ಬೆಂಗಳೂರು : ಶಾಸಕರ ಅಡ್ಡಾಗೇ ಭೇಟಿ ಕೊಡುವ ಪವರ್ ಟಿವಿ ಸ್ಟಿಂಗ್ ಆಪರೇಷನ್ ತಂಡಕ್ಕೆ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದ 13ನೇ ಬೇಟೆ ಕಾಂಗ್ರೆಸ್ ಶಾಸಕ.
ಹೌದು, ಬಳ್ಳಾರಿ ಗ್ರಾಮಾಂತರ ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್ ಶಾಸಕ ನಾಗೇಂದ್ರ ಲಂಚಾವತಾರ ಪವರ್ ಟಿವಿ ಮೆಗಾ ಬೇಟೆಯಲ್ಲಿ ಬಯಲಾಗಿದೆ. ಬಳ್ಳಾರಿ ಗ್ರಾಮಾಂತರ ವ್ಯಾಪ್ತಿಯಲ್ಲಿ ಓಎಫ್ಸಿ ಕೇಬಲ್ ಅಳವಡಿಕೆ ಸಂಬಂಧ 20 ಲಕ್ಷ ರೂಪಾಯಿ ಲಂಚಕ್ಕೆ ಬೇಡಿಕೆ ಇಟ್ಟಿದ್ದು, ಫೈನಲ್ ಆಗಿ ಪ್ರತೀ ಕಿಲೋಮೀಟರ್ಗೆ ತಲಾ ಎರಡು ಲಕ್ಷ ರೂಪಾಯಿಗೆ ಡೀಲ್ ಮಾಡಿಕೊಂಡಿದ್ದಾರೆ.
ಪವರ್ ಟಿವಿ ಸ್ಟಿಂಗ್ ಆಪರೇಷನ್ ತಂಡ ಬಳ್ಳಾರಿ ಗ್ರಾಮಾಂತರ ಶಾಸಕ ನಾಗೇಂದ್ರ ಅವರ ಮನೆಗೇ ಭೇಟಿ ನೀಡಿತ್ತು. ನಮ್ಮ ತಂಡದ ಜೊತೆ ಬಳ್ಳಾರಿಯಲ್ಲಿರುವ ನಿವಾಸದಲ್ಲಿಯೇ ಶಾಸಕ ನಾಗೇಂದ್ರ ಡೀಲ್ ಮಾತುಕತೆ ನಡೆಸಿದ್ದರು. ಓಎಫ್ಸಿ ಕೇಬಲ್ ಅಳವಡಿಕೆಗೆ 20 ಲಕ್ಷ ರೂಪಾಯಿಗೆ ಶಾಸಕರು ಬೇಡಿಕೆ ಇಟ್ಟಿದ್ದರು.
2 ಲಕ್ಷ ಜೇಬಿಗಿಳಿಸಿದ ನಾಗಣ್ಣ
ಪ್ರತೀ ಕಿಲೋಮೀಟರ್ಗೆ ತಲಾ ಎರಡು ಲಕ್ಷ ರೂಪಾಯಿ ಲಂಚಕ್ಕೆ ಶಾಸಕ ನಾಗೇಂದ್ರ ಒಪ್ಪಿಗೆ ಸೂಚಿಸಿದ್ದರು. ಬಳಿಕ, ಎರಡು ಲಕ್ಷ ರೂಪಾಯಿ ಅಡ್ವಾನ್ಸ್ ಪಡೆದರು. ಪಿಎ ಮೂಲಕ 2 ಲಕ್ಷ ರೂಪಾಯಿ ಪಡೆದುಕೊಳ್ಳುವ ಬಳ್ಳಾರಿ ಗ್ರಾಮಾಂತರ ಶಾಸಕ ನಾಗೇಂದ್ರರ ಲಂಚ ಪುರಾಣ ಪವರ್ ಟಿವಿ ರಹಸ್ಯ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.
ಹೆಸರು: ನಾಗೇಂದ್ರ
ಕ್ಷೇತ್ರ: ಬಳ್ಳಾರಿ ಗ್ರಾಮಾಂತರ
ಪಕ್ಷ : ಕಾಂಗ್ರೆಸ್
ಜಿಲ್ಲೆ: ಬಳ್ಳಾರಿ
ಸ್ಥಳ: ಶಾಸಕರ ನಿವಾಸ, ಬಳ್ಳಾರಿ
