ರಾಕ್ಸ್ಟಾರ್ ರೇಮೊ ಮೋಡಿಗೆ ಎಲ್ರೂ ಫಿದಾ ಆಗಿದ್ದಾರೆ. ಸ್ಯಾಂಡಲ್ವುಡ್ನ ಮಿಲ್ಕಿಬಾಯ್ ಇಶಾನ್ & ಆಶಿಕಾ ಗ್ಲಾಮರ್ ರಂಗಿನಿಂದ ರೇಮೊ ಹೌಸ್ಫುಲ್ ಪ್ರದರ್ಶನ ಕಾಣ್ತಿದೆ. ಈ ಮ್ಯೂಸಿಕಲ್ ಲವ್ ಕಮ್ ಫ್ಯಾಮಿಲಿ ಎಂಟರ್ಟೈನರ್ಗೆ ಚಿತ್ರಪ್ರೇಮಿಗಳ ಜೊತೆ ಚಿತ್ರರಂಗದ ತಾರೆಯರು ಕೂಡ ಬಹುಪರಾಕ್ ಹೇಳಿದ್ದಾರೆ.
- ಇಶಾನ್- ಆಶಿಕಾ ಆ್ಯರೊಗೆಂಟ್ ಹಿಟ್.. 100% ಕೌಟುಂಬಿಕ ಚಿತ್ರ
- ಎಲ್ಲೆಡೆ ಹೌಸ್ಫುಲ್.. ಸ್ಯಾಂಡಲ್ವುಡ್ ಮಿಲ್ಕಿಬಾಯ್ ರಾಕ್ಸ್
- ಮೇಕಿಂಗ್ ಕ್ವಾಲಿಟಿಗೆ ಕೇರ್ ಆಫ್ ಅಡ್ರೆಸ್ ಆಯ್ತು ‘ರೇಮೊ’..!
ಯೆಸ್.. ಕಳೆದವಾರ ತೆರೆಕಂಡ ರೇಮೊ ಎಲ್ಲೆಡೆ ರಾಕ್ ಮಾಡ್ತಿದೆ. ರಾಕ್ಸ್ಟಾರ್ ಆಗಿ ನಾಯಕನಟ ಇಶಾನ್ ಎಲ್ಲರ ದಿಲ್ ದೋಚಿದ್ದಾರೆ. ಒಂದ್ಕಡೆ ಆಶಿಕಾ ರಂಗನಾಥ್ ಸಾಫ್ಟ್ ಅಂಡ್ ಬೋಲ್ಡ್ ಕ್ಯಾರೆಕ್ಟರ್ಸ್, ಮತ್ತೊಂದ್ಕಡೆ ರೇವಂತ್ ರೆಸ್ಪಾನ್ಸಬಲಿಟೀಸ್ ಹಾಗೂ ರೇಮೊ ಕ್ರೇಜಿ ರೋಲ್ ಸಿನಿಮಾಗೆ ಪ್ಲಸ್ ಆಗಿದೆ.
ಜಸ್ಟ್ ಯೂತ್ಫುಲ್ ಎಂಟರ್ಟೈನರ್ ಅನಿಸದೆ, ಕಂಪ್ಲೀಟ್ ಫ್ಯಾಮಿಲಿ ಕೂತು ನೋಡುವ ಸಿನಿಮಾ ಆಗಿ ಹೊರಹೊಮ್ಮಿರೋ ರೇಮೊ, ಎಲ್ಲೆಡೆ ಹೌಸ್ಫುಲ್ ಪ್ರದರ್ಶನ ಕಾಣ್ತಿದೆ. ಗೂಗ್ಲಿ ನಂತ್ರ ಪವನ್ ಒಡೆಯರ್ ನಿರ್ದೇಶನದ ಇಂಟೆನ್ಸ್ ಲವ್ ಕಮ್ ಫ್ಯಾಮಿಲಿ ಎಂಟರ್ಟೈನರ್ ಇದು. ಅಲ್ಲದೆ, ಕ್ವಾಲಿಟಿ ಸಿನಿಮಾ ಕಟ್ಟಿಕೊಡೋದ್ರಲ್ಲಿ ನಿರ್ಮಾಪಕ ಸಿಆರ್ ಮನೋಹರ್ ಸಿನಿಮಾ ಪ್ಯಾಷನ್ ಪ್ರತಿ ಫ್ರೇಮ್ನಲ್ಲೂ ಎದ್ದು ಕಾಣ್ತಿದೆ.
ಅರ್ಜುನ್ ಜನ್ಯ ಮ್ಯೂಸಿಕ್, ವೈದಿ ಸಿನಿಮಾಟೋಗ್ರಫಿ ಸಿನಿಮಾನ ಟೆಕ್ನಿಕಲಿ ಮತ್ತಷ್ಟು ಬಲಿಷ್ಟಗೊಳಿಸಿವೆ. ಇಶಾನ್ ಕ್ರೇಜಿ ಆ್ಯಕ್ಟಿಂಗ್ ನೋಡುಗರಲ್ಲಿ ಕ್ರೇಜ್ ಹೆಚ್ಚಿಸುತ್ತಿದೆ. ಚಿತ್ರದಲ್ಲಿನ ಡೈಲಾಗ್ನಂತೆ ಆ್ಯರೊಗೆಂಟ್ ಹಿಟ್ ಆಗಿರೋ ಈ ಸಿನಿಮಾ, ಬಾಕ್ಸ್ ಆಫೀಸ್ನಲ್ಲೂ ಜೋರಾಗೇ ಸದ್ದು ಮಾಡ್ತಿದೆ. ಅಂದಹಾಗೆ ರೇಮೊ ಸಿನಿಮಾನ ಬರೀ ಸಿನಿಪ್ರಿಯರಷ್ಟೇ ಅಲ್ಲ, ಇಂಡಸ್ಟ್ರಿ ಮಂದಿ ಕೂಡ ನೋಡಿ ಮೆಚ್ಚಿಕೊಂಡಿದ್ದಾರೆ.
ಒಟ್ಟಾರೆ ಕನ್ನಡ ಸಿನಿಮಾಗಳು ಪರಭಾಷಿಗರನ್ನು ನಿದ್ದೆ ಕೆಡಿಸುತ್ತಿರೋ ಈ ಸುವರ್ಣ ಗಳಿಗೆಯಲ್ಲಿ ಇಂತಹ ಕ್ವಾಲಿಟಿ ಸಿನಿಮಾ ಬಂದಿರೋದು ಮನರಂಜನಾ ಕ್ಷೇತ್ರದ ಗತ್ತು ಹೆಚ್ಚಿದಂತಿದೆ. ಇಶಾನ್ ಭರವಸೆಯ ಸೂಪರ್ ಸ್ಟಾರ್ ಆಗಿದ್ದು, ಅಲ್ಟಿಮೇಟ್ ಪರ್ಫಾಮೆನ್ಸ್ನಿಂದ ಫ್ಯಾನ್ ಫಾಲೋಯಿಂಗ್ ಸಂಪಾದಿಸಿಕೊಂಡಿದ್ದಾರೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
