ಬೆಂಗಳೂರು : ಮುಳಬಾಗಿಲು ವಿಧಾನಸಭಾ ಕ್ಷೇತ್ರದ ಶಾಸಕ ಹೆಚ್.ನಾಗೇಶ್ ಪವರ್ ಟಿವಿ ಮೆಗಾ ಬೇಟೆಯಲ್ಲಿ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದ 3ನೇ ಬೇಟೆ. ಮುಳಬಾಗಿಲು ಕ್ಷೇತ್ರ ವ್ಯಾಪ್ತಿಯಲ್ಲಿ ಓಎಫ್ಸಿ ಕೇಬಲ್ ಅಳವಡಿಕೆ ಸಂಬಂಧ 15 ಲಕ್ಷ ರೂಪಾಯಿ ಲಂಚಕ್ಕೆ ಬೇಡಿಕೆ ಇಟ್ಟಿದ್ದು, ಫೈನಲ್ ಆಗಿ 11 ಲಕ್ಷ ರೂಪಾಯಿಗೆ ಲಂಚದ ಮಂಚ ಏರಿದ್ದಾರೆ.
ಹೌದು, ಓಎಫ್ಸಿ ಕೇಬಲ್ ಅಳವಡಿಕೆ ಸಂಬಂಧ ಮೆಗಾ ಡೀಲ್ ಮಾತುಕತೆ ವೇಳೆ ಮುಳಬಾಗಿಲು ಶಾಸಕ ಹೆಚ್.ನಾಗೇಶ್ ಲಂಚಾವತಾರದ ಕರಾಳ ಮುಖ ಬಟಾ ಬಯಲಾಗಿದೆ. ಶಾಸಕನ ಭ್ರಷ್ಟಾಚಾರ ಪವರ್ ಟಿವಿಗೆ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.
ಮುಳಬಾಗಿಲಿನಲ್ಲಿ ಓಎಫ್ಸಿ ಕೇಬಲ್ ಅಳವಡಿಕೆ ಸಂಬಂಧ ಮುಳಬಾಗಿಲು ಶಾಸಕ ಹೆಚ್.ನಾಗೇಶ್ ಪವರ್ ಟಿವಿ ಪ್ರತಿನಿಧಿ ಜೊತೆಗೆ ಲಂಚದ ಮಾತುಕತೆ ನಡೆಸಿ, ರೆಡ್ ಹ್ಯಾಂಡ್ ಆಗಿ ಬಲೆಗೆ ಬಿದ್ದಿದ್ದಾರೆ. ಬೆಂಗಳೂರಿನ ವೈಟ್ಫೀಲ್ಡ್ನಲ್ಲಿರುವ ಅಪಾರ್ಟ್ಮೆಂಟ್ ವೊಂದರಲ್ಲಿ ಶಾಸಕರ ಡೀಲ್ ನಡೆದಿದೆ.
ಓಎಫ್ಸಿ ಕೇಬಲ್ ಅಳವಡಿಕೆಗೆ ಪರ್ಮಿಶನ್ ನೀಡಲು ಕಿಲೋಮೀಟರ್ಗೆ ಒಂದೂವರೆ ಲಕ್ಷ ಡಿಮ್ಯಾಂಡ್ ಒಟ್ಟು 15 ಲಕ್ಷ ರೂಪಾಯಿಗೆ ಬೇಡಿಕೆ ಇಟ್ಟಿರುವ ಶಾಸಕ ಹೆಚ್.ನಾಗೇಶ್, ಫೈನಲ್ ಡೀಲ್ ಆಗಿ 11 ಲಕ್ಷ ರೂಪಾಯಿಗೆ ಒಪ್ಪಿಗೆ ನೀಡಿದ್ದಾರೆ. ಫೈನಲ್ ಆಗಿ 2 ಲಕ್ಷ ರೂಪಾಯಿ ಅಡ್ವಾನ್ಸ್ ಆಗಿ ಪಡೆದುಕೊಳ್ಳುವಾಗ ಪವರ್ ಟಿವಿಗೆ ರೆಡ್ ಹ್ಯಾಂಡ್ ಆಗಿ ಬಲೆಗೆ ಬಿದ್ದಿದ್ದಾರೆ.
ಹೆಚ್.ನಾಗೇಶ್
ಪಕ್ಷ: ಕಾಂಗ್ರೆಸ್
ವಯಸ್ಸು : 64 ವರ್ಷ
ಕ್ಷೇತ್ರ: ಮುಳಬಾಗಿಲು ವಿಧಾನಸಭಾ ಕ್ಷೇತ್ರ
ಜಿಲ್ಲೆ: ಕೋಲಾರ
ಪ್ರಮುಖ ಅಂಶಗಳು:
ಪಕ್ಷೇತರ ಶಾಸಕರಾಗಿ ಆಯ್ಕೆ
ಬಿಜೆಪಿಗೆ ಬೆಂಬಲ ನೀಡಿ ಅಬಕಾರಿ ಸಚಿವರಾಗಿ ಸೇವೆ
ಅಧಿಕೃತವಾಗಿ ಕಾಂಗ್ರೆಸ್ ಪಕ್ಷ ಸೇರ್ಪಡೆ
ಒಟ್ಟು ಆಸ್ತಿ : 11.9 ಕೋಟಿ
