ಡಾರ್ಲಿಂಗ್ ಪ್ರಭಾಸ್ ಜೊತೆ ತೊಡೆತಟ್ಟಿ ನಿಂತಿರೋ ಕನ್ನಡದ ಉಡಾಳ್ ಬಾಬು, ಕರ್ನಾಟಕರತ್ನ ಅಪ್ಪು ಅಭಿಮಾನಿಯಾಗಿ ಬೆಳ್ಳಿತೆರೆ ಮೇಲೆ ಬ್ಯಾಂಗ್ ಮಾಡೋಕೆ ಬರ್ತಿದ್ದಾರೆ. ಯೆಸ್.. ಮೋಸ್ಟ್ ಎಕ್ಸ್ಪೆಕ್ಟೆಡ್ ಬಾಂಡ್ ರವಿ ಮೂವಿ ರಿಲೀಸ್ ಡೇಟ್ ಫೈನಲ್ ಆಗಿದೆ. ಇಷ್ಟಕ್ಕೂ ಚಿತ್ರದ ಹೈಲೈಟ್ಸ್ ಏನು..? ರಿಲೀಸ್ ಯಾವಾಗ ಅನ್ನೋದಕ್ಕೆ ಉತ್ತರ ನೀವೇ ಓದಿ.
- ಡಿ- 9ರಿಂದ ಬಿಗ್ಸ್ಕ್ರೀನ್ನಲ್ಲಿ ಪ್ರಮೋದ್ ಮಾಸ್ ಖದರ್..!
- ಟೀಸರ್ ಮತ್ತು ಸಾಂಗ್ಸ್ನಿಂದ ಸದ್ದು ಮಾಡ್ತಿದೆ ಬಾಂಡ್ ರವಿ
- ಮಾಸ್ ಡೈಲಾಗ್ಸ್.. ಜಬರ್ದಸ್ತ್ ಮೇಕಿಂಗ್.. ಕಿಲ್ಲಿಂಗ್ ಸೀನ್ಸ್
ಯೆಸ್.. ಸಿಂಗಲ್ ಟೀಸರ್ನಿಂದ ಹಲ್ಚಲ್ ಎಬ್ಬಿಸಿದ್ದ ಬಾಂಡ್ರವಿ ಚಿತ್ರದ ರಿಲೀಸ್ ಡೇಟ್ ಫೈನಲ್ ಆಗಿದೆ. ಡಿಸೆಂಬರ್ 9ರಂದು ಬಾಂಡ್ರವಿ ವರ್ಲ್ಡ್ವೈಡ್ ರಿಲೀಸ್ ಆಗ್ತಿದ್ದು, ಈ ಚಿತ್ರದಿಂದ ಕನ್ನಡ ಚಿತ್ರರಂಗಕ್ಕೆ ಮತ್ತೊಬ್ಬ ಮಾಸ್ ಹೀರೋ ಉಗಮ ಆಗ್ತಿದೆ.
ರತ್ನನ್ ಪ್ರಪಂಚ ಚಿತ್ರದಲ್ಲೇ ಡಾಲಿಯ ಎದುರು ತನ್ನ ನಟನಾ ಗಮ್ಮತ್ತು ತೋರಿದ್ದ ಉಡಾಳ್ ಬಾಬು ಅಲಿಯಾಸ್ ಪ್ರಮೋದ್, ಈ ಚಿತ್ರದ ಅಸಲಿ ಬಾಂಡ್ ರವಿ. ಹೌದು.. ಅಪ್ಪಟ ಅಪ್ಪು ಅಭಿಮಾನಿಯಾಗಿ ಕಾಣಸಿಗಲಿರೋ ನಾಯಕನಟ, ಜೈಲಲ್ಲಿ ರೌಡಿಗಳಿಗೆ ಮಣ್ಣಿ ಮುಕ್ಕಿಸೋ ಮಾಸ್ ಎಲಿಮೆಂಟ್ಸ್ ಇಂಪ್ರೆಸ್ಸೀವ್ ಅನಿಸಿವೆ.
ಪ್ರಜ್ವಲ್ ನಿರ್ದೇಶನದ ಹಾಗೂ ನರಸಿಂಹಮೂರ್ತಿ ವಿ ನಿರ್ಮಾಣದ ಬಾಂಡ್ರವಿ, ಪಂಚ್ ಡೈಲಾಗ್ಸ್, ಮಾಸ್ ಫೈಟ್ಸ್ ಹಾಗೂ ಅದ್ಭುತ ಮೇಕಿಂಗ್ನಿಂದ ಮ್ಯಾಜಿಕ್ ಮಾಡೋ ಮನ್ಸೂಚನೆ ನೀಡಿದೆ. ಸದ್ಯ ಡಾರ್ಲಿಂಗ್ ಪ್ರಭಾಸ್ ಎದುರು ಸಲಾರ್ನಲ್ಲಿ ನಟಿಸೋಕೆ ಅವಕಾಶ ಗಿಟ್ಟಿಸಿಕೊಂಡಿರೋ ಪ್ರಮೋದ್, ಈ ಚಿತ್ರದಿಂದ ಇಂಡಸ್ಟ್ರಿಗೆ ಅಸೆಟ್ ಆಗೋ ಭರವಸೆ ಕೊಡಲಿದ್ದಾರೆ.
ಜಯಂತ್ ಕಾಯ್ಕಿಣಿ, ವಿ ನಾಗೇಂದ್ರ ಪ್ರಸಾದ್ ಹಾಗೂ ಚಿನ್ಮಯ್ ಬಾವಿಕೆರೆ ಸಾಹಿತ್ಯದ ಹಾಡುಗಳು ಚಿತ್ರಕ್ಕೆ ಪ್ಲಸ್ ಆಗಿವೆ. ಮೆಲೋಡಿ ಕಿಂಗ್ ಮನೋಮೂರ್ತಿ ಈ ಸಿನಿಮಾಗೆ ಮ್ಯೂಸಿಕ್ ಕಂಪೋಸ್ ಮಾಡಿರೋದು ವಿಶೇಷ. ಕೆ ಎಸ್ ಚಂದ್ರಶೇಖತ್ ಸಿನಿಮಾಟೋಗ್ರಫಿ, ವಿಕ್ರಮ್ ಮಾಸ್ಟರ್ ಹಾಗೂ ಡಿಫರೆಂಟ್ ಡ್ಯಾನಿ ಸ್ಟಂಟ್ಸ್ ಚಿತ್ರಕ್ಕಿದೆ. ಮುಂಬೈನಲ್ಲಿ ಸೆಟಲ್ ಆಗಿರೋ ಕನ್ನಡತಿ ಕಾಜಲ್ ಕುಂದರ್ ಇಲ್ಲಿ ಪ್ರಮೋದ್ಗೆ ಜೋಡಿ.
ಮಜಾ ಮಜಾ ಸಾಂಗ್ ಸಖತ್ ಮಜಭೂತಾಗಿದೆ. ಜೈಲ್ನಲ್ಲಿ ಖೈದಿಗಳ ಜೊತೆ ಸ್ಟೆಪ್ ಹಾಕೋ ಈ ಹಾಡು, ಯೂತ್ಗೆ ಮಜಾ ಅನಿಸಲಿದೆ. ಚೌಕ ಚಿತ್ರದಲ್ಲಿನ ಅಲ್ಲಾಡ್ಸ್ ಅಲ್ಲಾಡ್ಸ್ ಸಾಂಗ್ನ ನೆನಪಿಸ್ತಿರೋ ಈ ಹಾಡು ಬಾಂಡ್ರವಿ ಡ್ಯಾನ್ಸ್ ಧಮಾಕ ಪರಿಚಯಿಸಿದೆ. ಒಟ್ಟಾರೆ ಡಿಸೆಂಬರ್ 9ಕ್ಕೆ ಪ್ರಮೋದ್ ಪರ್ಫಾಮೆನ್ಸ್ ತೆರೆ ಮೇಲೆ ಮೂಡಲಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
