ಗಿಲ್ಲಕ್ಕೋ ಶಿವನ ಹಾವಳಿ ದೀಪಾವಳಿಗಿಂತ ಜೋರಿದೆ. ಯೆಸ್.. ಸಿಂಗಲ್ ಟೀಸರ್ನಿಂದ ಹಲ್ಚಲ್ ಎಬ್ಬಿಸಿದ್ದ ಕರುನಾಡ ಚಕ್ರವರ್ತಿ, ಇದೀಗ ಮಾಸ್ ಖದರ್ ಸಾಂಗ್ನಿಂದ ಸಂಚಲನ ಮೂಡಿಸಿದ್ದಾರೆ. ವೇದ ಆಲ್ಬಂನ ಫಸ್ಟ್ ಸಾಂಗ್ ಲಾಂಚ್ ಆಗಿದ್ದು, ಅಭಿಮಾನಿ ದೇವರುಗಳಿಗೆ ಸಖತ್ ಕಿಕ್ ಕೊಡ್ತಿದೆ.
- ನಾಗೇಂದ್ರ ಪ್ರಸಾದ್ ಲೈನ್.. ಜನ್ಯ ಟ್ಯೂನ್.. ವೇದ ಪವರ್
ಭಜರಂಗಿ- 2 ಹಾಗೂ ಬೈರಾಗಿ ಸಿನಿಮಾಗಳ ನಂತ್ರ ಡಾ. ಶಿವರಾಜ್ಕುಮಾರ್ ನಟನೆಯ ಬಹು ನಿರೀಕ್ಷಿತ ವೇದ ಸಿನಿಮಾದ ರಿಲೀಸ್ ಡೇಟ್ ಕನ್ಫರ್ಮ್ ಆಗಿದೆ. ಇದೇ ಡಿಸೆಂಬರ್ 23ಕ್ಕೆ ವರ್ಷದ ಕೊನೆಯ ಬಿಗ್ಗೆಸ್ಟ್ ಸಿನಿಮಾ ಆಗಿ ತೆರೆಗಪ್ಪಳಿಸಲಿರೋ ವೇದ, ಶಿವಣ್ಣ ಸಿನಿಜರ್ನಿಯಲ್ಲೇ ಬಹಳ ಮಹತ್ವವಾದದ್ದು. ಕಾರಣ ಇದು ಅವ್ರ 125ನೇ ಎಂಟರ್ಟೈನರ್.
ಹರ್ಷ ನಿರ್ದೇಶನದ ವೇದ ಹತ್ತು ಹಲವು ವಿಶೇಷತೆಗಳಿಂದ ಸಾದಾ ಸೀದಾ ಸಿನಿಮಾ ಅನಿಸಿಲ್ಲ. ಹೌದು.. 1960ರ ದಶಕದ ರಕ್ತಸಿಕ್ತ ಕಥಾನಕ ಇದಾಗಿರಲಿದೆ. ಶಿವಣ್ಣ ಮಚ್ಚು ಹಿಡಿದು ನೆತ್ತರು ಹರಿಸಲಿದ್ದಾರೆ. ಜೈಲ್ ಕೂಡ ಬ್ಯಾಕ್ಡ್ರಾಪ್ನಲ್ಲಿ ಇರೋದ್ರಿಂದ ಪಕ್ಕಾ ಔಟ್ ಅಂಡ್ ಔಟ್ ಮಾಸ್ ಮಾಸಾಲ ಸಿನಿಮಾ ಅನಿಸಿದೆ.
ಟೀಸರ್ನಿಂದ ಭರವಸೆ ಮೂಡಿಸಿದ್ದ ವೇದ, ಇದೀಗ ಹಾಡುಗಳಿಂದ ಹಂಗಾಮ ಮಾಡ್ತಿದೆ. ಅರ್ಜುನ್ ಜನ್ಯ ಸಂಗೀತ ಸಂಯೋಜನೆಯಲ್ಲಿ ಆಲ್ಬಂ ಮೂಡಿಬಂದಿದ್ದು, ಮೊದಲ ಸಾಂಗ್ ರಿವೀಲ್ ಆಗಿದೆ. ಗಿಲ್ಲಕ್ಕೋ ಶಿವ ಅನ್ನೋ ಈ ಹಾಡಿಗೆ ಡಾ. ವಿ ನಾಗೇಂದ್ರ ಪ್ರಸಾದ್ ಸಾಹಿತ್ಯವಿದ್ದು, ಹೀರೋ ಇಂಟ್ರಡಕ್ಷನ್ ಖದರ್ನ ಸಾರುವ ಗೀತೆ ಅನಿಸಿದೆ.
ಟಾಲಿವುಡ್ನ ಖ್ಯಾತ ಗಾಯಕಿ ಮಂಗ್ಲಿ ಗಾಯನದಿಂದ ಹಾಡಿನ ಗಮ್ಮತ್ತು ಮತ್ತಷ್ಟು ಹೆಚ್ಚಿದೆ. ಸದ್ಯ ರಿಲೀಸ್ ಆಗಿರೋದು ಲಿರಿಕಲ್ ವಿಡಿಯೋ ಆದ್ರೂ, ಶಿವಣ್ಣನ ಖದರ್, ವೇದ ಕ್ಯಾರೆಕ್ಟರ್ನ ಪವರ್ ಈ ಹಾಡಿನಿಂದ ಹೊರಹೊಮ್ಮಿದೆ. ಗೀತಾ ಶಿವರಾಜ್ಕುಮಾರ್ ಅವ್ರೇ ವೇದ ಚಿತ್ರವನ್ನು ತಮ್ಮ ಹೋಮ್ ಬ್ಯಾನರ್ನಲ್ಲಿ ನಿರ್ಮಿಸ್ತಿದ್ದು, ಶಿವಣ್ಣನಿಗೆ ಡೈರೆಕ್ಟರ್ ಹರ್ಷ ಫ್ರೆಶ್ ಲುಕ್ಸ್ ಕೊಟ್ಟಿದ್ದಾರೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
