ಬೆಂಗಳೂರು : ಗ್ಯಾಂಗ್ಲೀಡರ್.. ಇದು 90ರ ದಶಕದಲ್ಲಿ ಟಾಲಿವುಡ್ ನಲ್ಲಿ ಕಮಾಲ್ ಮಾಡಿದ ಸಿನಿಮಾ. ಈ ಗ್ಯಾಂಗ್ಲೀಡರ್ ಮತ್ತೆ ಥಿಯೇಟರ್ ಅಂಗಳಕ್ಕೆ ಕಾಲಿಟ್ಟಿದೆ.
ಹೌದು, ಟಾಲಿವುಡ್ ಮೆಗಾಸ್ಟಾರ್ ಮೈಂಡ್ ಬ್ಲೋಯಿಂಗ್ ಡ್ಯಾನ್ಸ್, ವಿಜಯಶಾಂತಿ ಗ್ಲಾಮರ್ ಜೊತೆ ಹೈ ವೋಲ್ಟೇಜ್ ಌಕ್ಷನ್ ಸಿನಿಮಾ. ಗ್ಯಾಂಗ್ಲೀಡರ್ ಇಂದಿಗೂ ಫ್ರೆಶ್ ಫೀಲ್ ಕೊಡುತ್ತಿದೆ. 50ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ 100 ದಿನ ಕಂಡ ಚಿರು ಬಿಗ್ಗೆಸ್ಟ್ ಹಿಟ್ ಮೂವಿ ಕಹಾನಿ ಇಲ್ಲಿದೆ ನೋಡಿ.
ಗ್ಯಾಂಗ್ಲೀಡರ್ ಅಂದಾಕ್ಷಣ ಮೆಗಾಸ್ಟಾರ್ ಚಿರಂಜೀವಿ ಕಣ್ಮುಂದೆ ಬರ್ತಾರೆ. ಕಾರಣ ಇದು ಮೆಗಾಸ್ಟಾರ್ ಕರಿಯರ್ನಲ್ಲೇ ಒನ್ ಆಫ್ ದಿ ಬಿಗ್ಗೆಸ್ಟ್ ಹಿಟ್ ಮೂವಿ. 1991ರ ಮೇ 9ರಂದು ತೆರೆಕಂಡ ಈ ಸಿನಿಮಾ ಌಕ್ಷನ್ ಕ್ರೈಂ ಜಾನರ್ನಿಂದ ಕೂಡಿತ್ತು. ಇದೊಂದು ಮಾಸ್ ಸಿನಿಮಾ ಆದರೂ, ಮ್ಯುಸಿಕ್ನಿಂದ ಇನ್ನಿಲ್ಲದೆ ಎಲ್ಲರನ್ನ ಕಾಡಿತ್ತು.
ಡ್ಯಾನ್ಸ್ ಮೂಲಕ ಧೂಳೆಬ್ಬಿಸಿದ ಚಿರು
ಗ್ಯಾಂಗ್ಲೀಡರ್ ಸಿನಿಮಾಗೆ ಬಪ್ಪಿ ಲಹರಿ ಸಂಗೀತ ಸಂಯೋಜನೆ ಮಾಡಿದ್ದರು. ಚಿತ್ರದ ಹಾಡುಗಳು ಎಲ್ಲರೂ ಗುನುಗುವಂತಾಗಿತ್ತು. ಚಿತ್ರಾ ಹಾಗೂ ಎಸ್.ಪಿ. ಬಾಲಸುಬ್ರಮಣ್ಯಂ ಗಾಯನದಲ್ಲಿ ಎಲ್ಲಾ ಹಾಡುಗಳು ಮೂಡಿಬಂದಿದ್ದು, ಇಂದಿಗೂ ಎವರ್ಗ್ರೀನ್ ಸಾಂಗ್ಸ್ ಆಗಿ ಉಳಿದುಕೊಂಡಿವೆ. ಅದರಲ್ಲೂ ಆ ಮ್ಯೂಸಿಕ್ಗೆ ತಕ್ಕನಾಗಿ ಚಿರು ಅದ್ಭುತ ಡ್ಯಾನ್ಸ್ ಮಾಡಿ, ಧೂಳೆಬ್ಬಿಸಿದ್ದರು.
50ಕ್ಕೂ ಹೆಚ್ಚು ಸೆಂಟರ್ಗಳಲ್ಲಿ ಶತದಿನೋತ್ಸವ
ನಟ ಪ್ರಭುದೇವ ಕೊರಿಯೋಗ್ರಫಿಯಲ್ಲಿ ಚಿರು ಡ್ಯಾನ್ಸ್ಗೆ ಪ್ರೇಕ್ಷಕರು ಹುಚ್ಚೆದ್ದು ಕುಣಿದಿದ್ದರು. ಈ ಸಿನಿಮಾ 50ಕ್ಕೂ ಅಧಿಕ ಸೆಂಟರ್ಗಳಲ್ಲಿ 100 ದಿನದ ಸೆಲೆಬ್ರೇಟ್ ಮಾಡಿತ್ತು. ಬಾಕ್ಸ್ ಆಫೀಸ್ ಬ್ಯಾಂಗ್ ಮಾಡಿದ್ದ ಈ ಸಿನಿಮಾ ಇಂಟರ್ನ್ಯಾಷನಲ್ ಫಿಲ್ಮ್ ಫೆಸ್ಟಿವಲ್ನಲ್ಲಿ ಪ್ರದರ್ಶನ ಕಂಡಿತ್ತು. ತಮಿಳಿಗೆ ಡಬ್ ಆಗಿ, ಹಿಂದಿಗೆ ರಿಮೇಕ್ ಮಾಡಲಾಯ್ತು. ಅಷ್ಟೇ ಅಲ್ಲದೆ ಸ್ಯಾಂಡಲ್ ವುಡ್ ರಿಯಲ್ ಸ್ಟಾರ್ ಉಪೇಂದ್ರ, ಈ ಕಥೆಗೆ ಫಿದಾ ಆಗಿ ‘ಕುಟುಂಬ’ ಟೈಟಲ್ನಲ್ಲಿ ಕನ್ನಡ ಸಿನಿಪ್ರೇಕ್ಷಕರಿಗೆ ಕಿಕ್ ಕೊಟ್ಟಿದ್ದರು.
ಇದನ್ನೂ ಓದಿ : RRR ರೀ-ರಿಲೀಸ್ : ಮಾರ್ಚ್ 10ರಿಂದ ಮತ್ತೆ ಬೆಳ್ಳಿತೆರೆ ಮೇಲೆ ಕಮಾಲ್
ಫ್ಯಾಮಿಲಿ-ಎಮೋಷನ್ಸ್ ಬ್ಲೆಂಡ್
ಗ್ಯಾಂಗ್ಲೀಡರ್ 90ರ ದಶಕದಲ್ಲೇ 70 ಮಿಲಿಯನ್ ಡಿಸ್ಟ್ರಿಬ್ಯೂಷನ್ ಶೇರ್ ಪಡೆದಿತ್ತು. ಈ ಗ್ಯಾಂಗ್ನಲ್ಲಿ ಚಿರು ಜೊತೆ ಲೇಡಿ ಬಾಂಡ್ ವಿಜಯಶಾಂತಿ ಬಣ್ಣ ಹಚ್ಚಿದ್ದರು. ಇಬ್ಬರ ಕೆಮಿಸ್ಟ್ರಿಗೆ ಸಿನಿ ಪ್ರೇಕ್ಷಕರು ದಂಗಾಗಿದ್ದರು.
ಗ್ಯಾಂಗ್ಲೀಡರ್ ಸಿನಿಮಾದಲ್ಲಿ ಕ್ರೈಂ ಥ್ರಿಲ್ಲರ್ನಲ್ಲಿ ಫ್ಯಾಮಿಲಿ ವ್ಯಾಲ್ಯೂಸ್ ಹಾಗೂ ಎಮೋಷನ್ಸ್ನ ಅದ್ಭುತವಾಗಿ ಬ್ಲೆಂಡ್ ಮಾಡಲಾಗಿತ್ತು. ಸಿಟ್ರೋಯೆನ್ CX ಪಲ್ಲಾಸ್ ಅನ್ನೋ ಕ್ಲಾಸಿಕ್ ಕಾರ್ನ ಈ ಚಿತ್ರದಲ್ಲಿ ಬಳಸಲಾಗಿತ್ತು. ಈ ಕಾರ್ ಸೌತ್ ಇಂಡಿಯಾದಲ್ಲಿ ಒಬ್ಬರ ಬಳಿ ಮಾತ್ರ ಇತ್ತು ಎನ್ನುವುದು ಇತಿಹಾಸವೇ ಸರಿ.
ಒಟ್ನಲ್ಲಿ, ಚಿರಂಜೀವಿ ಕರಿಯರ್ನಲ್ಲೇ ಒನ್ ಆಫ್ ದಿ ಬೆಸ್ಟ್ ಮೂವಿ ಎನಿಸಿಕೊಂಡ ಗ್ಯಾಂಗ್ಲೀಡರ್ ಇದೀಗ ರೀ ರಿಲೀಸ್ ಆಗಿದೆ. ಬದಲಾದ ತಂತ್ರಜ್ಞಾನದಲ್ಲಿ ಮತ್ತೆ ಬೆಳ್ಳಿಪರದೆ ಬೆಳಗುತ್ತಿದೆ. ಇಂದಿಗೂ ಪ್ರೇಕ್ಷಕರು ಮುಗಿಬಿದ್ದು ಈ ಸಿನಿಮಾನ ಫ್ಯಾಮಿಲಿ ಸಮೇತ ನೋಡ್ತಿದ್ದಾರೆ. ಇದು ಚಿರಂಜೀವಿಗಿರೋ ಗತ್ತು, ಗ್ಯಾಂಗ್ಲೀಡರ್ ಸಿನಿಮಾದ ಗಮ್ಮತ್ತು ಎನ್ನುವುದು ಟಾಲಿವುಡ್ ಮಂದಿಯ ಮಾತಾಗಿದೆ.
- ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
