ಲಕ್ಷ ರೂಪಾಯಿ
