ವೈದ್ಯೋ ನಾರಾಯಣ ಹರಿ ಎನ್ನುತಾರೆ. ಆದರೆ ಇತ್ತೀಗೆ ಇವರುಗಳು ಯಮಕಿಂಕರರಂತೆ ಭಾಸವಾಗ್ತಿದ್ದಾರೆ. ಚೆನ್ನಾಗಿ ಓದಿ ವಿಷಯ ಅರಿತು, ರೋಗಿಗಳ ಶುಶ್ರೂಷೆ ಮಾಡಬೇಕಿದ್ದ ನರ್ಸಿಂಗ್ ಸ್ಟೂಡೆಂಟ್ಸ್, ನಕಲಿ ಮಾರ್ಗದ ಮೂಲಕ ಪದವಿ ಪಡೆಯಲು ಮುಂದಾಗಿದ್ದಾರೆ.
ಬೆಂಗಳೂರು ನರ್ಸಿಂಗ್ ಕಾಲೇಜ್ಗಳಲ್ಲಿ ಕಾಪಿ ಕರ್ಮಕಾಂಡ ಬಹಿರಂಗವಾಗಿದ್ದು, ನರ್ಸಿಂಗ್ ವಿದ್ಯಾರ್ಥಿಗಳು ಅಂಜಿಕೆ, ಅಳುಕಿಲ್ಲದೇ ನಕಲಿ ಮಾಡಲು ಮುಂದಾಗಿದ್ದಾರೆ. ನರ್ಸಿಂಗ್ ಕಾಲೇಜ್ಗೆ ದಾಳಿ ನಡೆಸಿದ ನಮ್ಮ ಪವರ್ ಟಿವಿ SIT ತಂಡ ಅಲ್ಲಿನ ಅಕ್ರಮವನ್ನು ಬಯಲಿಗೆಳೆದಿದೆ.
ಯಲಹಂಕದ ಎಸ್ಬಿ ಕಾಲೇಜ್ ಆಫ್ ಮ್ಯಾನೇಜ್ಮೆಂಟ್ ಸ್ಟಡೀಸ್ನಲ್ಲಿಗೆ ತೆರಳಿದ ನಮ್ಮ ತಂಡಕ್ಕೆ ಇಲ್ಲಿ ನಡೆಯುವ ಎಕ್ಸಾಮ್ ಗೋಲ್ಮಾಲ್ ಕಂಡಿದೆ. ಕಾಪಿ ಹೊಡೆಯುತ್ತಾ ರೆಡ್ ಹ್ಯಾಂಡ್ ಆಗಿ ವಿದ್ಯಾರ್ಥಿಗಳು ಸಿಕ್ಕಿಬಿದ್ದಿದ್ದಾರೆ. ತಮ್ಮ ಕರ್ಮಕಾಂಡ ಬಯಲಾಗುತ್ತಲೇ ಕಾಲೇಜು ಆಡಳಿತ ಮಂಡಳಿ ಆಮಿಷಕ್ಕೆ ಮುಂದಾಗಿದೆ.
