ಬಾಲಿವುಡ್ ಗ್ರೀಕ್ಗಾಡ್ ಹೃತಿಕ್ನಂತಿರೋ ಕನ್ನಡದ ಮಿಲ್ಕಿಬಾಯ್ ಇಶಾನ್ಗೆ ಡಿಮ್ಯಾಂಡ್ ಹೆಚ್ಚಿದೆ. ರೇಮೊ ರಿಲೀಸ್ಗೂ ಮೊದಲೇ ಈತನ ಜೊತೆ ಸಿನಿಮಾ ಮಾಡೋಕೆ ಸ್ಟಾರ್ ಡೈರೆಕ್ಟರ್ಸ್ ಸಾಲಲ್ಲಿ ನಿಂತಿದ್ದಾರೆ. ಇಷ್ಟಕ್ಕೂ ಇಶಾನ್ಗೆ ಬೇಡಿಕೆ ಹೆಚ್ಚಾಗೋಕೆ ಕಾರಣ ಏನು..? ಯಾರೆಲ್ಲಾ ಕ್ಯೂನಲ್ಲಿದ್ದಾರೆ ಅನ್ನೋದಕ್ಕೆ ಈ ಇಂಟರೆಸ್ಟಿಂಗ್ ಸ್ಟೋರಿ ಒಮ್ಮೆ ಓದಿ.
- ರೇಮೊ ರಿಲೀಸ್ಗೂ ಮೊದ್ಲೇ ಮಿಲ್ಕಿಬಾಯ್ ಸೆನ್ಸೇಷನ್..!
- ಕ್ಯೂನಲ್ಲಿ ಡೈರೆಕ್ಟರ್ ಚೇತನ್, ಅನಿಲ್, ಹರ್ಷ, ರುದ್ರನಾಗ್
- ರೇಮೊ ನಂತ್ರ ಯಾವ ಚಿತ್ರ..? ಯಾರ ಜೊತೆ ಗೊತ್ತಾ..?
ರೇಮೊ.. ಶುಕ್ರವಾರ ಪ್ರೇಕ್ಷಕರಿಗೆ ಮಸ್ತ್ ಮನರಂಜನೆ ನೀಡೋಕೆ ಸಜ್ಜಾಗಿರೋ ಸಿನಿಮಾ. ಈ ಚಿತ್ರದಿಂದ ಕನ್ನಡ ಇಂಡಸ್ಟ್ರಿಗೆ ಮತ್ತೊಬ್ಬ ಆರಡಿ ಹೀರೋ ಸಿಗ್ತಿದ್ದಾರೆ. ಹೌದು.. ಇಶಾನ್ ಅನ್ನೋ ಈ ಸ್ಫುರದ್ರೂಪಿ ಚೆಲುವ, ನೋಡೋಕೆ ಫಾರಿನರ್ ತರಹ ಇದ್ರೂ, ಅಪ್ಪಟ ಕನ್ನಡಿಗ. ನಿರ್ಮಾಪಕ ಸಿ ಆರ್ ಮನೋಹರ್ ಕುಟುಂಬದ ಕುಡಿ.
ರೇಮೋ ಇವ್ರ ಮೊದಲ ಸಿನಿಮಾನಾ ಅಂದ್ರೆ ನೋ. ಇದಕ್ಕೂ ಮುನ್ನ ರೋಗ್ ಅನ್ನೋ ಚಿತ್ರದ ಮುಖೇನ ಟಾಲಿವುಡ್ನಲ್ಲಿ ಇಂಟ್ರಡ್ಯೂಸ್ ಆಗಿದ್ರು ಇಶಾನ್. ಒಳ್ಳೆ ಹೈಟು, ಅದಕ್ಕೆ ತಕ್ಕನಾದ ವೈಟು, ಸಿಲ್ಕಿ ಹೇರ್, ಹಾಲಿನಂತಹ ಸ್ಕಿನ್ ಟೋನ್, ಮಿಗಿಲಾಗಿ ಫೈಟ್, ಡ್ಯಾನ್ಸ್ ಮಾಡಬಲ್ಲ ಪಕ್ಕಾ ಟ್ರೈನ್ಡ್ ಌಕ್ಟಿಂಗ್ ಸ್ಕಿಲ್ಸ್. ಇವೆಲ್ಲವುಗಳಿಂದ ಖ್ಯಾತ ನಿರ್ದೇಶಕ ಪೂರಿ ಜಗನ್ನಾಥ್ ಇವ್ರನ್ನ ಚಿತ್ರರಂಗಕ್ಕೆ ಪರಿಚಯಿಸಿದ್ರು.
ಆ ಸಿನಿಮಾ ತಕ್ಕ ಮಟ್ಟಿಗೆ ಸದ್ದು ಮಾಡಿತಾದ್ರೂ, ಕೊರೋನಾ ಬಳಿಕ ಪ್ರಾಪರ್ ಆಗಿ ಕನ್ನಡಲ್ಲಿ ಲಾಂಚ್ ಮಾಡ್ತಿರೋದು ಗೂಗ್ಲಿ, ರಣವಿಕ್ರಮ ಡೈರೆಕ್ಟರ್ ಪವನ್ ಒಡೆಯರ್. ಹೌದು.. ಆಶಿಕಾ- ಇಶಾನ್ ಜೋಡಿಯಲ್ಲಿ ಮ್ಯೂಸಿಕಲ್ ಲವ್ ಸ್ಟೋರಿ ಮಾಡಿರೋ ಒಡೆಯರ್, ಇದೇ ನವೆಂಬರ್ 25ಕ್ಕೆ ಕನ್ನಡಿಗರ ಮುಂದೆ ಪ್ರಸ್ತುತ ಪಡಿಸ್ತಿದ್ದಾರೆ.
ಇಂಪೋರ್ಟೆಡ್ ಌಕ್ಟರ್ ರೀತಿ ಇರೋ ಇಶಾನ್ ಲುಕ್ಸ್ ಹಾಗೂ ನಟನಾ ಗಮ್ಮತ್ತಿಗೆ ಮನಸೋತ ಕನ್ನಡ ಚಿತ್ರರಂಗದ ಸ್ಟಾರ್ ಡೈರೆಕ್ಟರ್ಸ್ ಸದ್ಯ ಇವ್ರ ಹಿಂದೆ ಬಿದ್ದಿದ್ದಾರಂತೆ. ಡೇಟ್ಸ್ ಕೊಡಿ ಸಿನಿಮಾ ಮಾಡೋಣ ಅಂತ ಅವ್ರ ಮನೆ ಬಾಗಿಲು ತಟ್ಟಿದ್ದಾರೆ. ಆ ಪೈಕಿ ಜೇಮ್ಸ್ ಡೈರೆಕ್ಟರ್ ಚೇತನ್ ಕುಮಾರ್, ದಿಲ್ವಾಲಾ ಅನಿಲ್ ಕುಮಾರ್, ಭಜರಂಗಿ ಸಾರಥಿ ಹರ್ಷ ಹಾಗೂ ಯುವ-01 ಕ್ಯಾಪ್ಟನ್ ಪುನೀತ್ ರುದ್ರನಾಗ ಮುಂಚೂಣಿಯಲ್ಲಿದ್ದಾರೆ.
ಇವರೆಲ್ಲರೂ ಹಾರ್ಡ್ ವರ್ಕ್ ಮಾಡೋ ಸ್ಟಾರ್ ಡೈರೆಕ್ಟರ್ಸ್ ಆಗಿ ಗುರ್ತಿಸಿಕೊಂಡಿದ್ದು, ಪುನೀತ್ ರುದ್ರನಾಗ್ ಮಾತ್ರ ಕೆಜಿಎಫ್ ಟೀಂ ಜೊತೆ ಪಳಗಿದ್ದಾರೆ. ಯುವ ರಾಜ್ಕುಮಾರ್ ಜೊತೆಗಿನ ಸಿನಿಮಾ ಸೆಟ್ಟೇರಬೇಕಿದೆ. ಹೀಗಾಗಿ ರೇಮೊ ನಂತ್ರ ಇಶಾನ್ ಡೇಟ್ಸ್ ಯಾರಿಗೆ ಅನ್ನೋದೇ ಇಂಟರೆಸ್ಟಿಂಗ್. ಆದ್ರೆ ಮೂಲಗಳ ಪ್ರಕಾರ ಬಹದ್ದೂರ್ ಚೇತನ್ ಈಗಾಗ್ಲೇ ಕಥೆ ಸಿದ್ಧಪಡಿಸಿಕೊಳ್ತಿದ್ದು, ಡಿಸೆಂಬರ್ ಅಥ್ವಾ ಹೊಸ ವರ್ಷದ ಆರಂಭದಲ್ಲಿ ಸಿನಿಮಾ ಸೆಟ್ಟೇರಲಿದೆ.
ಒಟ್ಟಾರೆ ಆರಂಭದ ದಿನಗಳಲ್ಲೇ ಇಶಾನ್ ಈ ರೀತಿ ಡಿಮ್ಯಾಂಡ್ ಹೆಚ್ಚಿಸಿಕೊಂಡಿರೋದು ಖುಷಿಯ ವಿಚಾರ. ಇವ್ರ ಕರಿಯರ್ ಇದೇ ರೀತಿ ಬ್ಯುಸಿ ಆಗಿರಲಿ ಅಂತ ಹಾರೈಸುತ್ತಾ ಮುಂದಿನ ಪ್ರಾಜೆಕ್ಟ್ಗೆ ಬೆಸ್ಟ್ ವಿಶಸ್ ಹೇಳೋಣ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
