ಕಾರವಾರ; ನಾಯಿ ಬೇಟೆಯಾಡಲು ಮನೆಯೊಂದರ ಬಳಿ ಚಿರತೆ ಆಗಮಿಸಿದ್ದ ಘಟನೆ ಹೊನ್ನಾವರದ ಗೊಳಿಬೈಲ್ ಗ್ರಾಮದಲ್ಲಿ ನಡೆದಿರುವ ದೃಶ್ಯ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.
ಉತ್ತರಕನ್ನಡ ಜಿಲ್ಲೆಯ ಹೊನ್ನಾವರ ತಾಲ್ಲೂಕು ಗ್ರಾಮದ ನಿವಾಸಿ ಗಣಪು ಹೆಗಡೆ ಎಂಬುವವರ ಮನೆಯಂಗಳದಲ್ಲಿ ಚಿರತೆ ಕಾಣಿಸಿಕೊಂಡಿದೆ. ಬೆಳಗಿನ ಜಾವ 4:20ರ ಸುಮಾರಿಗೆ ನಾಯಿ ಹಿಡಿಯಲು ಚಿರತೆ ಬಂದಿದ್ದು, ಆದರೆ ನಾಯಿ ಕೊರಳಿಗೆ ಸರಪಳಿ ಕಟ್ಟಿದ್ದರಿಂದ ನಾಯಿ ಬಚಾವ್ ಆಗಿದೆ.
ಇನ್ನು ನಾಯಿ ಅರಚಾಟ ಕೇಳಿ ಮನೆಯವರು ಲೈಟ್ ಆನ್ ಮಾಡುತ್ತಿದ್ದಂತೆ ಚಿರತೆ ಪರಾರಿಯಾಗಿದೆ. ಕೆಲದಿನಗಳಿಂದ ಹೊಸಾಕುಳಿ ಗ್ರಾಮ ಪಂಚಾಯತಿ ವ್ಯಾಪ್ತಿಯಲ್ಲಿ ಚಿರತೆ ಕಾಣಿಸಿಕೊಳ್ಳುತ್ತಿದ್ದು, ಅರಣ್ಯ ಇಲಾಖೆ ಬೋನು ಇರಿಸಿದ್ದರೂ ತಪ್ಪಿಸಿಕೊಂಡು ಚಿರತೆ ಈ ಭಾಗದಲ್ಲಿ ಓಡಾಡುತ್ತಿದೆ.
